ກອງປະຊຸມລັດຖະມົນຕີແຮງງານ ແລະ ສະຫວັດດີການສັງຄົມ ລາວ-ຫວຽດນາມ ຄັ້ງທີ 8

01:12 | 07/12/2023

ວັນທີ 5 ທັນວາ, ຢູ່ນະຄອນຫຼວງພະບາງ, ປະເທດລາວ, ໄດ້ດໍາເນີນກອງປະຊຸມລັດຖະມົນຕີ ແຮງງານ ແລະສະຫວັດດີການສັງຄົມ ລາວ-ຫວຽດນາມ ຄັ້ງທີ 8. ກອງປະຊຸມໂດຍແມ່ນທ່ານນາງ ໃບຄໍາ ຂັດຕິຍະ ລັດຖະມົນຕີກະຊວງແຮງງານ ແລະສະຫວັດດີການສັງຄົມລາວ ກັບທ່ານ ດ່າວງອັກຢຸງ ລັດຖະມົນຕີກະຊວງແຮງງານ-ທະຫານເສຍອົງຄະ ແລະສັງຄົມຫວຽດນາມ ເປັນປະທານຮ່ວມ.

	ຊາວຫວຽດນາມ ໄປອອກແຮງງານຢູ່ຕ່າງປະເທດໄດ້ປະກອບສ່ວນໃຫ້ປະເທດຊາດ 3,5 – 4 ຕື້ USD/ປີ
	ສະຖານທູດຫວຽດນາມ ປະຈໍາລາວ ແຈ້ງເຕືອນໄພຫຼອກລວງໄປຂາຍແຮງງານ

ປີ 2023 ເປັນປີຄົບຮອບ 10 ປີແຫ່ງການປະຕິບັດສັນຍາຮ່ວມມືດ້ານແຮງງານລະຫວ່າງລັດຖະບານຫວຽດນາມ ແລະ ລັດຖະບານລາວ.

ການຮ່ວມມືດ້ານແຮງງານ ແລະ ສັງຄົມລະຫວ່າງສອງປະເທດບໍ່ພຽງແຕ່ໄດ້ຮັບການປະຕິບັດຢ່າງດີງາມລະຫວ່າງບັນດາອົງການສູນກາງເທົ່ານັ້ນ, ຫາກຍັງປະຕິບັດຢ່າງແໜ້ນແຟ້ນ ແລະ ມີປະສິດທິຜົນລະຫວ່າງບັນດາທ້ອງຖິ່ນຂອງ 2 ປະເທດ, ພິເສດແມ່ນບັນດາແຂວງແບ່ງປັນຊາຍແດນຮ່ວມເພດ.

ກອງປະຊຸມລັດຖະມົນຕີແຮງງານ ແລະ ສະຫວັດດີການສັງຄົມ ລາວ-ຫວຽດນາມ ຄັ້ງທີ 8

ທ່ານລັດຖະມົນຕີ ດ່າວງອັກຢຸງ ໄດ້ຮຽກຮ້ອງໃຫ້ຝ່າຍລາວ ສືບຕໍ່ສ້າງເງື່ອນໄຂສະດວກເພື່ອຮັບເອົາຄົນງານ ຫວຽດນາມ ໄປເຮັດວຽກໃນບັນດາໂຄງການລົງທຶນ ແລະ ວຽກງານກໍ່ສ້າງຢູ່ລາວ.

ທີ່ກອງປະຊຸມ, ທ່ານລັດຖະມົນຕີ ດ່າວງອັກຢຸງ ໄດ້ສະເໜີໃຫ້ ລາວ ສືບຕໍ່ສ້າງເງື່ອນໄຂເພື່ອຮັບເອົາແຮງງານຫວຽດນາມ ມາເຮັດວຽກຢູ່ໂຄງການລົງທຶນ, ໂຄງການກໍ່ສ້າງຢູ່ ລາວ. ລັດຖະມົນຕີສອງທ່ານ ໄດ້ເຫັນດີເປັນເອກະພາບນຳກັນວ່າ ໃນໄລຍະຈະມາເຖິງ, ສອງຝ່າຍຈະສືບຕໍ່ເອົາໃຈໃສ່ເປັນພິເສດເຖິງການປະຕິບັດບັນດາເນື້ອໃນຂອງສັນຍາ, ເພີ່ມທະວີການຈັດຕັ້ງກອງປະຊຸມເຕັກນິກກ່ຽວກັບເນື້ອໃນລະອຽດເພື່ອສາມາດແລກປ່ຽນຢ່າງລະອຽດກວ່າ, ຮັບໃຊ້ໃຫ້ແກ່ວຽກງານສ້າງກົດໝາຍ ແລະນະໂຍບາຍຂອງສອງປະເທດ. ບັນດາຫົວໜ່ວຍຂອງສອງກະຊວງ, ພະແນກແຮງງານທະຫານເສຍອົງຄະ ແລະສັງຄົມ ແລະໂຮງຮຽນ... ສືບຕໍ່ສົມທົບກັນຢ່າງແໜ້ນແຟ້ນ, ຊຸກຍູ້ການລະດົມແຫຼ່ງກໍາລັງແນໃສ່ເພີ່ມທະວີພັດທະນາແຫຼ່ງຊັບພະຍາກອນມະນຸດສາມາດຕອບສະໜອງຕາມມາດຕະຖານຂອງພາກພື້ນ ແລະສາກົນ.

ລັດຖະມົນຕີສອງທ່ານ ຢັ້ງຢືນວ່າຈະຫັນການຮ່ວມມືລະຫວ່າງສອງປະເທດເປັນຫຼາຍຮູບຫຼາຍແບບ ແລະເປີດກວ້າງໃນວຽກງານອຸປະກາລະສັງຄົມ, ເບິ່ງແຍງດູແລເດັກ, ໜູນຊ່ວຍຄົນພິການ ແລະຜູ້ອາຍຸສູງ...

ທ່ານລັດຖະມົນຕີ ດ່າວງອັກຢຸງ ໄດ້ຂອບໃຈບັນດາຄວາມມານະພະຍາຍາມ ແລະ ການຮ່ວມມືຢ່າງແໜ້ນແຟ້ນຂອງກະຊວງແຮງງານ ແລະ ສະຫວັດດີການສັງຄົມ ແລະ ບັນດາອົງການທີ່ກ່ຽວຂ້ອງຂອງລາວ ໃນການຊອກຫາ ແລະ ເກັບກຳຊາກສົບທະຫານອາສາສະໝັກ ຫວຽດນາມ ທີ່ເສຍຊີວິດຢູ່ ລາວ ໃນໄລຍະສົງຄາມ.

ໃນໄລຍະຈະມາເຖິງ, ທ່ານລັດຖະມົນຕີສອງປະເທດຢືນຢັນຈະຜັນຂະຫຍາຍການຮ່ວມມືລະຫວ່າງສອງປະເທດໃນຂົງເຂດປົກປັກຮັກສາສັງຄົມ, ເບິ່ງແຍງດູແລເດັກ, ໜູນຊ່ວຍຄົນພິການ ແລະ ຜູ້ເຖົ້າ...

ດ້ວຍໝາກຜົນທີ່ບັນລຸໄດ້, ກອງປະຊຸມລັດຖະມົນຕີແຮງງານ ແລະ ສະຫວັດດີການສັງຄົມ ຫວຽດນາມ - ລາວ ຄັ້ງທີ 8 ໄດ້ຕີລາຄາສູງບັນດາຄວາມມານະພະຍາຍາມຮ່ວມມືໃນຂົງເຂດແຮງງານ ແລະ ສະຫວັດດີການສັງຄົມຂອງ 2 ປະເທດເວົ້າລວມ ແລະ ການພົວພັນລະຫວ່າງສອງກະຊວງເວົ້າສະເພາະ.

ສິ້ນສຸດກອງປະຊຸມ, ລັດຖະມົນຕີສອງທ່ານ ໄດ້ລົງນາມໃນບົດບັນທຶກກອງປະຊຸມລັດຖະມົນຕີແຮງງານ ແລະສະຫວັດດີການສັງຄົມ ລາວ-ຫວຽດນາມ ຄັ້ງທີ 8, ໃນນັ້ນໄດ້ສຸມໃສ່ບັນດາເນື້ອໃນລະອຽດເພື່ອຜັນຂະຫຍາຍແຜນການຮ່ວມມື ໄລຍະ 2023-2025.