ດ້ວຍທິວທັດທຳມະຊາດທີ່ສວຍງາມ ແລະ ມີຣີສອດທີ່ມີຄຸນນະພາບຫຼາຍແຫ່ງ, ຫວຽດນາມ ໄດ້ ແລະ ພວມເປັນຈຸດໝາຍທີ່ນັກທ່ອງທ່ຽວສາກົນເລືອກເຟັ້ນເປັນຈຸດໝາຍປາຍທາງໃນປີ 2023. ໃນນັ້ນ, ຫຼາຍຄົນແມ່ນນັກທ່ອງທ່ຽວໄທ.
ຫົວໜ້າກົມໃຫຍ່ທ່ອງທ່ຽວໄທ (TAT) Yuthasak Supasorn ໃຫ້ຮູ້ວ່າ ຈຳນວນນັກທ່ອງທ່ຽວໄທເພີ່ມຂຶ້ນເນື່ອງຈາກສະຖານທີ່ທ່ອງທ່ຽວທີ່ມີຊື່ສຽງຫຼາຍແຫ່ງໄດ້ເປີດຄືນໃໝ່ໂດຍບໍ່ມີຂໍ້ຈຳກັດ. ແຫຼ່ງທ່ອງທ່ຽວອັນດັບໜຶ່ງຂອງນັກທ່ອງທ່ຽວໄທໃນໄລຍະບຸນປີໃໝ່ແມ່ນ ຍີ່ປຸ່ນ, ສເກົາຫຼີ, ຫວຽດນາມ…. ຈຳນວນຖ້ຽວບິນຂອງຄົນໄທ ໄປຫວຽດນາມ ແລະ ບັນດາຈຸດໝາຍປາຍທາງຂ້າງເທິງນັບມື້ນັບເພີ່ມຂຶ້ນ.
ພາບປະກອບ: TTXVN
ຕາມບໍລິສັດທ່ອງທ່ຽວ Indochina Unique (ດ່ານັ້ງ) ແລ້ວ, ຫົວໜ່ວຍຮັບແຂກ ທ່ອງທ່ຽວໄທ ຢູ່ດ່ານັ້ງ, ນັບແຕ່ໄດ້ເປີດບໍລິການ, ຂົວ ວ່າງ (ຂົວເຫຼືອງ) ຢູ່ເຂດທ່ອງທ່ຽວ Sun World Ba Na Hills (ດ່ານັ້ງ) ໄດ້ສ້າງຜົນສະທ້ອນຢ່າງແຮງ ແລະ ປົກຄຸມໃນທຸກ ພາຫະນະສື່ມວນຊົນໄທ. ຖ້ຽວບິນສອງສົ້ນ, ລາຍການທ່ອງທ່ຽວຂອງນັກທ່ອງທ່ຽວໄທ ລ້ວນແຕ່ມີສະຖານທີ່ທ່ອງທ່ຽວຄື ນະຄອນດ່ານັງ ແລະ ຂົວເຫຼືອງ.
ຄຽງຂ້າງນັ້ນ, ບັນດາສະຖານທີ່ທ່ອງທ່ຽວທີ່ມີຊື່ສຽງຂອງຫວຽດນາມ ເຊັ່ນ: ນະຄອນ ດ່າລາດ, ແຄ໊ງຮວ່າ, ຖະໜົນເກົ່າໂຮ້ຍອານ (ກວາງນາມ)... ກໍ່ໄດ້ກາຍເປັນ ສະຖານທີ່ທ່ອງທ່ຽວທີ່ດຶງດູດນັກທ່ອງທ່ຽວໄທ. ອາຫານທີ່ຈັບອົກຈັບໃຈ, ວັດທະນະທຳທີ່ເປັນເອກະລັກສະເພາະ, ປູສະນີຍະສະຖານຫຼາຍແຫ່ງ, ສະຖານທີ່ລະຫຼິ້ນບັນເທິງ ແລະ ລາຄາທີ່ເໝາະສົມແມ່ນປັດໄຈຕົ້ນຕໍທີ່ດຶງດູດ ນັກທ່ອງທ່ຽວໄທມາ ຫວຽດນາມ ເປັນຈຳນວນຫຼວງຫຼາຍ.
ບູນມີ
