ຫວຽດ​ນາມ ມີ 10 ແຂ​ວງ​ນະ​ຄອນ​ຕິດ​ກັບ​ລາວ, 10 ຄູ່​ດ່ານ​ຊາຍ​ແດນ​ສາ​ກົນ, ແຕ່​ການ​ທ່ອງ​ທ່ຽວ​ລະ​ຫວ່າງ​ບັນ​ດາ​ແຂວງ​ເຂດ​ຊາຍ​ແດນ​ຍັງ​ບໍ່​ທັນ​ພັດ​ທະ​ນາ​ຢ່າງ​ເໝາະ​ສົມ​ກັບ​ຄວາມ​ສາ​ມາດ​ບົ່ມ​ຊ້ອນ

08:02 | 05/10/2022

ຍ​ສ​ໝ - ຈາກ​ດຽນ​ບຽນ​ຈົນ​ຮອດກອມ​ຕຸມ, ຫວຽດ​ນາມ ແລະ ລາວ​ມີ​ຄູ່​ດ່ານ​ຊາຍ​ແດນ​ສາ​ກົນ 10 ແຫ່ງ ລວມ​ມີ: ໄຕ​ຈາງ - ສົບ​ຮຸນ, ລ໊ອງ​ເຊິບ - ປາ​ຮ່າງ, ນາ​ແມວ - ນ້ຳ​ໂສຍ, ນ້ຳ​ກັ່ນ - ນ້ຳການ, ເກົ່າ​ແຈວ - ນ້ຳ​ພາວ, ຈາ​ລໍ່ - ນາ​ພາວ, ລາ​ໄລ - ລາ​ໄລ, ລາວ​ບາວ - ແດນ​ສະ​​ຫວັນ, ນາມ​ຢາງ - ດັ​ກ​ຕາ​ອອກ ແລະ ເບີ​ອີ - ພູເກືອ. ຢູ່​ລຽບ​ຕາມ​ເສັ້ນ​ຊາຍ​ແດນ​ສອງ​ປະ​ເທດ​ຍັງ​ມີ​ເຂດ​ອະ​ນຸ​ລັກ​ທຳ​ມະ​ຊາດ, ປ່າ​ສະ​ຫງວນ​ແຫ່ງ​ຊາດ, ຖ້ຳ, ນ້ຳ​ຕົກ​ຕາດຫຼາຍ​ແຫ່ງ​ທີ່​ມີ​ທິ​ວ​ທັດ​ທຳ​ມະ​ຊາດ​ໃຫຍ່​ໂຕ​ມະ​ໂຫ​ຖານ.

ຫວຽດ​ນາມ ບັນ​ລຸ​ໄດ້​ຄວາມ​ຄືບ​ໜ້າຫຼາຍ​ຢ່າງ​ໃນ​ເປົ້າ​ໝາຍລົບ​ລ້າງ​ຄວາມ​ອຶດ​ຫິວ, ຫຼຸດ​ຜ່ອນ​ຄວາມ​ທຸກ​ຍາກ ຫວຽດ​ນາມ ບັນ​ລຸ​ໄດ້​ຄວາມ​ຄືບ​ໜ້າຫຼາຍ​ຢ່າງ​ໃນ​ເປົ້າ​ໝາຍລົບ​ລ້າງ​ຄວາມ​ອຶດ​ຫິວ, ຫຼຸດ​ຜ່ອນ​ຄວາມ​ທຸກ​ຍາກ
ຫວຽດ​ນາມ ໃຫ້​ຄຳ​ໝັ້ນ​ສັນ​ຍາ​ເຂົ້​າ​ຮ່ວມ​ຢ່າງ​ຕັ້ງ​ໜ້າ ແລະ ມີ​ຄວາມ​ຮັບ​ຜິດ​ຊອບ​ໃນ​ການ​ປ້ອງ​ກັນ, ຕ້ານ​ການ​ສໍ້​ລາດ​ບັງຫຼວງ ຫວຽດ​ນາມ ໃຫ້​ຄຳ​ໝັ້ນ​ສັນ​ຍາ​ເຂົ້​າ​ຮ່ວມ​ຢ່າງ​ຕັ້ງ​ໜ້າ ແລະ ມີ​ຄວາມ​ຮັບ​ຜິດ​ຊອບ​ໃນ​ການ​ປ້ອງ​ກັນ, ຕ້ານ​ການ​ສໍ້​ລາດ​ບັງຫຼວງ
ພູ​ພຽງ​ຫີນ​ຕົວ​ຈົ່ວ, ດ້ຽນ​ບຽນ (ພາ​ບ: ຢຸຍຢ​ວາງ)
ພູ​ພຽງ​ຫີນ​ຕົວ​ຈົ່ວ, ດ້ຽນ​ບຽນ (ພາ​ບ: ຢຸຍຢ​ວາງ)

ຕາມ​ການ​ຕີ​ລາ​ຄາ​ຂອງວິ​ສາ​ຫະ​ກິດການ​ທ່ອງ​ທ່ຽວ​ສອງ​ພາກ​ໃຕ້ - ເໜືອ ກ່​ວາ 50 ແຫ່ງ ໄດ້ມີ​ຄວາມ​ສົນ​ໃຈ​ຕໍ່​ການ​ທ່ອງ​ທ່ຽວ​ຊາຍ​ແດນ, ນີ້​ແມ່ນ​ຄວາມ​ສາ​ມາດ​ບົ່ມ​ຊ້ອນ​ໃຫຍ່ຫຼວງ​ທີ່​ສຸດ​ເພື່ອ​ອາດ​ຈະ​ພັດ​ທະ​ນາ​ບັນ​ດາ​ຜະ​ລິດ​ຕະ​ພັນ​ການ​ທ່ອງ​ທ່ຽວ caravan, overland tours… ບັນ​ດາ​ຜະ​ລິດ​ຕະ​ພັນ​ນີ້​ບໍ່​ພຽງ​ແຕ່​ດຶງ​ດູດ​ແຂກ​ທ່ອງ​ທ່ຽວ​ມາ​ຈາກ​ສ​ອງ​ປະ​ເທດ​ເທົ່າ​ນັ້ນ, ຫາກ​ຍັງດຶງດູດ​ບັນ​ດາ​ແຂກ​ທ່ອງ​ທ່ຽວ​ສາ​ກົນ ທີ່ມ​າ​ຈາກ​ໄທ, ສິງ​ກະ​ໂປ, ມຽນ​ມາ, ອົດ​ສະ​ຕາ​ລີ, ອາ​ເມ​ລິ​ກາ ແລະ ເອີ​ລົບ​ ອີກ​ດ້ວຍ.

ແຕ່ຕົວຈິງ​ແລ້ວ, ຄວາມ​ສາ​ມາດ​ບົ່ມ​ຊ້ອນ​ນີ້​ຍັງ​ບໍ່​ທັນ​ໄດ້​ຮັບ​ການ​ຂຸດ​ຄົ້ນຢ່າງ​ສຸດ​ຂີດ ຫຼື​ ຍູ້​ແຮງ​ກາຍ​ເປັນ​ການ​ທ່ອງ​ທ່ຽວ​ປາຍ​ແຫຼມ​ດ້ວຍຫຼາຍ​ເຫດ​ຜົນ. ທ່ານ ຫງວຽນ​ແອັງ​ຕວັນ, ຜູ້​ອຳ​ນວຍ​ການ​ໃຫຍ່ ບໍ​ລິ​ສັດ​ຈຳ​ກັດ​ Ant Travel ໃຫ້​ຮູ້​ວ່າ: “ຖ້າ​ສວມ​ບົດ​ບາດ​ເປັນ​ນັກ​ທ່ອງ​ທ່ຽວ​ຊອກ​ຫາ​ບັນ​ດາ​ຜະ​ລິດ​ຕະ​ພັນ​ທີ່​ເປັນ​ເອ​ກະ​ລັກ​ສະ​ເພາະ, ມີ​ລັກ​ສະ​ນະ​ເຊື່ອມ​ຕໍ່​ລະ​ຫວ່າງ​ສອງ​ປະ​ເທດ, ພິ​ເສດ​ແມ່ນ​ການ​ທ່ອງ​ທ່ຽວ​ເຂດ​ຊາຍ​ແດນ, ຂ້າ​ພະ​ເຈົ້າເຫັນວ່າຍາກ​ທີ່​ຈະ​ຊອກ​ຫາ​ tour ທີ່​ເພິ່ງ​ພໍ​ໃຈໄດ້. ປັດຈຸບັນ ມີພຽງແຕ່ 2-3 ວິສາຫະກິດທີ່ຈັດຕັ້ງຮູບແບບການທ່ອງທ່ຽວລາຄາຖືກ ເຊິ່ງອອກເດີນທາງຈາກ ຮ່າໂນ້ຍ, ດານັງ ໄປຍັງ ປາກເຊ, ວຽງຈັນ, ຫຼວງພະບາງ… ສ່ວນ​ບັນ​ດາ​ວິ​ສາ​ຫະ​ກິດ​ຕ່າງໆ​ສ່ວນຫຼາຍ​ສ້າງ​ຜະ​ລິດ​ຕະ​ພັນ​ຕາມ​ຄວາມ​ຮຽກ​ຮ້ອງ​ຂອງ​ລູກ​ຄ້າ”.

ຢູ່​ບັນ​ດາ​ສະ​ຖານ​ທີ່​ແຫ່ງ​ນີ້, ກໍ່​ຍັງ​ບໍ່​ມີຫຼາຍ​ບໍ​ລິ​ສັດທີ່​ມີ​ຄວາມ​ສົນໃຈ​​ເຖິງ​ຄວາມ​ສາ​ມາດ​ບົ່ມ​ຊ້ອນ​ດ້ານ​ການ​ທ່ອງ​ທ່ຽວ​ລະ​ຫວ່າງ​ສອງ​ປະ​ເທດ. ບັນ​ດາວິ​ສາ​ຫະ​ກິດ​ທີ່ມາ​ຈາກ​ນະ​ຄອນ​ໃຫຍ່​ກໍ່​ບໍ່​ຢາກ​ມາ​ລົງ​ທຶນ​ຢູ່​ແຫ່ງ​ນີ້, ແລະ ມີ​ແຕ່ 2 – 3 ​ວິ​ສາ​ຫະ​ກິດເທົ່າ​ນັ້ນ. ເຫດ​ຜົນແມ່ນ​ຍ້ອນ​ບັນ​ດາ​ບໍ​ລິ​ສັດ​ການ​ທ່ອງ​ທ່ຽວ, ແຂກ​ທ່ອງ​ທ່ຽວ​ຍັງ​ເປັນ​ຫ່ວງ​ກ່ຽວ​ກັບ​ການ​ປະ​ຕິ​ບັດ​ລະ​ບຽບ​ການ​ບໍ​ລິ​ຫານ ໃນການເຂົ້າເຂດ​ຊາຍ​ແດນ​ຈະ​ປະ​ສົບ​ກັບ​ຄວາມ​ຫຍຸ້ງ​ຍາກ, ຍັງ​ບໍ່​ທັນ​ໄດ້​ເຫັນ​ດີ​ເປັນ​ເອ​ກະ​ພາບ. ບັນ​ດາ​ການ​ບໍ​ລິ​ການ​ຄື ຮ້ານ​ອາ​ຫານ, ໂຮງ​ແຮມ, ການ​ບໍ​ລິ​ການ​ຄວບຄູ່ກໍ​ຍັງ​ບໍ່​ທັນ​ຕອບ​ສະ​ໜອງ​ໄດ້​ຄວາມ​ຮຽກ​ຮ້ອງ​ຕ້ອງ​ການ​ຂອງ​ລູກ​ຄ້າ. ພື້ນ​ຖານ​ໂຄງ​ລ່າງ, ຄົມ​ມະ​ນາ​ຄົມ​ຍັງ​ບໍ່ທັນດີ, ບໍ່​ມີ​ການ​ເຊື່ອມ​ຕໍ່​ລະ​ຫວ່າງ​ບັນ​ດາ​ທ້ອງ​ຖິ່ນເຂດ​ຊາຍ​ແດນ.

ບັນ​ດາ​ຄູ່​ດ່ານ​ຊາຍ​ແດນ​ສາ​ກົນດັ່ງ​ກ່າວ​ລ້ວນ​ແຕ່​ມີ​ເສັ້ນ​ທາງ​ແຕ່​ດ່ານ​ຊາຍ​ແດນ​ກັບ​ຄືນ​ໃຈ​ກາງ​ແຂວງ ຫຼື ​ເຊື່ອມ​ຕໍ່​ກັບ​ຖະ​ໜົ​ນ​ແຫ່ງ​ຊາດ. ບັນ​ດາ​ເສັ້ນ​ທາງ​ຢູ່​ລຽບ​ຕາມ​ຊາຍ​ແດນ​ກັບບັນດາ​ຄວາມ​ສາ​ມາດ​ບົ່ມ​ຊ້ອນໃນການ​ພັດ​ທະ​ນາ​ການ​ທ່ອງ​ທ່ຽວ​ທີ່​ໃຫຍ່ຫຼວງ ສ່ວນຫຼາ​ຍ​ບໍ່​ສາ​ມາດ​ນຳ​ເຂົ້າ​ຂຸດ​ຄົ້ນ​ການ​ທ່ອງ​ທ່ຽວ​ໄດ້. ຍົກ​ຕົວ​ຢ່າ​ງ​ຄື: ດ່ານ​ຊາຍ​ແດນ​ນາ​ແມວ ​ກ່ຽວ​ກັບ​ເຂດ​ອະ​ນຸ​ລັກ​ຮັກ​ສາ​ທຳ​ມະ​ຊາດ ປູ​ຮູ (ແທັງ​ຮ່​ວາ), ແຂກ​ທ່ອງ​ທ່ຽວ ອາ​ດ​ຈະ​ເດີນ​ຕາມທາງ​ເສັ້ນ​ທາງ ໄຕ​ຕຽນ ເພື່ອ​ໄປ​ຍັງ​ມົກ​ເຈົາ. ແຕ່​ເສັ້ນ​ທາງ​ນີ້​ຍັງ​ມີ​ຖະ​ໜົນ​ດິນ ຍາວ​ປະ​ມານ 5 – 7 ກີ​ໂລ​ແມັດ ຢູ່​ໃນ​ປ່າ ແລະ ຂົວ​ບາງ​ແຫ່ງ​ລົດ​ໃຫຍ່​ບໍ່​ສາ​ມາດ​ຜ່ານ​ໄດ້. ສິ່ງ​ນັ້ນ ໄດ້​ກີດ​ຂວາງ​ເລື່ອງ​ແຂກ​ທ່ອງ​ທ່ຽວ​ມາ​ຢ້ຽມ​ຢາມ.

ເພື່ອ​ແກ້​ໄຂ​ບັນ​ຫາ​ດັ່ງ​ກ່າວ, ຫວຽດ​ນາມ ຄວນ​ຫັນ​ລະ​ບຽບ​ການ​, ກົນ​ໄກເຂົ້າ​ອອກ​ເມືອງເປັນງ່າຍດາຍເພື່ອ​ໃຫ້​ແຂກ​ທ່ອ​ງ​ທ່ຽວ​ບໍ່​ຮູ້​ສຶກ​ກັງ​ວົນ​ໃນ​ວິ​ວັດ​ການເດີນທາງ​ຂອງ​ຕົນ. ຕາມ​ທ່ານ​ນາງ ຕະ​ທິ​ຕູອ​ວຽນ​, ຮອງ​ຜູ້​ອຳ​ນວຍ​ການ​ພັດ​ທະ​ນາ​ຜະ​ລິດ​ຕະ​ພັນ​ຂອງ Vietravel ແລ້ວ, ບັນ​ດາ​ດ່ານ​ຊາຍ​ແດນ​ຕ້ອງຫຼຸດ​​ເວ​ລາ​ປະ​ຕິ​ບັດ​ລະບຽບ​ການ, ມີ​ແລວ​ທາງ​ບຸ​ລິ​ມະ​ສິດ​ໃຫ້​ແກ່​ແຂກ​ທ່ອງ​ທ່ຽວ, ພິ​ເສດ​ແມ່ນ​​ແຂກ​ທ່ອ​ງ​ທ່ຽວທີ່ເປັນຄະນະ, ເພື່ອ​ສ້າງ​ເງື່ອນ​ໄຂ​ສະ​ດວກ​ທີ່​ສຸດ​ໃຫ້​ແກ່​ແຂກ​ທ່ອງ​ທ່ຽວ.

ຫວຽດ​ນາມ ອາດ​ຈະ​ສ້າງ​ເສັ້ນ​ທາງ​ເຊື່ອມ​ຕໍ່​ບໍ່​ພຽງ​ແຕ່​ສອງ​ປະ​ເທດ ຫວຽດ​ນາມ - ລາວ ເທົ່າ​ນັ້ນ ຫາກ​ຍັງ​ບືນ​ຕົວ​ຂຶ້ນ​ອອກ​ສູ່​ບັນ​ດາ​ປະ​ເທດອາ​ຊີ​ຕາ​ເວັນ​ອອກ​ອີກ​ດ້ວຍ. ໜຶ່ງ​ໃນ​ບັນ​ດາ​ tour ທີ່​ດຶງ​ດູດ​ແຂກ​ທ່ອງ​ທ່ຽວ​ພາຍ​ໃນ ແລະ ຕ່າງ​ປະ​ເທດ​ແມ່ນ ເຫ້ວ - ບາງກອກ (ໄທ), ວິງ - Yangon (ມຽນ​ມາ); ດ້ຽນ​ບຽນ - Nayoidaw/Mandalay (ມຽນ​ມາ); ​ຮ່າ​ໂນ້ຍ - Yangon... ໄລ​ຍະ​ຫ່າງ​ລະ​ຫວ່າງ​ບັນ​ດາ​ສະ​ຖານ​ທີ່​ນີ້​ຄ້າຍ​ຄື​ກັນ​ກັບ​ຮ່າ​ໂນ້ຍ - ດ່າ​ນັ້ງ, ຫຼື ຮ່າ​ໂນ້ຍ ນະ​ຄອນ​ໂຮ່​ຈີມິນ.

ພ້ອມ​ກັບ​ການ​ລົງ​ທຶນ​ໃຫ້​ແກ່​ພື້ນ​ຖານ​ໂຄງ​ລ່າງ, ຫວຽດ​ນາມ ກໍ່​ຄວນ​ສວຍ​ໃຊ້​ທ່າ​ແຮງ​ຂອງອຸດສາຫະກຳ 4.0 ໃນ​ການ​ພັດ​ທະ​ນາກ​ານ​ທ່ອ​ງ​ທ່ຽວ. ທ່ານ​ ເລືອງ​ຢຸຍແຢ​ວງ, ຜູ້​ອຳ​ນວຍ​ການ​ບໍ​ລິ​ສັດ​ການ​ທ່ອງ​ທ່ຽວ Fivestar, ໃຫ້​ຮູ້​ວ່າ ຕ້ອງ​ສ້າງ​ລະ​ບົບ​ການ​ທ່ອງ​ທ່ຽວ​ອັດ​ສະ​ລິ​ຍະ ສະ​ໜອງ​ຂໍ້​ມູນທີ່​ຖືກ​ຕ້ອງ​ໃນ​ເວັບ​ໄຊ​ທ່ອງ​ທ່ຽວ​ຂອງ​ທ້ອງ​ຖິ່ນ, ເປີດ​ນຳ​ໃຊ້​ແຜນ​ທີ່​ດີ​ຈີ​ຕອນ, ລະ​ບົບ​ຄຸ້ມ​ຄອງ​ການ​ພັກ​ພາ​ອາ​ໄສ, wifi ສາ​ທາ​ລະ​ນະ​ໂດຍ​ບໍ່​ເສຍ​ຄ່າ​ໃຫ້​ແກ່​ແຂກ​ທ່ອງ​ທ່ຽວ​ຢູ່​ສະ​ຖານ​ທີ່​ຕ່າງໆ…ເລື່ອງ​ນີ້​ຈະ​ເຮັດ​ໃຫ້​ການ​ທ່ອງ​ທ່ຽວ​ເຂດ​ຊາຍ​ແດນ​ມີ​ຄວາ​ສະ​ດວກ​ກ່​ວາ​ອີກ. ຈາກ​ນັ້ນ, ແຂກ​ທ່ອງ​ທ່ຽວກໍຈະ​ນັບ​ມື້​ນັບຫຼາຍ​ຂຶ້ນ.

​ປັດ​ຈຸ​ບັນ, ຫວຽດ​ນາມ ຍັງ​ແມ່ນ​ສະ​ຖານ​ທີ່​ທ່ອງ​ທ່ຽວ​ແບບ​ເກົ່າດັ້ງເດີມ ດ້ວຍ​ແຂກ​ທ່ອງ​ທ່ຽວ​ລາວ. ລາວ​ກໍ່​ແມ່ນ​ສະ​ຖານ​ທີ່​ທ່ອງ​ທ່ຽວ​ໄດ້​ຮັບ​ຄວາມ​ນິ​ຍົມ​ຊ​ົມ​ຊອບ​ຈາກ​ຊາວ​ຫວຽດ​ນາມ. ປີ 2019, ແຂກ​ທ່ອ​ງ​ທ່ຽວ​ໄປ​ມາ ລະ​ຫວ່າງ​ສອງ​ປະ​ເທດ​ບັນ​ລຸ​ກ່​ວາ 1,2 ລ້ານ​ເທື່ອ​ຄົນ. ໃນ​ນັ້ນ ແຂກ​ທ່ອງ​ທ່ຽວ​ລາວ ມາ ຫວຽດ​ນາມ ບັນ​ລຸ​ກ່​ວາ 98.000 ເທື່ອ​ຄົນ, ແຂກ​ທ່ອງ​ທ່ຽວ ຫວຽດ​ນາມ ມາ​ລາວ ບັນ​ລຸ ກ່​ວາ 924.000 ເທື່ອ​ຄ​ົນ. ຫວຽດ​ນາມຢືນ​ຢູ່​ອັນ​ດັບ​ທີ 3 ກ່ຽວ​ກັບ​ ປະ​ເທດ​ທີ່ມີ​ແຂກ​ທ່ອງ​ທ່ຽວ​ໄປ​ລາວ. ປີ 2022, ໄລ່​ແຕ່ໄລ​ຍະ​ທີ່ສອງ​ປະ​ເທດ​ໄດ້​ເປີດ​ປະ​ຕູ​ຊາຍ​ແດນ, ຫວຽດ​ນາມ ໄດ້​ຕ້ອນ​ຮັບ​ແຂກ​ທ່ອງ​ທ່ຽວ​ລາວ​ ເກືອບ 47.000 ຄົນ. ສ່ວນ​ຫວຽດ​ນາມ ແມ່ນ 50.000 ຄົນ, ກວມ​ເອົາ 28% ຍອດ​ວົງ​ເງິນ​ແຂກ​ທ່ອງ​ທ່ຽວ​ສາ​ກົນ ແລະ ຢືນ​ຢູ່​ອັນ​ດັບ​ທີ 2 ກ່ຽວ​ກັບ​ຕະຫຼາດ​​ແຂກ​ທ່ອງ​ທ່ຽວໄປລາວ.

ບຸນ​ຄົງ

ເຫດການ