ນັບແຕ່ເມື່ອເຂົ້າຮ່ວມການເຄື່ອນໄຫວຮັກສາສັນຕິພາບຂອງສະຫະປະຊາຊາດຢ່າງເປັນທາງການມາຮອດປະຈຸບັນ, ຫວຽດນາມ ບັນລຸໄດ້ບັນດາໝາກ ຜົນໜ້າສົ່ງເສີມ, ໄດ້ຮັບການຕີລາຄາສູງຈາກສະຫະປະຊາຊາດ ແລະ ບັນດາຄູ່ຮ່ວມມືສາກົນ, ປະກອບສ່ວນຍົກສູງອິດທິພົນຊື່ສຽງ, ທີ່ຕັ້ງຂອງຫວຽດນາມ ເວົ້າລວມ ແລະ ກອງທັບປະຊາຊົນຫວຽດນາມ ເວົ້າສະເພາະ ໃນເວທີສາກົນ.
ຜ່ານຜ່າຄວາມຫຍຸ້ງຍາກ, ມານະພະຍາຍາມ ປະກອບສ່ວນເພື່ອສັນຕິພາບ ຢ່າງມີປະສິດທິຜົນ. ພາບ: TTXVN
ນີ້ກໍແມ່ນໜຶ່ງໃນບັນດາຈຸດພົ້ນເດັ່ນໃນວຽກງານການທູດປ້ອງກັນຊາດໃນຊຸມປີຜ່ານມາ, ປະກອບສ່ວນປະຕິບັດແນວທາງພົວພັນຕ່າງປະເທດຂອງພັກ ແລະ ລັດໃຫ້ປະກົດຜົນເປັນຈິງ.
ຄຽງຂ້າງບັນດາໝາກຜົນທີ່ບັນລຸໄດ້ ແລະ ບັນດາດ້ານສະດວກໂດຍພື້ນຖານ ແລ້ວ, ຂະບວນການເຂົ້າຮ່ວມການເຄື່ອນໄຫວນີ້ຂອງກອງທັບປະຊາຊົນຫວຽດນາມ ຍັງມີຄວາມຫຍຸ້ງຍາກຈຳນວນໜຶ່ງຄື: ການຈັດຕັ້ງປະຕິບັດບັນດາ ຖັນແຖວກົມກອງໃໝ່, ຍ້ອນການແກ່ງແຍ້ງລະຫວ່າງບັນດາປະເທດຈັດສົ່ງທະຫານ, ສະຫະປະຊາຊາດຮຽກຮ້ອງໃຫ້ປະເທດຈັດສົ່ງກຳລັງກຽມພ້ອມໃນດ້ານຊັບພະຍາກອນມະນຸດ ແລະ ອຸປະກອນເພື່ອດຳເນີນບັນດາລະບຽບການພິຈາລະນາໃຫ້ຜັນຂະຫຍາຍ. ບັນຫາພາສາຕ່າງປະເທດແມ່ນໜຶ່ງໃນບັນດາຄວາມຫຍຸ້ງຍາກທີ່ສຸດຂອງຫວຽດນາມ ໃນການເລືອກເອົາກຳລັງເຂົ້າຮ່ວມການເຄື່ອນໄຫວຮັກສາສັນຕິພາບຂອງ ສປຊ. ການເຮັດວຽກຢູ່ເຂດຫ່າງໄກສອກຫຼີກ, ລະບອບ, ນະໂຍບາຍ, ສະພາບແວດລ້ອມແຫ່ງການເຮັດວຽກຢູ່ບັນດາອົງການປະຕິບັດງານແມ່ນເຄັ່ງຕຶງຫຼາຍ; ໃນຂະນະທີ່ຄວາມຮຽກຮ້ອງຂອງ ສະຫະປະຊາຊາດນັບມື້ນັບເພີ່ມສູງ...
ເຖິງວ່າຍັງປະສົບກັບຄວາມຫຍຸ້ງຍາກ ແລະ ສິ່ງກີດຂວາງໃນຂະບວນການປະຕິບັດ, ແຕ່ດ້ວຍຄວາມເອົາໃຈໃສ່ ແລະ ການຊີ້ນຳຂອງພັກ, ລັດ, ຄະນະພັກການທະຫານສູນກາງ, ກະຊວງປ້ອງກັນປະເທດ ແລະ ການສົມທົບຂອງບັນດາອົງການ, ກົມກອງພາຍໃນ ແລະ ຕ່າງປະເທດ, ກອງທັບປະຊາຊົນຫວຽດນາມ ສືບຕໍ່ມານະພະຍາຍາມຜ່ານຜ່າຄວາມຫຍຸ້ງຍາກ ເພື່ອນັບມື້ນັບປະກອບສ່ວນຢ່າງເລິກເຊິ່ງ ແລະ ມີປະສິດທິຜົນເຂົ້າໃນບັນດາການເຄື່ອນໄຫວຮັກສາສັນຕິພາບ ສປຊ, ປະກອບສ່ວນປະຕິບັດບັນດາຄຳໝັ້ນສັນຍາຂອງຫວຽດນາມ ຕໍ່ສັນຕິພາບ, ສະຖຽນລະພາບ ແລະ ຄວາມໝັ້ນຄົງຢູ່ພາກພື້ນ ແລະ ໃນໂລກປະກົດຜົນເປັນຈິງ.
ບູນມີ
