ໃນຈຳນວນ 112 ຜົນງານດີເດັ່ນທີີ່ໄດ້ຮັບການເຊີດຊູ, ສະຫະພັນບັນດາອົງການຈັດຕັ້ງມິດຕະພາບ ຫວຽດນາມ (VUFO) ແລະ ບັນດາເພື່ອນມິດ, ຄູ່ຮ່ວມມືສາກົນໄດ້ປະກອບສ່ວນດ້ວຍ 5 ຜົນງານຄື: ລາງວັນທີ 1 ມີ 1 ລາງວັນ, ລາງວັນທີ 2 ມີ 1 ລາງວັນ, ລາງວັນທີ 3 ມີ 2 ລາງວັນ ແລະ ລາງວັນຊົມເຊີຍ ມີ 1 ລາງວັນ.
ໃນນັ້ນ: ຜົນງານ "Ho Chi Minh Vida e obra do lisder da lisder da libertação nacional do Vietnã" (ໂຮ່ຈີມິນ ຊີວິດ ແລະ ພາລະກິດ ຂອງຜູ້ນຳປົດປ່ອຍຊາດຫວຽດນາມ) ໂດຍນັກປະພັນ Pedro De Oliveira - ໂຮງພິມຈໍາໜ່າຍ Anita Garibaldi (ບຣາຊິນ) ໄດ້ຮັບລາງວັນທີໜຶ່ງ. ຜົນງານ “ການພັດທະນາສາຍພົວພັນລະຫວ່າງ ສາທາລະນະລັດ ສັງຄົມນິຍົມ ຫວຽດນາມ ແລະ ອາເມລິກາລາຕິນ ແລະ Caribbean” ໂດຍນັກປະພັນ Ruvislei González Saez - ສູນຄົ້ນຄວ້ານະໂຍບາຍສາກົນ ໄດ້ຮັບລາງວັນທີສອງ.
ວາລະສານຍຸກສະໄໝ ໄດ້ຮັບລາງວັນທີ 3 ຈຳນວນ 2 ລາງວັນ ສຳລັບແນວຄວາມຄິດຈັດຕັ້ງລາຍການປະກວດ “ໃຫ້ຂອງທີ່ລະນຶກເລົ່າເລື່ອງ” ຂອງໝູ່ຄະນະວາລະສານ ແລະ ຜົນງານ "Healing the wounds of the US war in Vietnam: Reconciliation and Forgiveness" (ຮຳບາດແຜສົງຄາມ ຫວຽດນາມ-ອາເມລິກາ: ໃຫ້ອະໄພ ແລະ ສຳນຶກຜິດ) ໂດຍກຸ່ມນັກປະພັນ: Glen MacDonald, ມາຍຫງວຽນຮົ່ງແອງ, ຫງວຽນເລຮວ່ຽນຍຸງ, ຫງວຽນທິທຸຍຮັ່ງ. ຜົນງານ “ວັດຈະນານຸກົມຫວຽດນາມ - ແອັດສະປາຍ” ຂອງນັກປະພັນ ຫວູວັນເອົາ - ໂຮງພິມຈຳໜ່າຍມະຫາວິທະຍາໄລແຫ່ງຊາດ ຮ່າໂນ້ຍ ໄດ້ຮັບລາງວັນຊົມເຊີຍ.
ບົນດາຜົນງານຂອງ VUFO ແລະ ເພື່ອນມິດ, ຄູ່ຮ່ວມມືສາກົນ ໄດ້ເຮັດເປັນ 5 ພາສາຄື: ຫວຽດນາມ, ອັງກິດ, ລາວ, ແອັດສະປາຍ, ປອກຕຸຍການ; ໃນຫຼາຍປະເພດເຊັ່ນ: ຂໍ້ລິເລີ່ມ, ແນວຄວາມຄິດ ຜະລິດຕະພັນ ທີ່ມີຄຸນຄ່າຖະແຫຼງຂ່າວອອກສູ່ຕ່າງປະເທດ;... ໃນນັ້ນ, 3 ຜົນງານທີ່ມີການເຂົ້າ ຮ່ວມຂອງນັກປະພັນທີ່ເປັນຊາວຕ່າງປະເທດ.
 |
| ທ່ານ Pedro De Oliveira ແບ່ງປັນຄວາມຮູ້ສຶກທີ່ມີຕໍ່ຫວຽດນາມ (ພາບ: ມິງກວຽດ). |
ນັກປະພັນ Pedro De Oliveira ໄດ້ສະແດງຄວາມເປັນກຽດ ແລະ ມີຄວາມສຸກ ເມື່ອໄດ້ຮັບລາງວັນທີ 1 ດ້ວຍຜົນງານ “ໂຮ່ຈີມິນ ຊີວິດ ແລະ ພາລະກິດ ຂອງຜູ້ນຳປົດປ່ອຍຊາດຫວຽດນາມ” ແລະ ກ່າວວ່າ ຈະສືບຕໍ່ຂຽນປື້ມ 3 ຫົວ, ໂຄສະນາເຜີຍແຜ່ບັນດາເຫດການຂອງຫວຽດນາມ, ບົດບາດສຳຄັນຂອງຫວຽດນາມ, ບັນດາແບບຢ່າງຂອງຫວຽດນາມ ໃນໂລກ."
ຕາມຄະນະຈັດຕັ້ງການປະກວດແລ້ວ, ໃນສະພາບການແຜ່ລະບາດຂອງພະຍາດທີ່ສັບສົນ, ພຽງແຕ່ 4 ເດືອນເປີດການປະກວດລາງວັນ (ແຕ່ເດືອນເມສາຫາເດືອນສິງຫາ 2022), ມີ 1.172 ບົດທີ່ສົ່ງເຂົ້າຮ່ວມການປະກວດ, ເພີ່ມຂຶ້ນ 11% ເມື່ອທຽບໃສ່ການຈັດຄັ້ງທີ VII, ຫຼາຍທີ່ສຸດໃນບັນດາການຈັດຕັ້ງການປະກວດ. ຈຳນວນບົດປະພັນ/ຜົນງານຂອງນັກປະພັນຕ່າງປະເທດ ແລະ ຊາວຫວຽດນາມອາໄສ ຢູ່ຕ່າງປະເທດແມ່ນ 70 ບົດ.
ບັນດາບົດທີ່ສົ່ງເຂົ້າຮ່ວມການປະກວດມີເນື້ອໃນອຸດົມສົມບູນ, ຫຼາຍຮູບຫຼາຍແບບ, ໄດ້ເຂົ້າເຖິງເຕັກໂນໂລຢີສື່ສານທີ່ທັນສະໄໝ, ມີຄຸນຄ່າໂຄສະນາສື່ສານກັບຕ່າງປະເທດ, ມີລັກສະນະແຜ່ຂະຫຍາຍສູງ, ດຶງດູດຄວາມສົນໃຈຂອງປະຊາຊົນພາຍໃນ ແລະ ຕ່າງປະເທດ. ພິເສດ, ເນື້ອໃນທີ່ພົ້ນເດັ່ນຂອງບົດທີ່ສົ່ງເຂົ້າຮ່ວມການປະກວດແມ່ນສ່ອງແສງຄຳເຫັນປະກອບ, ຫາງສຽງທີ່ຕັ້ງໜ້າຂອງສາກົນກ່ຽວກັບຖານະບົດບາດ, ກຳລັງບົ່ມຊ້ອນ, ອິດທິພົນຊື່ສຽງຂອງຫວຽດນາມ ບົນເສັ້ນທາງກ້າວຂຶ້ນສັງຄົມນິຍົມ; ໂຄສະນາ ແລະ ແນະນຳກ່ຽວກັບປະເທດຊາດ, ປະຊາຊົນ ແລະ ວັດທະນະທຳຫວຽດນາມ; ຄວາມມານະພະຍາຍາມຂອງຫວຽດນາມ ໃນການປ້ອງກັນ, ຕ້ານ ແລະ ຟື້ນຟູຫຼັງໂລກລະບາດ,...
ທີ່ພິທີ, ຄະນະໄດ້ເຊີດຊູເປັນພິເສດເຖິງ “ປະຊາຄົມແຟນບານຊາວຫວຽດນາມ ໃນ SEA Games 31”, ແມ່ນກຳລັງທີ່ມີການປະກອບສ່ວນສຳຄັນເຂົ້າໃນຜົນສຳເລັດຂອງ SEA Games 31 ທີ່ຈັດຕັ້ງຢູ່ ຫວຽດນາມ ແລະ ແນະນຳ ເພື່ອໃຫ້ໂລກຮູ້ຈັກເຖິງຫວຽດນາມທີ່ສວຍງາມ, ປອດໄພ, ສະໜິດສະໜົມ, ສະຮັກຫອມແຂກຄົນ, ເຕັມໄປດ້ວຍມູນເຊື້ອປະຫວັດສາດ, ວັດທະນະທຳ...
 |
| ທ່ານ ຫວໍວັນເຖືອງ ກ່າວຄຳເຫັນທີ່ພິທີມອບລາງວັນ. (ພາບ: ມິງກວຽດ). |
ກ່າວຄຳເຫັນທີ່ພິທີມອບລາງວັນ, ທ່ານ ຫວໍວັນເຖືອງ, ກຳມະການກົມການເມືອງ, ຜູ້ປະຈຳຄະນະເລຂາທິການ ໃຫ້ຮູ້ວ່າ: ຜ່ານການຈັດຕັ້ງ 8 ຄັ້ງ, ລາງວັນນີ້ ນັບມື້ນັບມີຄຸນນະພາບ ແລະ ມີອິດທິພົນຊື່ສຽງ, ເປີດກວ້າງຊ່ອງທາງປະດິດສ້າງໃຫ້ຖັນແຖວຜູ້ເຮັດວຽກງານຖະແຫຼງຂ່າວອອກສູ່ຕ່າງປະເທດ. ສະພາບຕົວຈິງອັນອຸດົມສົມບູນ ແລະ ມີຊີວິດຊີວາຂອງຊີວິດສາກົນ, ສະພາບການການເມືອງ-ສັງຄົມຢູ່ພາຍໃນປະເທດ ແລະ ຕ່າງປະເທດໄດ້ກາຍເປັນແຫຼ່ງບັນດານໃຈ ແລະ ມີສິ່ງທີ່ລ້ຳຄ່າໃຫ້ບັນດານັກປະພັນປະດິດສ້າງ”.
ທ່ານ ຫວໍວັນເຖືອງ ສະເໜີໃຫ້ກຳລັງທີ່ເຮັດວຽກງານຖະແຫຼງຂ່າວອອກສູ່ຕ່າງປະເທດ ມີຄວາມຮັບຮູ້ຢ່າງເລິກເຊິ່ງກ່ຽວກັບຖານະບົດບາດ, ກຳລັງບົ່ມຊ້ອນ, ອິດທິພົນຊື່ສຽງຂອງປະເທດຊາດ, ສະພາບການສາກົນ ແລະ ພາກພື້ນ; ເພີ່ມທະວີການໂຄສະນາເຜີຍແຜ່ ແລະ ແນະນຳແຜນນະໂຍບາຍຂອງພັກ ແລະ ລັດ; ພາບພົດປະເທດຊາດ, ປະຊາຊົນ ແລະ ວັດທະນະທຳຂອງຫວຽດນາມ ຕໍ່ປະຊາຄົມໂລກ. ຊ່ວຍໃຫ້ປະຊາຊົນຫວຽດນາມ ແລະ ເພື່ອນມິດສາກົນເຂົ້າໃຈ ແລະ ຮັກແພງຫວຽດນາມ ຕື່ມອີກ - ຫວຽດນາມ ທີ່ປ່ຽນແປງໃໝ່, ເຕັມໄປດ້ວຍກໍາລັງບົ່ມຊ້ອນ, ຄວາມໝັ້ນຄົງດ້ານການເມືອງ, ຍາມໃດກໍ່ມານະ ພະຍາຍາມເພື່ອສັນຕິພາບໃນພາກພື້ນ ແລະໃນໂລກ, ຍາມໃດກໍ່ພ້ອມແລ້ວ ທີ່ຈະເຊື້ອເຊີນ ແລະ ສ້າງເງື່ອນໄຂສະດວກໃຫ້ວິສາຫະກິດຕ່າງປະເທດລົງທຶນຢູ່ ຫວຽດນາມ.
| ວາລະສານຍຸກສະໄໝ ໄດ້ ລາງວັນທີສາມ ຈຳນວນ 2 ລາງວັນ ເສີມຂະຫຍາຍໝາກຜົນຂອງປີທີ່ຜ່ານມາ, ປີນີ້ວາລະສານຍຸກສະໄໝ ສືບຕໍ່ໄດ້ຮັບຫຼາຍລາງວັນ. ໃນນັ້ນ:
ການປະກວດ “ໃຫ້ຂອງທີ່ລະນຶກເລົ່າເລື່ອງ” ແມ່ນການເຄື່ອນໄຫວໃຈກາງ ແລະ ແທດຈິງ ເພື່ອສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ລາວ (ວັນທີ 5 ກັນຍາ 1962 – ວັນທີ 5 ກັນຍາ 2022) ແລະ ຄົບຮອບ 45 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມືລະຫວ່າງ ຫວຽດນາມ ແລະ ລາວ (ວັນທີ 18 ກໍລະກົດ 1977 – ວັນທີ 18 ກໍລະກົດ 2022). ນ້ຳໃຈມິດຕະພາບຫວຽດນາມ - ລາວ ໄດ້ຍືນຍົງ ແລະ ພັດທະນາຢ່າງບໍ່ຢຸດຢັ້ງຕາມຄວາມມຸ່ງມາດປາຖະໜາຂອງປະຊາຊົນສອງປະເທດ. ນໍ້າໃຈມິດຕະພາບດັ່ງກ່າວໄດ້ຮັບການກໍ່ສ້າງ ແລະ ເພີ່ມພູນຄູນສ້າງຈາກແຫຼ່ງວັດທະນະທຳ ແລະ ຈິດໃຈຂອງສອງຊາດ, ໄດ້ຮັບການບຳລຸງສ້າງຈາກອະດີດເຖິງປະຈຸບັນ ແລະ ມຸ່ງໄປເຖິງອະນາຄົດຢ່າງບໍ່ຢຸດຢັ້ງ. ແນວຄວາມຄິດ “ເລົ່າຄືນ” ເລື່ອງລາວ ອັນຍິ່ງໃຫຍ່ກ່ຽວກັບນໍ້າໃຈມິດຕະພາບ ຫວຽດນາມ-ລາວ ໂດຍໄດ້ສ້າງຕັ້ງດ້ວຍ ເປົ້າໝາຍຊອກຄືນ ແລະ ເຕົ້າໂຮມບັນດາຂອງທີີ່ລະນຶກ, ຄວາມຊົງຈໍາທີ່ເລັກນ້ອຍ ຫຼື ເກົ່າແກ່ ແຕ່ເຕັມໄປດ້ວຍຄຸນຄ່າອັນລໍ້າຄ່າຂອງນໍ້າໃຈ ແລະ ປະຫວັດສາດການພົວພັນຂອງປະຊາຊົນສອງປະເທດ ລາວ ແລະ ຫວຽດນາມ, ພ້ອມກັນນັ້ນ ກໍ່ສ້າງຂົງເຂດມິດຕະພາບລວມໃຫ້ແກ່ຫຼາຍລຸ້ນຄົນ...
ບົດປະພັນ "Healing the wounds of the US war in Vietnam: Reconciliation and Forgiveness" (ຮຳບາດແຜສົງຄາມ ຫວຽດນາມ-ອາເມລິກາ: ໃຫ້ອະໄພ ແລະ ສຳນຶກຜິດ) ສະແດງເຖິງຈິດໃຈທີ່ກວ້າງ, ຄວາມສະໜິດສະໜົມ ແລະ ການໜູນຊ່ວຍຂອງປະຊາຊົນ, ພິເສດແມ່ນຜູ້ປະສົບເຄາະຮ້າຍຈາກສົງຄາມຫວຽດນາມ ທີ່ມີຕໍ່ທະຫານຜ່ານເສີກ ອາເມລິກາ ແລະ ປະຊາຊົນ ອາເມລິກາ ໃນການພົວພັນກັບຫວຽດນາມ; ການຫັນປ່ຽນແນວຄິດຂອງທະຫານຜ່ານເສີກ ອາເມລິກາ ຜ່ານບັນດາການເຄື່ອນໄຫວສະເພາະເພື່ອປະກອບສ່ວນແກ້ໄຂຜົນຮ້າຍຢ້ອນຫຼັງຈາກສົງຄາມຢູ່ຫວຽດນາມ. ຜ່ານນັ້ນ, ກໍສົ່ງສານ, “ໂລກໃນປະຈຸບັນ ແລະ ອະນາຄົດຄວນຮູ້ວິທີຮ່ວມມື ແລະ ຮັກແພງເຊິ່ງກັນ ແລະ ກັນ ໂດຍບໍ່ຕ້ອງຜ່ານສົງຄາມ, ຄວາມເຈັບປວດ ແລະ ຄວາມໂກດແຄ້ນຄື ຫວຽດນາມ ແລະ ອາເມລິກາ ໃນເມື່ອກ່ອນ ແລ້ວຈຶ່ງຮູ້ໄດ້ເຖິງຄຸນຄ່າຂອງການຮ່ວມມືມຸ່ງໄປສູ່ອະນາຄົດທີ່ດີກວ່າ”. |
ບູນມີ
