ຫວ່າງແລ້ວນີ້, ຢູ່ແຂວງຄໍາມ່ວນ, ສປປ ລາວ, ຄະນະຜູ້ແທນຂັ້ນສູງ ຄະນະກໍາມະການສູນກາງແນວໂຮມປະເທດຊາດຫວຽດນາມ ໂດຍທ່ານ ເລຕ້ຽນເຈົາ, ກໍາມະການສູນກາງພັກ, ຮອງປະທານ - ເລຂາທິການ ຄະນະກໍາມະການສູນກາງແນວໂຮມປະເທດຊາດຫວຽດນາມ ເຂົ້າຢ້ຽມຂ່ຳນັບ ທ່ານ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ.
 |
ບັນຍາກາດທີ່ການຕ້ອນຮັບ.
ໂດຍແຈ້ງໝາກຜົນຂອງກອງປະຊຸມສາກົນກ່ຽວກັບການສ້າງເສັ້ນຊາຍແດນລະຫວ່າງ ລາວ-ຫວຽດນາມ ແຫ່ງສັນຕິພາບ, ມິດຕະພາບ ແລະ ການຮ່ວມມືພ້ອມກັນພັດທະນາ ໃນປີ 2022, ທ່ານ ເລຕ້ຽນເຈົາ ໃຫ້ຮູ້ວ່າ ພາຍຫຼັງກວ່າ 5 ປີແຫ່ງການລົງນາມໃນຖະແຫຼງການຮ່ວມກ່ຽວກັບໝາກຜົນ ກອງປະຊຸມສາກົນກ່ຽວກັບການສ້າງເສັ້ນຊາຍແດນແຫ່ງສັນຕິພາບ ແລະ ມິດຕະພາບລະຫວ່າງ ຫວຽດນາມ-ລາວ ປີ 2017 ຢູ່ແຂວງກວາງບິ່ງ, ຫວຽດນາມ ບັນດາເນື້ອໃນໄດ້ຮັບການຜັນຂະຫຍາຍ, ປະຕິບັດນັບມື້ນັບກວ້າງຂວາງຢູ່ທຸກຂັ້ນ, ມີປະສິດທິຜົນຢ່າງແທດຈິງ, ພິເສດແມ່ນບັນດາແຂວງທີ່ມີຊາຍແດນຕິດຈອດກັນ, ຕອບສະໜອງຄວາມປາດຖະໜາລວມຂອງປະຊາຊົນສອງປະເທດ.
 |
ທ່ານຮອງປະທານ, ເລຂາທິການໃຫຍ່ຄະນະກໍາມະການສູນກາງແນວໂຮມປະເທດຊາດ ຫວຽດນາມ ເລຕ້ຽນເຈົາ ແລະ ທ່ານຮອງປະທານສູນກາງແນວລາວ ສ້າງຊາດ ຄໍາເຜີຍ ບຸດດາວຽງ ໄດ້ຕາງໜ້າສອງຝ່າຍ ລົງນາມໃນຖະແຫຼງການຮ່ວມກ່ຽວກັບການສ້າງຊາຍແດນຫວຽດນາມ-ລາວ ແຫ່ງສັນຕິພາບ, ມິດຕະພາບ, ການຮ່ວມມືເພື່ອພ້ອມກັນພັດທະນາ ໃນໄລຍະ 2022-2025. ບົນຈິດໃຈຄວາມຮັບຜິດຊອບ, ເຕັມໄປດ້ວຍນໍ້າໃຈມິດຕະພາບ ແລະ ຄວາມສາມັກຄີ, ການນຳ 10 ແຂວງຂອງຫວຽດນາມ ແລະ 10 ແຂວງຂອງລາວ ໄດ້ແລກປ່ຽນ, ປຶກສາຫາລື ແລະ ລົງນາມໃນສົນທິສັນຍາແຂ່ງຂັນ ເພື່ອແນໃສ່ປະຕິບັດຖະແຫຼງການຮ່ວມຂອງກອງປະຊຸມຢ່າງຜົນສໍາເລັດ.
ຄະນະຜູ້ແທນຂັ້ນສູງສອງປະເທດອາໄລຫາປະທານໂຮ່ຈີມິນ ຢູ່ອະນຸສອນສະຖານປະທານໂຮ່ຈີມິນ.
ເນື່ອງໃນໂອກາດນີ້, ຄະນະຜູ້ແທນຂັ້ນສູງສອງປະເທດໄດ້ໄປຢ້ຽມຢາມອະນຸສອນສະຖານປະທານໂຮ່ຈີມິນ ຢູ່ບ້ານຊຽງວາງ, ແຂວງຄຳມ່ວນ.
ທ່ານ ເລຕ້ຽນເຈົາ ພົບປະກັບທ່ານ ວັນໄຊ ພົງສະຫວັນ ເຈົ້າແຂວງໆຄຳມ່ວນ.
ແລະກໍ່ໃນວັນດຽວກັນ, ທ່ານ ເລຕ້ຽນເຈົາ, ກໍາມະການສູນກາງພັກ, ຮອງປະທານ, ເລຂາທິການໃຫຍ່ຄະນະກໍາມະການສູນກາງແນວໂຮມປະເທດຊາດ ຫວຽດນາມ ໄດ້ມີການພົບປະກັບທ່ານ ວັນໄຊ ພົງສະຫວັນ, ເລຂາພັກ, ເຈົ້າແຂວງໆຄຳມ່ວນ.
 |
 |
 |
 |
 |
 |
 |
ບູນມີ
