ເນື່ອງໃນໂອກາດສະເຫຼີມສະຫຼອງ 77 ປີແຫ່ງວັນຊາດ ຫວຽດນາມ, ຫວ່າງແລ້ວນີ້, ຢູ່ຫໍສະພາແຫ່ງຊາດ Maltese, ນະຄອນ Valletta ໄດ້ດຳເນີນບັນດາເຫດການວັດທະນະທຳ “ພົບກັບຫວຽດນາມ ຢູ່ Malta” ໂດຍສະມາຄົມຊາວ ຫວຽດນາມ ອາໄສຢູ່ Malta ຈັດຕັ້ງພາຍໃຕ້ການອຸປະຖໍາຂອງ ສະຖານທູດຫວຽດນາມ ປະຈໍາ Malta.
 |
| ທ່ານ Anglu Farrugia, ປະທານສະພາແຫ່ງຊາດ Malta ກ່າວຄໍາເຫັນທີ່ເຫດການ. |
ທີ່ເຫດການນີ້, ປະຊາຄົມຊາວ ຫວຽດນາມ ອາໄສຢູ່ Malta ແລະ ບັນດາເພື່ອນມິດສາກົນ ມີໂອກາດຊົມບັນດາຈຸດວັດທະນະທຳ, ສິລະປະຂອງ ຫວຽດນາມ ຜ່ານບັນດາຮູບພາບທີ່ເປັນເອກະລັກສະເພາະ ເຊິ່ງສະແດງໃຫ້ເຫັນທັດສະນີຍະພາບ ແລະ ຊີວິດຂອງປະເທດຊາດ ແລະ ປະຊາຊົນຫວຽດນາມ; ເພີດເພີນກັບອາຫານພື້ນເມືອງຫວຽດນາມ.
 |
 |
 |
ເຖິງວ່າສະມາຄົມຊາວຫວຽດນາມ ອາໄສຢູ່ Malta ຫາກໍ່ຮັບການສ້າງຕັ້ງໃນເດືອນ ສິງຫາ 2022, ແຕ່ສະມາຄົມ ຊາວຫວຽດນາມ ອາໄສຢູ່ Malta ກໍໄດ້ມານະພະຍາຍາມກາຍເປັນຊາຍຄາລວມຂອງຊາວ ຫວຽດນາມ ຢູ່ Malta; ປະກອບສ່ວນປົກປັກຮັກສາ ແລະ ເສີມຂະຫຍາຍສີສັນວັດທະນະທຳ, ຮີດຄອງປະເພນີອັນດີງາມຂອງຊາດ; ໂຄສະນາພາບພົດປະເທດ, ປະຊາຊົນ, ວັດທະນະທຳ ແລະ ຮີດຄອງປະເພນີຂອງຫວຽດນາມ. ຜົນສຳເລັດຂອງເຫດການຄັ້ງທຳອິດໂດຍສະມາຄົມຊາວຫວຽດນາມ ອາໄສຢູ່ Malta ຈັດຕັ້ງຈະສ້າງພື້ນຖານໃຫ້ສະມາຄົມສືບຕໍ່ເຄື່ອນໄຫວແລກປ່ຽນວັດທະນະທຳໃນອະນາຄົດ...
ບູນມີ
