ເຂດໄຕງວຽນ ທີ່ມະຫັດສະຈັນ ລວມມີ 5 ແຂວງຄື: ດັກລັກ, ຢາລາຍ, ກອນຕູມ, ດັກນົງ ແລະ ເລິມດົ່ງ. ດ້ວຍຈຳນວນພົນລະເມືອງ 5 ລ້ານກວ່າຄົນ, ທາງພາກຕາເວັນຕົກຂອງປະເທດແມ່ນຊາຍຄາລວມຂອງ 47 ຊົນເຜົ່າດຳລົງຊີວິດຢູ່ຮ່ວມກັນ. ໃນຈຳນວນ 7.800 ບ້ານ, ໝູ່ບ້ານ, ຄຸ້ມໃນທົ່ວພາກພື້ນ, ມີເຖິງ 2.800 ບ້ານ, ໝູ່ບ້ານ ແລະ ຄຸ້ມຂອງຊາວເຜົ່າສ່ວນໜ້ອຍ. ຜ່ານເຂດພູໄຕງວຽນໃນທຸກມື້ນີ້, ຈາກເນີນພູຫງອກລິງທາງທິດເໜືອໄປຮອດຮ່ອມພູສາຍນ້ຳດົງນາຍທາງພາກໃຕ້, ທຸກບ່ອນທີ່ໄປນັ້ນຈະໄດ້ເຫັນພາບຂອງໝູ່ບ້ານທີ່ສົດຊື່ນ ແລະ ມີສີສັນ...
 |
| ຢູ່ໃນໝູ່ບ້ານໄຕງວຽນທີ່ປ່ຽນແປງໃໝ່. ພາບ: nhandan.vn |
ພຽງແຕ່ເຫັນປະຈັກຕາ ແລະ ຕິດຕາມຜ່ານຫຼາຍຂັ້ນຕອນເທົ່ານັ້ນ ຈຶ່ງສາມາດຮູ້ສຶກເຖິງການປ່ຽນແປງຂອງໝູ່ບ້ານທີ່ໃນເມື່ອກ່ອນຍັງມີປະເພນີການປູກຝັງແບບເຄື່ອນທີ່, ຊີວິດການເປັນຢູ່ທີ່ທຸກຍາກ ແລະ ຂາດແຄນ.
ອາດເວົ້າໄດ້ວ່າເລື່ອງລາວໄຕງວຽນ ໄດ້ຮັບການປ່ຽນແປງໃໝ່ໄດ້ເລີ່ມຕົ້ນມາແຕ່ວັນທີ່ປະເທດເປັນເອກະພາບ. ປະຫວັດສາດເປີດໜ້າໃໝ່, ຊົນເຜົ່າສ່ວນໜ້ອຍໄດ້ຮັບການປົດປ່ອຍພົ້ນອອກຈາກຄວາມທຸກຍາກ ແລະ ຄວາມຫຼ້າຫຼັງ; ໄດ້ເປັນພົນລະເມືອງຂອງປະເທດເອກະລາດ; ໄດ້ຮັບການພັດທະນາຢ່າງສະເໝີພາບລະຫວ່າງວົງຄະນະຍາດບັນດາເຜົ່າອ້າຍນ້ອງ. ຈາກແນວທາງ, ນະໂຍບາຍຂອງພັກ ແລະ ລັດ, ແຜນງານ ພັດທະນາເສດຖະກິດ-ສັງຄົມ ແລະ ແຫຼ່ງກຳລັງທີ່ສຸມໃສ່ການລົງທຶນໃນຂົງເຂດຍຸດທະສາດນີ້ນັບມື້ນັບເພີ່ມຂຶ້ນສູງ.
ເຂດໄຕງວຽນ ໄດ້ກາຍເປັນເຂດຜະລິດກະສິກຳທີ່ສຳຄັນຂອງປະເທດ ດ້ວຍເນື້ອທີ່ປູກກາເຟເກືອບ 600 ພັນເຮັກຕາ ແລະ ໝາກພິກໄທ 72 ພັນກວ່າເຮັກຕາ; ຢາງພາລາ, ໝາກມ່ວງຫິມະພານ, ຜັກ, ດອກໄມ້ ແລະສັດລ້ຽງ ແລະສັດປີກທັງໝົດຈະເລີນເຕີບໂຕ. GDP ຕໍ່ຫົວຄົນປະມານ 40 ລ້ານດົ່ງ. ມີເສດຖີຊົນເຜົ່າສ່ວນໜ້ອຍຫຼາຍຄົນ. ເອກະລັກວັດທະນະທຳໄດ້ຮັບການອະນຸລັກຮັກສາ ແລະ ໄດ້ຮັບການເຊີດຊູ, ຊຸກຍູ້ການສຶກສາ, ສາທາລະນະສຸກ ແລະ ນະໂຍບາຍປະກັນສັງຄົມອື່ນໆ ໄດ້ຊ່ວຍໃຫ້ໝູ່ບ້ານມີຮູບການໃໝ່, ສົດໃສ...
ບູນມີ
