ຕອນຄ່ຳວັນທີ 1 ສິງຫາ, ພິທີປິດຄ້າຍລະດູແລ້ງຫວຽດນາມ 2022 ໂດຍຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ, ກະຊວງການຕ່າງປະເທດ ສົມທົບກັບຄະນະກຳມະການປະຊາຊົນແຂວງບາເຣ້ຍ - ຫວຸງເຕົ່າ ໄດ້ດຳເນີນຢູ່ນະຄອນ ຫວຸງເຕົ່າ.
ໃນໄລຍະເວລາກວ່າ 2 ອາທິດ, ຄ້າຍລະດູແລ້ງຫວຽດນາມ 2022 ໄດ້ດຳເນີນຢູ່ 9 ແຂວງ, ນະຄອນຈາກພາກເໜືອເຖິງພາກໃຕ້ ຄື: ຮ່າໂນ້ຍ, ເງ້ອານ, ຮ່າຕິ້ງ, ກວາງບິ່ງ, ເທືອທຽນ-ເຫ້ວ, ກວາງນາມ, ແຄ໋ງຮວ່າ, ບາເຣ້ຍ - ຫວຸງເຕົ່າ... ດ້ວຍຫຼາຍກິດຈະກໍາທີ່ອຸດົມສົມບູນ.
 |
| ຄ້າຍລະດູແລ້ງຫວຽດນາມ 2022: ສະໜິດຕິດພັນໄວໜຸ່ມຊາວຫວຽດນາມ ອາໄສຢູ່ຕ່າງປະເທດກັບບ້ານເກີດເມືອງນອນ. ພາບ: vovlive.vn |
ກ່າວຄຳເຫັນທີ່ພິທີປິດ, ທ່ານ ເລງອກແຄ໋ງ, ຮອງປະທານຄະນະກຳມະການປະຊາຊົນແຂວງບ່າເຣ້ຍ - ຫວຸງເຕົ່າ ໃຫ້ຮູ້ວ່າ: ຄ້າຍລະດູແລ້ງຫວຽດນາມ 2022 ແມ່ນລາຍການທີ່ມີຄວາມໝາຍສຳລັບຕໍ່ຊາວໜຸ່ມຊາວຫວຽດນາມ ອາໄສຢູ່ຕ່າງປະເທດ.
ກ່າວຄຳເຫັນປິດຄ້າຍລະດູແລ້ງຫວຽດນາມ 2022, ທ່ານ ຟ້າມກວາງຮ້ຽວ, ຮອງລັດຖະມົນຕີກະຊວງການຕ່າງປະເທດ, ປະທານຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ ໃຫ້ຮູ້ວ່າ: ບັນດາການເຄື່ອນໄຫວດັ່ງກ່າວໄດ້ນຳເອົາປະສົບການທີ່ເປັນປະໂຫຍດ ແລະ ເປັນໜ້າສົນໃຈມາໃຫ້ບັນດາຜູ້ແທນຄ້າຍລະດູແລ້ງຫວຽດນາມ 2022 ປາດຖະໜາຢາກໜູນຊ່ວຍພວກນ້ອງເພີ່ມທະວີຄວາມເຂົ້າໃຈ, ປະກອບສ່ວນເພີ່ມພູນຄູນສ້າງຄວາມຮັກແພງບ້ານເກີດເມືອງນອນ, ປະເທດຊາດ...
ໃນຊຸມປີຈະມາເຖິງ, ຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ ຈະສືບຕໍ່ຈັດຕັ້ງບັນດາການເຄື່ອນໄຫວໃຫ້ລຸ້ນໜຸ່ມຊາວຫວຽດນາມ ອາໄສຢູ່ຕ່າງປະເທດ ດ້ວຍຮູບການທີ່ອຸດົມສົມບູນ ແລະ ເລິກເຊິ່ງກ່ວາອີກ ເພື່ອແນໃສ່ຮັດແໜ້ນຄວາມສະໜິດຕິດພັນລະຫວ່າງໄວໜຸ່ມຊາວຫວຽດນາມ ອາໄສຢູ່ຕ່າງປະເທດກັບບ້ານເກີດເມືອງນອນ ແລະ ປະເທດຊາດ.
ບູນມີ
