| ແລກປ່ຽນປະສົບການໃນຂົງເຂດຊົນເຜົ່າ ແລະ ຫຼຸດຜ່ອນຄວາມທຸກຍາກແບບຍືນຍົງ | |
| ປະກອບຄຳເຫັນໃສ່ຮ່າງກົດໝາຍວ່າດ້ວຍທີ່ດິນ: ຄວນບຸລິມະສິດ ໃຫ້ແກ່ທີ່ດິນທຳການຜະລິດ, ຮັບປະກັນຊີວິດການເປັນຢູ່ຂອງຊາວຊົນເຜົ່າສ່ວນໜ້ອຍ |
ແຫລ່ງຂ່າວຈາກ ແຂວງບໍລິຄຳໄຊ ໃຫ້ຮູ້ວ່າ: ພິທີພົບປະແລກປ່ຽນບົດຮຽນ ວຽກງານຊົນເຜົ່າ ລະຫວ່າງ ຄະນະກຳມະການ ແນວລາວສ້າງຊາດ ແຂວງບໍລິຄຳໄຊ ສປປ ລາວ ກັບຄະນະຊົນເຜົ່າ ແຂວງເຫງະອານ ສສ ຫວຽດນາມ ຈັດຂຶ້ນໃນວັນທີ 2 ຕຸລາ 2023 ຢູ່ແຂວງບໍລິຄໍາໄຊ ນໍາໂດຍ ທ່ານ ບຸນຄໍາ ໄຊເຍ່ຍລໍວື່ ກຳມະການສູນກາງແນວລາວສ້າງຊາດ, ຄະນະປະຈຳພັກແຂວງ, ປະທານແນວລາວສ້າງຊາດ ແຂວງບໍລິຄຳໄຊ ແລະ ທ່ານ ວີວັນເຊີນ ກຳມະການພັກແຂວງ, ຫົວໜ້າຄະນະຊົນ ເຜົ່າແຂວງເຫງະອານ ສສ ຫວຽດນາມ, ມີຄະນະຜູ້ແທນ ທັງສອງຝ່າຍເຂົ້າຮ່ວມ ໂດຍໄດ້ແລກປ່ຽນບົດຮຽນເຊິ່ງກັນ ແລະ ກັນ ໃນບາງວຽກງານ ເປັນຕົ້ນແມ່ນວິທີການແກ້ໄຂ ຜູ້ຍົກຍາກຕັ້ງພູມລຳເນົາຕາມລຳພັງໃຈ, ການປະສານ ສົມທົບກັນ ລົງພົບປະໂອລົມ ກັບປະຊາຊົນ ຢູ່ລຽບຊາຍແດນຂອງ ແຂວງບໍລິຄຳໄຊ ແລະ ເຫງະອານ ແລະ ວຽກງານອື່ນໆ.
 |
ບໍລິຄຳໄຊ ແລະ ເຫງະອານ ແລກປ່ຽນບົດຮຽນວຽກງານຊົນເຜົ່າ |
ໂອກາດນີ້, ທ່ານ ບຸນຄໍາ ໄຊເຍ່ຍລໍວື່ ກໍໄດ້ລາຍງານຫຍໍ້ກ່ຽວກັບ ວຽກງານຊົນເຜົ່າ ເຊິ່ງທົ່ວແຂວງບໍລິຄຳໄຊ ມີທັງໝົດ 18 ຊົນເຜົ່າ: ເຜົ່າລາວ ກວມເອົາ 44,34%; ເຜົ່າໄຕ 23,37%; ເຜົ່າມົ້ງ 19,86%; ເຜົ່າກຶມມຸ 3,69%; ເຜົ່າຜ້ອງ 3,19% ແລະ ເຜົ່າອື່ນໆກວມເອົາ 5,55% ໂດຍຊົນເຜົ່າດັ່ງກ່າວ ລ້ວນແລ້ວແຕ່ມີຄວາມ ສາມັກຄີຮັກແພງ, ຊ່ວຍເຫລືອເຊິ່ງກັນ ແລະ ກັນ, ຢູ່ຮ່ວມກັນໂດຍສັນຕິ.
ສຳລັບວຽກງານການແກ້ໄຂບັນຫາ ຜູ້ຍົກຍາຍຕັ້ງພູມລຳເນົາ ຕາມລຳພັງໃຈ ແລະ ສ້າງຄອບຄົວບໍ່ຖືກຕ້ອງ ຕາມລະບຽບ ບໍລິເວນຊາຍແດນ ລາວ-ຫວຽດ, ສະເພາະແຂວງບໍລິຄຳໄຊ ແລະ ເຫງະອານ ໄດ້ຈັດຕັ້ງປະຕິບັດໃນ 2 ເມືອງຄື: ເມືອງຄຳເກີດ ແລະ ເມືອງວຽງທອງ ມີ 45 ບ້ານ, ໃນນັ້ນ, ຜູ້ທີ່ມີເງື່ອນໄຂສະເໜີ ພິຈາລະນາ ໃຫ້ອາໄສຢູ່ລາວຖາວອນ ມີ 716 ຄອບຄົວ, 4.297 ຄົນ, ຍິງ 2.040 ຄົນ, ລັດຖະບານລາວ ໄດ້ຮັບຮອງໃຫ້ສັນຊາດແລ້ວ 273 ຄອບຄົວ, 1.626 ຄົນ, ຍິງ 759 ຄົນ; ກໍາລັງດໍາເນີນການ ຈົດທະບຽນສັນຊາດລາວ 443 ຄອບຄົວ, 2.671 ຄົນ, ຍິງ 1.281 ຄົນ; ຜູ້ສ້າງຄອບຄົວບໍ່ຖືກຕ້ອງ ຕາມລະບຽບກົດໝາຍ 60 ຄົນ, ຍິງ 38 ຄົນ ແລະ ຜູ້ທີ່ບໍ່ມີເງືອນໄຂຢູ່ລາວຖາວອນ 8 ຄອບຄົວ, ມີ 42 ຄົນ.
