 | ຫວຽດນາມ ໄດ້ເຊີນ 5 ປະເທດເພື່ອນມິດເຂົ້າຮ່ວມການເດີນສວນສະໜາມເນື່ອງໃນໂອກາດວັນຊາດ 2 ກັນຍາ |
| ໂຮງໝໍສະໜາມຂັ້ນ 2 ເລກ 5 ກັບເມືອປະເທດ, ປະຕິບັດສໍາເລັດໜ້າທີ່ຢູ່ຊູດັງໃຕ້ຢ່າງດີເດັ່ນ |
ຕາມຂໍ້ມູນຂອງກົມການຮ່ວມມືສາກົນ (ກະຊວງວັດທະນະທຳ, ກິລາ ແລະ ທ່ອງທ່ຽວ), ການປະມູນໄດ້ແນະນຳ 9 ຜະລິດຕະພັນລວມມີ: ຊຸດເສື້ອຍາວ ຮ່າໂນ້ຍ ສິບປີ 1930 ໂດຍຜູ້ອອກແບບ ຫວູຫວຽດຮ່າ - ເຄີຍນຸ່ງໂດຍພັນລະຍາ ທ່ານເລຂາທິການໃຫຍ່ ໂຕເລີມ, ທ່ານນາງ ຫງວຽນເຟືອງລີ, ເຄີຍນຸ່ງໃນການຢ້ຽມຢາມແລກປ່ຽນວັດທະນະທຳ ຫວຽດນາມ - ລັດເຊຍ ເມື່ອມໍ່ໆມານີ້ ເພື່ອສະເຫຼີມສະຫຼອງ 75 ປີແຫ່ງວັນສ້າງສາຍພົວພັນທາງການທູດ; ຊຸດເສື້ອຍາວ “ດອກກຸຫຼາບ” ໄດ້ຮັບການດົນໃຈຈາກດອກບົວທອງ ໂດຍນັກອອກແບບ ແອັງທື; ຊຸດເສື້ອຍາວ ລຽນຫວູຂອງນັກອອກແບບ ຮ່າຈິ້ງ; ພວງ ໄຂ່ມຸກທີ່ມີມູນຄ່າສູງຂອງຍີ່ຫໍ້ Huong Jewellery, ໂຖເຄື່ອງປັ້ນດິນເຜົາທີ່ມີຊື່ວ່າ "ແມ່ ແລະ ເດັກ" ແລະ ຮູບແຕ້ມ "ເຮືອແພບູຮານ ແລະ ສຽງຂຸ່ຍວ່າວຢູ່ທົ່ງນາທອງ" ໃນຊຸດສີລະປະ "ສະບາຍດີຫວຽດນາມ - ບ້ານເກີດເມືອງນອນຂອງຂ້ອຍ" ລ້ວນແຕ່ແມ່ນຂອງນັກແຕ້ມ ໂງບ໋າຮວ່າງ.
 |
| ນັກສິລະປິນປະຊາຊົນ ຕື້ລອງ (ເບື້ອງຊ້າຍ) ເຂົ້າຮ່ວມການນຳການປະມູນ (ພາບ: icd.gov.vn) |
ໃນເວລາບໍ່ຮອດ 2 ຊົ່ວໂມງ, ໂຄງການໄດ້ລະດົມທຶນໄດ້ສຳເລັດ 2,435 ຕື້ດົ່ງ ແລະ ໄດ້ຮັບການໜູນຊ່ວຍຈາກຜູ້ບໍລິຈາກທີ່ບໍ່ເປີດເຜີຍຊື່, ເຮັດໃຫ້ເຖິງ 2,5 ຕື້ດົ່ງ ຖ້ວນ, ປະກອບສ່ວນເຂົ້າໃນກອງທຶນໜູນຊ່ວຍປະຊາຊົນຢູ່ເຂດປະສົບໄພ.
ກ່ອນໜ້ານັ້ນ, ໃນຂອບເຂດຂອງງານບຸນໄດ້ດຳເນີນງານວາງສະແດງແຟຊັນທີ່ມີຊື່ວ່າ “ເສັ້ນທາງມໍລະດົກ - ສີສັນຫວຽດນາມ”, ໄດ້ດຶງດູດຄວາມສົນໃຈຂອງຊາວນະຄອນຫຼວງ ແລະ ນັກທ່ອງທ່ຽວສາກົນເປັນຈຳນວນຫຼວງຫຼາຍ.
ເຫດການໄດ້ແນະນຳ 19 ຊຸດແຟຊັນພື້ນເມືອງທີ່ມູນເຊື້ອ ແລະ ຍຸກປະຈຸບັນທີ່ມາຈາກ 19 ປະເທດ, ແຕ່ລະຊຸດແມ່ນເລື່ອງວັດທະນະທຳ, ສະແດງໃຫ້ເຫັນຈິດໃຈແລກປ່ຽນ ແລະ ເຊີດຊູມໍລະດົກ.
ເປີດລາຍການແມ່ນຊຸດເສື້ອຍາວ “Hanoi in Hanoi” ໂດຍນັກອອກແບບ ຫວູຫວຽດຮ່າ ໄດ້ສະແດງອອກເຖິງຄວາມສະຫງ່າງາມຂອງຮ່າໂນ້ຍ ຜ່ານວັດຖຸດິບທໍາມະຊາດ ແລະ ເຕັກນິກການຍ້ອມດ້ວຍມືຈາກພືດ. ນັກອອກແບບ ແອັງທື ມີຄວາມປະທັບໃຈກັບຊຸດສະສົມ “Heritage in Hanoi”, ໃນນັ້ນ ພັນລະຍາຂອງ 4 ທ່ານເອກອັກຄະລັດຖະທູດ ເຊັກໂກ, ຍີ່ປຸ່ນ, ຢູແກຼນ ແລະ ອາເມລິກາ ໄດ້ສະແດງຊຸດອາພອນຂອງຫວຽດນາມ ດ້ວຍບັນດາລວດລາຍວັດທະນະທໍາຕາມແບບຢ່າງຂອງບັນດາປະເທດຂອງເຂົາເຈົ້າ - ເປັນຂໍ້ຄວາມແຫ່ງຄວາມມິດຕະພາບ ແລະ ການແລກປ່ຽນສາກົນ.
 |
| ພັນລະຍາເອກອັກຄະລັດຖະທູດບາງປະເທດເຂົ້າຮ່ວມງານວາງສະແດງຊຸດເສື້ອຍາວຂອງຫວຽດນາມ. (ພາບ: icd.gov.vn) |
ງານວາງສະແດງຊຸດອາພອນພື້ນເມືອງຂອງໂລກໄດ້ສືບຕໍ່ມີການອອກແບບຈາກອາຊີ, ຕາເວັນອອກກາງ, ເອີລົບ, ອາເມລິກາ ແລະ ອາຟຼິກາ, ສ້າງສີສັນຂອງມໍລະດົກມະນຸດ.
ບັນດາຊຸດສະສົມ “ທໍລະນີດອກໄມ້ ແລະ ເມກ” ຂອງ ຫງວຽນມິ, “ທັງລອງ - ເຄື່ອງໝາຍເວລາ” ຂອງ ມິງຟ່າມ (Desilk), “ດອກດວງເດືອນ” ຂອງ Hà Nuo ໂດຍ ຮ່າຕິ້ງ ໄດ້ປະກອບສ່ວນເສີມຂະຫຍາຍລັກສະນະແຟຊັ່ນຂອງຫວຽດນາມ ໃນກະແສເຊື່ອມໂຍງ.
ແກ້ຍາວແຕ່ວັນທີ 10 ຮອດວັນທີ 12 ຕຸລາ, ງານບຸນວັດທະນະທຳໂລກຢູ່ຮ່າໂນ້ຍ, ໂດຍກະຊວງວັດທະນະທຳ, ກິລາ ແລະ ທ່ອງທ່ຽວ ສົມທົບກັບກະຊວງການຕ່າງປະເທດ ແລະ ຄະນະກຳມະການປະຊາຊົນນະຄອນຮ່າໂນ້ຍ ໄດ້ດຳເນີນການເຄື່ອນໄຫວທີ່ຫຼາກຫຼາຍຄື: ງານບຸນວັດທະນະທຳໂລກຮ່າໂນ້ຍ, ລາຍການອາຫານສາກົນຮ່າໂນ້ຍ, ງານວາງສະແດງຮູບເງົາ, ຟ້ອນພື້ນເມືອງ, ສິລະປະ, ຊຸດອາພອນສາກົນ, ງານວາງສະແດງປຶ້ມ...
 | ຮ່າໂນ້ຍ ສ້າງຕັ້ງເຂດອຸດສາຫະກຳຕື່ມອີກ 2 – 5 ແຫ່ງໃນໄລຍະ 2021-2025 ຍສໝ - ທ່ານປະທານຄະນະກຳມະການປະຊາຊົນນະຄອນ ຮ່າໂນ້ຍ ຫາກໍ່ລົງນາມຕົກລົງອະນຸມັດແຜນຮ່າງສ້າງຕັ້ງເຂດອຸດສາຫະກຳ 2 – 5 ແຫ່ງໃນບໍລິເວນນະຄອນຫຼວງໃນໄລຍະ 2021 – 2025. ນະຄອນສືບຕໍ່ສ້າງເງື່ອນໄຂສະດວກ, ດຶງດູດການລົງທຶນຂອງຕ່າງປະເທດເຂົ້າບັນດາເຂດອຸດສາຫະກຳ, ແກ້ໄຂບັນດາຄວາມຫຍຸ້ງຍາກໃຫ້ແກ່ບັນດາວິສາຫະກິດຢູ່ບໍລິເວນພັດທະນາ. |
 | ຫວຽດນາມ ຈະສົ່ງອອກເຂົ້າສານ 10.000 ໂຕນໄປຍັງ 2 ປະເທດໃນຈໍານວນ 5 ປະເທດຂອງສະຫະພັນເສດຖະກິດອາຊີ-ເອີລົບ ຍສໝ - ສັນຍາການຄ້າເສລີຫວຽດນາມ-ສະຫະພາບເອີລົບ (EVFTA) ໄດ້ຮັບຖືວ່າ ແມ່ນໂອກາດທີ່ດີເພື່ອໃຫ້ບັນດາວິສາຫະກິດຫວຽດນາມ ຫັນຕະຫຼາດເປັນຫຼາຍຮູບຫຼາຍແບບ, ຍູ້ແຮງການສົ່ງອອກເຂົ້າສານທີ່ມີຄຸນນະພາບສູງ ແລະເຂົ້າສານພິເສດປະເພດຕ່າງໆ. |
ແທັງຮັ່ງ
