ວັນທີ 21 ກໍລະກົດ, ຢູ່ສະຖານທູດປາກິດສະຖານ, ທ່ານເອກອັກຄະລັດຖະທູດ ຫວຽດນາມ ປະຈຳ ປາກິດສະຖານ ຫງວຽນຕຽນຟອງ ໄດ້ຮັບດໍາລົງຕຳແໜ່ງເປັນປະທານໝູນວຽນຄະນະກຳມະການອາຊຽນ ຢູ່ Islamabad (ACI) ຕໍ່ຈາກທ່ານເອກອັກຄະລັດຖະທູດ ໄທ Chakkrid Krachaiwong.
 |
| ຫວຽດນາມ ຮັບດໍາລົງຕຳແໜ່ງເປັນປະທານຄະນະກຳມະການອາຊຽນ ປະຈຳ ປາກິດສະຖານ. ພາບ: ສະຖານທູດຫວຽດນາມ |
ກ່າວຄຳເຫັນທີ່ການພິທີຮັບດໍາລົງຕໍາແໜ່ງເປັນປະທານ ACI ປະຈຳ ປາກິດສະຖານ, ທ່ານເອກອັກຄະລັດຖະທູດ ຫງວຽນຕຽນຟອງ ສະແດງຄວາມຊົມເຊີຍທ່ານເອກອັກຄະລັດຖະທູດ ໄທ ທີ່ໄດ້ສິ້ນສຸດອາຍຸການຢ່າງຈົບງາມ ແລະ ຕີລາຄາສູງບັນດາການເຄື່ອນໄຫວໂດຍສະຖານທູດຈັດຕັ້ງກໍ່ຄືບັນດາການປະກອບສ່ວນຢ່າງຕັ້ງໜ້າຂອງບັນດາປະເທດສະມາຊິກ ACI.
ທ່ານເອກອັກຄະລັດຖະທູດ ຫງວຽນຕຽນຟອງ ຢືນຢັນຄວາມເປັນກຽດທີ່ໄດ້ຮັບດໍາລົງຕຳແໜ່ງປະທານ ACI ຢູ່ ປາກິດສະຖານ ແລະ ໃຫ້ຮູ້ວ່າ ຈະເຮັດຈົນສຸດຄວາມສາມາດຂອງຕົນ ເພື່ອຊຸກຍູ້ບັນດາການເຄື່ອນໄຫວຂອງ ACI ບົນຈິດໃຈສາມັກຄີ ແລະ ສະໜິດຕິດພັນກັບອາຊຽນ: ຊຸກຍູ້ການຮ່ວມມືກັບ ປາກິດສະຖານ ໃນທຸກຂົງເຂດ, ພິເສດດ້ານການເມືອງ, ເສດຖະກິດ, ການຄ້າ, ການລົງທຶນ, ການທ່ອງທ່ຽວ, ການສຶກສາ ແລະ ບຳລຸງສ້າງ...
ພາຍຫຼັງພິທີມອບ-ຮັບ, ທ່ານເອກອັກຄະລັດຖະທູດ ຫງວຽນຕຽນຟອງ ໄດ້ເປັນປະທານກອງປະຊຸມ ACI ຄັ້ງທີ 1 ໃນອາຍຸການ, ສະເໜີບາງຂໍ້ລິເລີ່ມ ແລະ ການເຄື່ອນໄຫວຊຸກຍູ້ການຮ່ວມມືໃນຫຼາຍຂົງເຂດລະຫວ່າງ ອາຊຽນ ແລະ ປະເທດປະຈໍາຖິ່ນ ກໍ່ຄືລະຫວ່າງອາຊຽນກັບບັນດາຄູ່ຮ່ວມມືຍຸດທະສາດ ແລະ ຄູ່ເຈລະຈາຂອງອາຊຽນ.
ບູນມີ
