| ເລີ່ມເຄື່ອນໄຫວໂຄງການເພີ່ມທະວີກຳລັງຄວາມສາມາດໃຫ້ແກ່ຂັ້ນຮາກຖານໃນການຮັບມືກັບພະຍາດໂຄວິດ - 19 | |
| ເກີນເທີ: ຈັດຕັ້ງການພົບປະແລກປ່ຽນທາງອອນລາຍເຊື່ອມຕໍ່ລຸ້ນໜຸ່ມຫວຽດນາມ - ສິງກະໂປ |
 |
| ພາບປະກອບ: vov.vn |
ລາຍການ “ເຊື່ອມຕໍ່ອ້ອມແຂນ” ໂດຍສູນກາງຄະນະຊາວໜຸ່ມກອມມູນິດໂຮ່ຈີມິນ ປຸກລະດົມນັບແຕ່ເດືອນຕຸລາ ປີ 2021 ໃນທົ່ວປະເທດ, ໃນນັ້ນໄດ້ສຸມໃສ່ບັນດາແຂວງ, ນະຄອນທີ່ຖືກຜົນສະທ້ອນຢ່າງໜັກໜ່ວງຈາກໂລກລະບາດໂຄວິດ - 19. ຕາມນັ້ນແລ້ວ, ກໍໄດ້ເຊື່ອມຕໍ່ບັນດາອົງການ, ສ່ວນບຸກຄົນທີ່ມີຄວາມສົນໃຈ, ຮ່ວມເດີນທາງກັບເດັກນ້ອຍ, ນັກຮຽນກຳພ້າຍ້ອນໂຄວິດ - 19 ຈົນຮອດປີພວກນ້ອງມີອາຍຸ 18 ປີ ໂດຍຜ່ານ 4 ກຸ່ມໜູນຊ່ວຍ: ຈິດໃຈ, ການສຶກສາ, ການເງິນ ແລະ ເບິ່ງແຍງດູແລສຸຂະພາບ.
ມີນ້ອງໆ 1.748 ຄົນໄດ້ຮັບການໜູນຊ່ວຍດ້ວຍເງິນເປັນຈຳນວນ 500.000 ຫາ 2.000.000ດົ່ງ/ເດືອນ/ຄົນ. ນ້ອງໆຍັງໄດ້ຮັບການໜູນຊ່ວຍຊຸດການຮຽນແບບທາງໄກ ກ່ຽວກັບການສຶກສາດ້ານທັກສະ, ພາສາເພື່ອພັດທະນາຄວາມສາມາດບົ່ມຊ້ອນຕົນເອງ...
ທ່ານນາງ ຫງວຽນຟ້າມຢຸຍຈາງ - ເລຂາສູນກາງຄະນະຊາວໜຸ່ມກອມມູນິດໂຮ່ຈີມິນ, ປະທານສະພາກອງເຍົາວະຊົນສູນກາງໄດ້ລະດົມກຳລັງໃຈນ້ອງໆ, ພ້ອມທັງໃຫ້ຮູ້ວ່າ ສູນກາງຄະນະ ແລະ ສະພາກອງເຍົາວະຊົນສູນກາງ ສົມທົບກັບບັນຫາຫົວໜ່ວຍ ຈະສືບຕໍ່ຮ່ວມເດີນທາງກັບນ້ອງໆບົນເສັ້ນທາງຮ່ຳຮຽນໃນຊຸມປີຕໍ່ໆໄປ.
ບຸນຄົງ
