 | ທ່ານ ເລືອງເກືອງ ຜູ້ປະຈຳການຄະນະເລຂາທິການສູນກາງພັກ ໄດ້ຮັບການເລືອກຕັ້ງເປັນປະທານປະເທດ |
| ຊາວໜຸ່ມຫວຽດນາມ ອາໄສຢູ່ຕ່າງປະເທດ ແລະ ຄວາມມານະພະຍາຍາມປົກປັກຮັກສາ, ເຜີຍແຜ່ພາສາຫວຽດນາມ |
- ຂໍຮຽນທ່ານ, ເຄືອຂ່າຍນັກປັນຍາຊົນຫນຸ່ມຫວຽດນາມ ທົ່ວໂລກ (Global VYSA) ໄດ້ສ້າງຕັ້ງຂຶ້ນມາຄືແນວໃດ?
ເຄືອຂ່າຍນັກປັນຍາຊົນຫນຸ່ມຫວຽດນາມ ທົ່ວໂລກ ໄດ້ສ້າງຕັ້ງຂຶ້ນເມື່ອປີ 2018. ນັບແຕ່ເມື່ອກໍ່ຕັ້ງມາຮອດປະຈຸປັນ, ເຄືອຂ່າຍໄດ້ເຂົ້າສູ່ການເຄື່ອນໄຫວພາຍໃຕ້ຮູບການຮ່ວມຊີວິດເວທີປາໄສປະຈຳປີ ດ້ວຍຫຼາຍຫົວຂໍ້ທີ່ມີລັກສະນະເປັນສະພາບການ ແລະ ເຕົ້າໂຮມຜູ້ແທນເກືອບ 1.000 ຄົນທີ່ໄດ້ ແລະ ພວມຮ່ຳຮຽນ, ຄົ້ນຄ້ວາ, ເຮັດວຽກຢູ່ຫຼາຍປະເທດ, ເຂດແຄວ້ນໃນໂລກ ແລະ ຫວຽດນາມ.
 |
| ທ່ານ ຮສຈ.ປອ ເຈີ່ນເລຮືງ, ມະຫາວິທະຍາໄລວິສາວະກອນ Paris (EIVP), ມະຫາວິທະຍາໄລ Gustave Eiffel (UGE), ຄະນະຫົວໜ້າເຄືອຂ່າຍນັກປັນຍາຊົນຫນຸ່ມຫວຽດນາມ ທົ່ວໂລກ (Global VYSA) |
ນອກຈາກການເຊື່ອມຕໍ່ບັນດາສະມາຊິກຕາມຂະແໜງແນວຕັ້ງແລ້ວ ເຄືອຂ່າຍຍັງພັດທະນາຕາມເຂດທີ່ຕັ້ງພູມສາດນຳອີກ. ສິ່ງນີ້ໄດ້ສ້າງການເຊື່ອມໂຍງ ແລະ ໂອກາດຫຼາຍຢ່າງໃຫ້ບັນດາສະມາຊິກ, ປະກອບສ່ວນສໜູນຊ່ວຍການພັດທະນາແບບຍືນຍົງຂອງເຄືອຂ່າຍ.
- ຂໍຮຽນທ່ານ, ທ່ານຕີລາຄາບົດບາດຂອງໄວໜຸ່ມຫວຽດນາມ ທີ່ອາໄສຢູ່ຕ່າງປະເທດໃນພາລະກິດພັດທະນາບ້ານເກີດເມືອງນອນຄືແນວໃດ?
ລຸ້ນໜຸ່ມຊາວຫວຽດນາມ ອາໄສຢູ່ຕ່າງປະເທດ ມີບົດບາດສຳຄັນໃນການຮັກສາ ແລະ ພັດທະນາບັນດາສະມາຄົມຢູ່ຕ່າງປະເທດ. ບໍ່ພຽງແຕ່ແມ່ນກຳລັງສືບທອດເທົ່ານັ້ນ, ເຂົາເຈົ້າຍັງແມ່ນແຫຼ່ງຊັບພະຍາກອນມະນຸດຫຼັກແຫຼ່ງ, ໄດ້ນຳມາເຊິ່ງຄວາມມີຊີວິດຊີວາ ພ້ອມກັບບັນດາແນວຄວາມຄິດປະດິດສ້າງ, ສົມທົບກັບຄວາມສາມາດນຳໃຊ້ເຕັກໂນໂລຢີທີ່ທັນສະໄໝ ເພື່ອປ່ຽນແປງໃໝ່ວິທີການເຄື່ອນໄຫວ, ຊ່ວຍໃຫ້ບັນດາອົງການນັບມື້ນັບມີປະສິດທິຜົນ ແລະ ເໝາະສົມກັບສະພາບການໃໝ່.
ບັນດາອົງການຈັດຕັ້ງຄືເຄືອຂ່າຍນັກປັນຍາຊົນຫນຸ່ມຫວຽດນາມ ທົ່ວໂລກ ຫຼື ສະມາຄົມນັກຮຽນ ຮ່າໂນ້ຍ - Amsterdam ແມ່ນຫຼັກຖານພະຍານທີ່ຈະແຈ້ງໃຫ້ແກ່ການເສີມຂະຫຍາຍຂອງຮູບແບບນີ້ຢ່າງມີປະສິດທິຜົນ.
 |
| ເວທີປາໄສນັກປັນຍາຊົນໜຸ່ມຫວຽດນາມ ທົ່ວໂລກ ຄັ້ງທີ 5 ປີ 2022. |
- ສະນັ້ນ, ຕາມທ່ານແລ້ວ, ຕ້ອງມີນະໂຍບາຍໃດແດ່ເພື່ອຊຸກຍູ້ໃຫ້ລຸ້ນໜຸ່ມເຂົ້າຮ່ວມວຽກງານສະມາຄົມ, ສ້າງສາບ້ານເກີດເມືອງນອນ?
ຂ້າພະເຈົ້າສະເໜີບາງວິທີແກ້ໄຂເພື່ອຍົກລະດັບຄວາມສຳຄັນ ແລະ ບົດບາດຂອງລຸ້ນໜຸ່ມຫວຽດນາມ ອາໄສຢູ່ຕ່າງປະເທດໃນຂະບວນການເຊື່ອມໂຍງ, ພັດທະນາຂອງປະເທດ...
ທີໜຶ່ງ, ຕ້ອງຫັນເປັນລະອຽດ, ຈັດຕັ້ງ ເພື່ອນຳບັນດາໂຄງການ, ການເຄື່ອນໄຫວເຊື່ອມຕໍ່ພົບປະແລກປ່ຽນນັກປັນຍາຊົນພາຍໃນ ແລະ ຕ່າງປະເທດເປັນປະຈຳປີ, ຕາມແຕ່ລະກຸ່ມຫົວເລື່ອງ, ຕິດຕາມສະພາບການພັດທະນາຂອງປະເທດຊາດຢ່າງໃກ້ຊິດ, ເສີມຂະຫຍາຍບົດບາດເປັນເຈົ້າການ, ສ້າງຄວາມມຸ່ງມາດປາດຖະໜາໃຫ້ແກ່ລຸ້ນໜຸ່ມປະຈຸບັນ.
ທີສອງ, ເພີ່ມທະວີການເຊື່ອມໂຍງ, ພົບປະແລກປ່ຽນກັບລຸ້ນໜຸ່ມຢູ່ພາຍໃນ ແລະ ຕ່າງປະເທດຜ່ານຫຼາຍຮູບຫຼາຍແບບ. ພວກເຮົາຕ້ອງມີການເຄື່ອນໄຫວຫຼາຍກວ່າອີກ ເພາະວ່າລຸ້ນໜຸ່ມຊາວຫວຽດນາມ ທີ່ອາໄສຢູ່ຕ່າງປະເທດ ແມ່ນຂົວຕໍ່ທີ່ສຳຄັນ ເພື່ອຊ່ວຍເພີ່ມທະວີການພົບປະລະຫວ່າງຫວຽດນາມ ແລະ ເພື່ອນມິດສາກົນ...
ທີສາມ, ໂຄສະນາວັດທະນະທຳຫວຽດນາມ ຢ່າງຕັ້ງໜ້າ. ໄວໜຸ່ມແຕ່ລະຄົນຈະເປັນທູດ, ຊ່ວຍໂຄສະນາຮູບພາບ, ວັດທະນະທຳ ຫວຽດນາມ ໃຫ້ແກ່ເພື່ອນມິດສາກົນ. ສິ່ງນີ້ບໍ່ພຽງແຕ່ຊ່ວຍໃຫ້ວັດທະນະທຳ ຫວຽດນາມ ໄດ້ຮັບການສືບທອດຈາກລຸ້ນສູ່ລຸ້ນເທົ່ານັ້ນ ຫາກຍັງໄດ້ຮັບການເຜີຍແຜ່ຢ່າງກວ້າງຂວາງ, ນຳຮູບພາບທີ່ສວຍງາມຂອງຊາວຫວຽດນາມ ໄປຍັງ 5 ທະວີບ. ສິ່ງນີ້ຊ່ວຍໃຫ້ຊາວຫວຽດນາມ ມີອຸປະກອນຕື່ມອີກເພື່ອເຊື່ອມໂຍງເຂົ້າກັບປະຈຳຖິ່ນຢ່າງເລິກເຊິ່ງກ້ວາງຂວາງກ່ວາ, ພ້ອມກັນນັ້ນ ກໍ່ຍົກສູງສະຕິອະນຸລັກຮັກສາວັດທະນະທຳ, ເສີມຂະຫຍາຍສີສັນຂອງຊາດ, ປະກອບສ່ວນແນະນຳຮູບພາບຂອງຫວຽດນາມ ບົນເວທີສາກົນ.
ທີສີ່, ສຸມໃສ່ວຽກງານໂຄສະນາ, ເຜີຍແຜ່ຂໍ້ມູນ, ນະໂຍບາຍກົດໝາຍໃຫ້ແກ່ລຸ້ນໜຸ່ມຊາວຫວຽດນາມ ທີ່ອາໄສຢູ່ຕ່າງປະເທດ. ລຸ້ນໜຸ່ມຊາວຫວຽດນາມ ອາໄສຢູ່ຕ່າງປະເທດ ດ້ວຍຄວາມສາມາດເຂົ້າເຖິງ ແລະ ນຳໃຊ້ເຕັກໂນໂລຢີຂໍ້ມູນ, ໄດ້ສາມາດຊ່ວຍສົ່ງສານຢ່າງວ່ອງໄວ ແລະ ມີປະສິດທິຜົນ, ຊ່ວຍໃຫ້ປະຊາຄົມຊາວຫວຽດນາມ ຢູ່ຕ່າງປະເທດ ເຂົ້າໃຈຢ່າງຈະແຈ້ງ ແລະ ຖືກຕ້ອງກ່ຽວກັບບັນດານະໂຍບາຍ, ກົດໝາຍທີ່ພັກ ແລະ ລັດປະກາດໃຊ້, ມ້າງທຳລາຍບັນດາຖ້ອຍທຳນອງບໍ່ຖືກຕ້ອງ, ບິດເບືອນ, ບໍ່ມີຄວາມສ້າງສັນ, ເປັນປໍລະປັກ...
- ຂໍຂອບໃຈທ່ານ ຮສຈ.ປອ!
 | ບັນດາຕູ້ປຶ້ມພາສາຫວຽດນາມ ໃຫ້ຊາວຫວຽດນາມ ອາໄສຢູ່ຕ່າງປະເທດ ຍສໝ - ພາຍຫຼັງ 2 ປີແຫ່ງການຜັນຂະຫຍາຍ, ໄດ້ມີ 6 ຕູ້ປື້ມພາສາຫວຽດນາມ ໃຫ້ຊາວຫວຽດນາມ ອາໄສຢູ່ຕ່າງປະເທດຢູ່ 5 ປະເທດ ແລະ ເຂດແຄ້ວນຄື: ຍີ່ປຸ່ນ, ຮຸງກາຣີ, ໄຕ້ຫວັນ (ຈີນ), ຝຣັ່ງ, ສາທາລະນະລັດ ເຊັກໂກ. ນີ້ແມ່ນຈຸດທີ່ປະກາຍແຈ້ງໃນການເຜີຍແຜ່ພາສາຫວຽດນາມ ຂອງຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ ແລະ ... |
 | ບັນດາແມ່ຫວຽດນາມ ຢູ່ຕ່າງປະເທດຮັກສາພາສາບ້ານເກີດເມືອງນອນ ຍສໝ - ທ່ານນາງ ປອ ເຈີ່ນຮົ່ງເວີນ, ນັກແປພາສາຢູ່ໂຮງຮຽນ Western Sydney ແລະ ເປັນສະມາຊິກໂຄງການ VietSpeech, ໂຄງການຂອງມະຫາວິທະຍາໄລ Charles, ຄົ້ນຄວ້າກ່ຽວກັບທັກສະພາສາ ແລະ ການຮັກສາພາສາແມ່ໃຫ້ແກ່ເດັກນ້ອຍທີ່ມີເຊື້ອຊາດຫວຽດນາມ ຢູ່ ອົດສະຕາລີ, ໄດ້ແບ່ງປັນຢ່າງຕື້ນຕັນໃຈວ່າ “ຮູ້ສຶກດີໃຈເມື່ອອາໄສຢູ່ຕ່າງປະເທດແຕ່ໄດ້ຍິນລູກເວົ້າວ່າ “ແມ່ເອີຍ” (ເປັນພາສາຫວຽດນາມ). ສຳລັບທ່ານນາງ, ທຸກຄຳທີ່ລູກສາວ Ivy ... |
ມີງດຶກ
