 | VUFO, UNDP ຢູ່ ຫວຽດນາມ ສືບຕໍ່ຊຸກຍູ້ການຮ່ວມມືເພື່ອພັດທະນາ |
| ງານພົບປະມິດຕະພາບຊາວໜຸ່ມ 4 ແຂວງຂອງ ຫວຽດນາມ-ລາວ |
ກ່າວຄຳປາໄສທີ່ລາຍການ, ທ່ານ Bader Almatrooshi, ເອກອັກຄະລັດຖະທູດຜູ້ມີອຳນາດເຕັມແຫ່ງ UAE ປະຈຳ ຫວຽດນາມ ໃຫ້ຮູ້ວ່າ ໂຄງການແມ່ນເພື່ອແນໃສ່ເປົ້າໝາຍເພີ່ມທະວີການພົບປະແລກປ່ຽນວັດທະນະທຳ, ຊາວໜຸ່ມລະຫວ່າງ 2 ປະເທດ UAE - ຫວຽດນາມ.
 |
| ທ່ານ Bader Almatrooshi, ເອກອັກຄະລັດຖະທູດຜູ້ມີອຳນາດເຕັມ ແຫ່ງ UAE ປະຈຳ ສສ ຫວຽດນາມ ກ່າວຄຳປາໄສທີ່ລາຍການ. |
ທ່ານເອກອັກຄະລັດຖະທູດ ໃຫ້ຮູ້ວ່າ ນັບແຕ່ໄດ້ສ້າງຕັ້ງຂຶ້ນໃນປີ 1971, UAE ໄດ້ເອົາໃຈໃສ່ການນຳມາເຊິ່ງຄວາມມ່ວນຊື່ນ ແລະ ຄວາມສຸກໃຫ້ລຸ້ນໜຸ່ມ. ບັນດາຜູ້ນໍາ UAE ເຊື່ອໝັ້ນເຖິງຄວາມສໍາຄັນຂອງການລົງທຶນໃຫ້ໄວຫນຸ່ມ, ມອບສິດ ແລະ ສຶກສາໃຫ້ເຂົາເຈົ້າເພື່ອມີແຫຼ່ງຊັບພະຍາກອນມະນຸດທີ່ມີຄຸນນະພາບສູງ; ສ້າງເງື່ອນໄຂເພື່ອຊ່ວຍໃຫ້ໄວໜຸ່ມປ່ຽນແປງໃໝ່, ພັດທະນາ...
ທ່ານເອກອັກຄະລັດຖະທູດ ໃຫ້ຮູ້ວ່າ ສະພາຊາວໜຸ່ມ UAE ໄດ້ຮັບການສ້າງຕັ້ງຂຶ້ນໃນປີ 2016 ແມ່ນພື້ນຖານປະຈັນບານທີ່ຕາງໜ້າໃຫ້ບັນດາຄວາມມຸ່ງມາດປາດຖະໜາ ແລະ ແກ້ໄຂບັນຫາຊາວໜຸ່ມ UAE ພ້ອມກັນນັ້ນ ກໍ່ຍົກອອກບັນດາວິທີແກ້ໄຂຢ່າງມີຫົວຄິດປະດິດສ້າງໃຫ້ລັດຖະບານກ່ຽວກັບບັນຫາຊາວໜຸ່ມ.
ນອກຈາກນັ້ນ, ທີ່ໂຄງການ, ທ່ານເອກອັກຄະລັດຖະທູດ ຍັງໄດ້ແບ່ງປັນບັນດາຜົນສຳເລັດຂອງ ລັດ UAE ໃນການມອບສິດໃຫ້ແກ່ແມ່ຍິງເນື່ອງໃນໂອກາດວັນແມ່ຍິງ UAE (28 ສິງຫາ). ພ້ອມກັນນັ້ນ, ກໍ່ຢືນຢັນຄຳໝັ້ນສັນຍາຂອງລັດຖະບານ UAE ໃນການເຊື່ອໝັ້ນບົດບາດຕັ້ງໜ້າຂອງແມ່ຍິງໃນການກໍ່ສ້າງສັງຄົມບົນພື້ນຖານຄວາມສະເໝີພາບກັບເພດຊາຍໃນຊີວິດທາງດ້ານເສດຖະກິດ ແລະ ການເມືອງ.
ຕາມທ່ານ Bader Almatrooshi ແລ້ວ, ໃນໄລຍະມໍ່ໆມານີ້, ການພົວພັນ ຫວຽດນາມ - UAE ໄດ້ພັດທະນາໃນຫຼາຍຂົງເຂດ. ປີ 2023, ສອງປະເທດ ໄດ້ສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດ. 2 ຝ່າຍໄດ້ແລກປ່ຽນຄະນະຜູ້ແທນຂັ້ນສູງເປັນປະຈຳ. ການຮ່ວມມືດ້ານເສດຖະກິດກໍ່ໄດ້ດຳເນີນໄປຢ່າງຟົດຟື້ນ. UAE ແມ່ນຄູ່ຮ່ວມມືດ້ານການຄ້າ, ການລົງທຶນແຖວໜ້າຂອງ ຫວຽດນາມ ຢູ່ພາກຕາເວັນອອກກາງ ດ້ວຍວົງເງິນການຄ້າສອງຝ່າຍບັນລຸ 4,7 ຕື້ USD ໃນປີ 2023. ໃນໄລຍະຈະມາເຖິງ, ສະຖານທູດ UAE ຫວັງຢາກຍູ້ແຮງບັນດາການຮ່ວມມືດ້ານວັດທະນະທຳ, ກິລາ, ການພົບປະແລກປ່ຽນປະຊາຊົນລະຫວ່າງ 2 ປະເທດ.
 |
| ບັນຍາກາດທີ່ການພົບປະແລກປ່ຽນ. |
ກ່າວຄຳປາໄສທີ່ລາຍການ, ທ່ານ ຫງວຽນເຕືອງເລີມ, ເລຂາຄະນະບໍລິຫານງານສູນກາງຊາວໜູ່ມ, ຮອງຫົວໜ້າຜູ້ປະຈຳຄະນະກຳມະການແຫ່ງຊາດກ່ຽວກັບຊາວໜຸ່ມ ຫວຽດນາມ ໃຫ້ຮູ້ວ່າ ໄວໜຸ່ມ ຫວຽດນາມ ລວມມີ ຊະມາຊິກ 20 ລ້ານກວ່າຄົນ, ກວມເກືອບ 25% ຈຳນວນພົນລະເມືອງ ຫວຽດນາມ. ປະຈຸບັນ, ຫວຽດນາມ ພວມຢູ່ໃນໄລຍະພົນລະເມືອງຄຳ, ສະນັ້ນກຳລັງຊາວໜຸ່ມມີບົດບາດສຳຄັນໃນການເຂົ້າຮ່ວມການພັດທະນາເສດຖະກິດ - ສັງຄົມ, ການເຊື່ອມໂຍງເຂົ້າກັບສາກົນຂອງປະເທດຊາດ.
ຊາວໜຸ່ມຫວຽດນາມ ນັບມື້ນັບມີຄວາມຮັບຮູ້ກ່ຽວກັບສິ່ງທ້າທາຍໃນການສ້າງທ່າໄດ້ປຽບການແກ່ງແຍ້ງຂອງປະເທດຄື: ຍົກສູງຄຸນນະພາບແຫຼ່ງຊັບພະຍາກອນມະນຸດ, ເພີ່ມທະວີປະສິດທິພາບແຮງງານ, ປັບປຸງຄວາມສາມາດປະດິດສ້າງຂອງໄວໜຸ່ມ. ດ້ວຍຄວາມປາດຖະໜາຢາກເລີ່ມດຳເນີນທຸລະກິດ, ສ້າງອາຊີບ, ເຊື່ອມໂຍງເຂົ້າກັບສາກົນ, ປະກອບສ່ວນເຂົ້າໃນການຫັນເປັນດີຈີຕອນຂອງປະເທດ ແລະ ເປັນເຈົ້າບັນດາເຕັກໂນໂລຢີທີ່ກ້າວໜ້າ, ຊາວໜຸ່ມຫວຽດນາມ ໄດ້ ແລະ ພວມຢືນຢັນບົດບາດ, ຂອບຂະໜາດ ແລະ ພາລະກິດສຳຄັນຂອງຕົນໃນຂະບວນການກໍ່ສ້າງ ແລະ ພັດທະນາປະເທດ ມື້ນີ້.
 |
| ບັນດາຜູ້ແທນໄດ້ຖ່າຍຮູບທີ່ລະນຶກ. |
ທ່ານຮອງຫົວໜ້າຜູ້ປະຈຳການ ຫງວຽນເຕືອງເລີມ ໃຫ້ຮູ້ວ່າ ຫວຽດນາມ ຍາມໃດກໍຖືການຮ່ວມມືກັບ UAE ເປັນສຳຄັນ. ໃນໄລຍະ 30 ປີຜ່ານມາ, ການພົວພັນມິດຕະພາບທີ່ເປັນມູນເຊື້ອລະຫວ່າງ ຫວຽດນາມ - UAE ນັບມື້ນັບພັດທະນາຢ່າງຕັ້ງໜ້າໃນຫຼາຍຂົງເຂດການເມືອງ, ການທູດ, ການຄ້າ, ການລົງທຶນ, ການອອກແຮງງານ ແລະ ການທ່ອງທ່ຽວ, ການແລກປ່ຽນປະຊາຊົນ...
ໃນໄລຍະຈະມາເຖິງ, ທ່ານຮອງຫົວໜ້າຜູ້ປະຈຳການ ຫງວຽນເຕືອງເລີມ ຫວັງວ່າ ບັນດາອົງການ, ອົງການຈັດຕັ້ງທີ່ຮັບຜິດຊອບວຽກງານຊາວໜຸ່ມ 2 ປະເທດ ຈະເພີ່ມທະວີການພົບປະແລກປ່ຽນ, ແບ່ງປັນກ່ຽວກັບສະພາບການຂອງຊາວໜຸ່ມ 2 ປະເທດ; ມຸ່ງໄປເຖິງຫຼາຍເນື້ອໃນ, ຫົວຂໍ້ທີ່ ຫວຽດນາມ - UAE ກໍ່ຄືຊາວໜຸ່ມ 2 ປະເທດພວມໃຫ້ຄວາມສົນໃຈ. ສຸມໃສ່ການຝຶກອົບຮົມທັກສະການເຊື່ອມໂຍງ, ເລີ່ມດຳເນີນທຸລະກິດ, ອາສາສະຫມັກ, ວັດທະນະທໍາປະເພນີ ແລະ ສ້າງຫຼາຍໂອກາດສໍາລັບໄວຫນຸ່ມເຊັ່ນ ນັກສຶກສາ, ນັກທຸລະກິດໄດ້ຮ່ວມມື, ແບ່ງປັນປະສົບການ.
 |
| ລາຍການສິລະປະທີ່ການພົບປະແລກປ່ຽນ. |
ທີ່ລາຍການ ໄດ້ດຳເນີນການສະແດງສິລະປະພົບປະແລກປ່ຽນວັດທະນະທຳລະຫວ່າງ ຫວຽດນາມ ແລະ UAE. ຊາວໜຸ່ມຫວຽດນາມ ກໍ່ໄດ້ພ້ອມກັນພົບປະແລກປ່ຽນ, ຊິມອາຫານການກິນຂອງ UAE.
 | ຫວຽດນາມ - ການາດາ ເພີ່ມທະວີການຮ່ວມມືດ້ານວັດທະນະທຳ, ສິລະປະ, ການພົບປະແລກປ່ຽນປະຊາຊົນ ຍສໝ - ນີ້ແມ່ນເນື້ອໃນຂອງການພົບປະແລກປ່ຽນລະຫວ່າງທ່ານ ຟ່ານແອງເຊີນ, ປະທານສະຫະພັນບັນດາອົງການມິດຕະພາບ ຫວຽດນາມ (VUFO) ແລະ ທ່ານ Shawn Steil, ເອກອັກຄະລັດຖະທູດ ການາດາ ປະຈຳ ຫວຽດນາມ, ໃນຕອນເຊົ້າວັນທີ 27 ສິງຫາ ຢູ່ ຮ່າໂນ້ຍ. |
 | ຍສໝ - ທ່ານນາງ ຫງວຽນທິຢ້ຽວລິງ, ປະທານສະຫະສະມາຄົມຊາວໜຸ່ມ, ນັກສຶກສາ ຫວຽດນາມ ປະຈຳ ເອີລົບ ໃຫ້ຮູ້ຄືແນວນັ້ນເມື່ອຕີລາຄາກ່ຽວກັບບົດບາດຂອງຊາວໜຸ່ມຫວຽດນາມ ອາໄສຢູ່ຕ່າງປະເທດໃນວຽກງານຂອງຄະນະຊາວໜຸ່ມຢູ່ຕ່າງປະເທດ. |
ມີງດຶກ
