| ທ່ານປະທານສະພາຕ່ຳອິນເດຍ Om Birla ຢ້ຽມຢາມຫວຽດນາມ ຢ່າງເປັນທາງການ | |
| ສະມາຄົມປັນຍາຊົນ ຫວຽດນາມ ປະຈຳ ຍີ່ປຸ່ນ ເພີ່ມທະວີປະສິດທິຜົນຂອງການເຄື່ອນໄຫວໃນອາຍຸການໃໝ່ |
 |
| ບັນດາຜູ້ແທນເຂົ້າຮ່ວມພິທີ (ພາບ: dangcongsan.vn/) |
ຈາກກອງທຶນໂຄງການທີ່ມີຜົນກະທົບການຮ່ວມມືແມ່ນ້ຳຂອງ - ແມ່ນ້ຳຄົງຄາ (Ganges) ໂດຍໄວ ໄລຍະ 2020-2021 ໂດຍລັດຖະບານອິນເດຍ, ໃນບໍລິເວນແຂວງ ເຮົ້າຢາງ ໄດ້ຮັບການຜັນຂະຫຍາຍ 2 ໂຄງການໜູນຊ່ວຍ. ພິເສດແມ່ນໂຄງການສະໜັບສະໜູນ ແລະ ສະໜອງນ້ຳສະອາດໃຫ້ແກ່ປະຊາຊົນເຂດໄພແຫ້ງແລ້ງ ແລະ ນ້ຳເຄັມຊືມເຂົ້າ ແຂວງເຮົ້າຢາງ ເຊິ່ງສະໜອງນ້ຳໄດ້ 205 ຖັງ, ຖັງລະ 1.000 ລິດ ແລະ ກໍ່ສ້າງທໍ່ສົ່ງນ້ຳສະອາດ ທີ່ມີຄວາມຍາວກວ່າ 4.100 ແມັດ ຮັບໃຊ້ນ້ຳສະອາດໃຫ້ 189 ຄົວເຮືອນຢູ່ຕາແສງລອງແທ່ງ, ເມືອງຟຸງເຫີບ.
ໂຄງການນີ້, ໄດ້ຮັບການປະຕິບັດຢ່າງທັນການ, ໄດ້ຮັບຜົນດີຫຼາຍ. ນັບແຕ່ໄດ້ສ້າງສຳເລັດ ແລະ ນຳໃຊ້ມາ, ປະຊາຊົນຢູ່ທີ່ນີ້ໄດ້ມີແຫຼ່ງນ້ຳສະອາດໃຊ້, ຊີວິດການເປັນຢູ່ດີຂຶ້ນ. ນີ້ແມ່ນບັນດາລາຍການສຳຄັນທີ່ສຸດເພື່ອຊ່ວຍໃຫ້ປະຊາຊົນຢູ່ເຂດປະສົບໄພເລື້ອຍໆປັບຕົວເຂົ້າກັບສະພາບໄພແຫ້ງແລ້ງ ແລະ ນ້ຳເຄັມ ໄດ້ດີຂຶ້ນ.
ນອກນີ້ຍັງຢູ່ພາຍໃຕ້ໂຄງການກອງທຶນໂຄງການ, ໂຄງການກໍ່ສ້າງຕົວແບບຊົນລະປະທານ, ການຫົດນ້ຳທີ່ທັນສະໄໝ ແລະ ປະຢັດນ້ຳ, ນຳໃຊ້ເຕັກໂນໂລຊີ 4.0 ໃນການປ້ອງກັນ ແລະ ຕ້ານໄພແຫ້ງແລ້ງ ແລະ ນ້ຳເຄັມ ໄດ້ຜັນຂະຫຍາຍການສ້າງສະຖານີວັດແທກຄວາມເຄັມແບບອັດຕະໂນມັດ, ຕິດຕັ້ງລະບົບຊົນລະປະທານປະຢັດນ້ຳທີ່ກ້າວໜ້າ, ນຳໃຊ້ເຕັກໂນໂລຊີ 4.0 ໃນເນື້ອທີ່ 5.5 ເຮັກຕາ ໂດຍມີ 8 ຄອບຄົວເຂົ້າຮ່ວມ, ຮັບໃຊ້ເນື້ອທີ່ສວນໝາກໄມ້ໃນຂອບເຂດໂຄງການເປັນຕົ້ນຕໍ. ດ້ວຍເຫດນີ້, ໄດ້ຊ່ວຍໃຫ້ປະຕິບັດສຳເລັດໂຄງການເປົ້າໝາຍແຫ່ງຊາດກ່ຽວກັບການກໍ່ສ້າງຊົນນະບົດໃໝ່ເທື່ອລະກ້າວ, ປະກອບສ່ວນເຂົ້າໃນການປັບຕົວເຂົ້າກັບການປ່ຽນແປງຂອງດິນຟ້າອາກາດ ແລະ ນ້ຳເຄັມຈາກທະເລຕາເວັນອອກມາຍັງເມືອງ ເຈົາແທ່ງ.
ບຸນຄົງ
