 |
| ທ່ານປະທານສະພາແຫ່ງຊາດ ເວືອງດິ່ງເຫ້ວ ແລະ ປະທານສະພາຕ່ຳ ອິນເດຍ Om Birla (ພາບ: TTXVN) |
ນີ້ແມ່ນການຢ້ຽມຢາມຫວຽດນາມຄັ້ງທຳອິດຂອງທ່ານ Om Birla ໃນຖານະເປັນປະທານສະພາຕ່ຳອິນເດຍ ເມື່ອເດືອນມິຖຸນາ 2019. ການຢ້ຽມຢາມໄດ້ດຳເນີນໄປໃນສະພາບທີ່ການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ອິນເດຍ ພວມພັດທະນາຢ່າງດີງາມ, ຢືນຢັນຄວາມໄວ້ເນື້ອເຊື່ອໃຈດ້ານການເມືອງສູງ ແລະ ການພົວພັນທີ່ສະໜິດສະໜົມລະຫວ່າງ 2 ປະເທດເວົ້າລວມ, ລັດຖະສະພາຂອງ 2 ປະເທດເວົ້າສະເພາະ.
ການຢ້ຽມຢາມກໍ່ແມ່ນການເຄື່ອນໄຫວນະໂຍບາຍການຕ່າງປະເທດທີ່ສຳຄັນລະຫວ່າງສະພາແຫ່ງຊາດຫວຽດນາມ ແລະ ລັດຖະສະພາອິນເດຍ ເພື່ອສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ ແລະ ອິນເດຍ (1972 – 2022).
ການຢ້ຽມຢາມເພື່ອແນໃສ່ເພີ່ມທະວີການພົວພັນຄູ່ຮ່ວມມືຍຸດທະສາດຮອບດ້ານຫວຽດນາມ - ອິນເດຍ; ສືບຕໍ່ຮັກສາການພົບປະແລກປ່ຽນຄະນະຜູ້ແທນຂັ້ນສູງລະຫວ່າງສອງປະເທດເວົ້າລວມ ແລະ ລະຫວ່າງສອງສະພາແຫ່ງຊາດເວົ້າສະເພາະ; ຜັນຂະຫຍາຍບັນດາການເຄື່ອນໄຫວຮ່ວມມືລະຫວ່າງສອງສະພາແຫ່ງຊາດ ໃນຂອບເຂດຂໍ້ຕົກລົງຮ່ວມມືລະຫວ່າງສະພາແຫ່ງຊາດ ຫວຽດນາມ ແລະ ສະພາຜູ້ຕ່ຳ ອິນເດຍ ໄດ້ລົງນາມໃນເດືອນ ທັນວາ 2016.
ບຸນຄົງ
