| ເພີ່ມທະວີການພົວພັນລະຫວ່າງບັນດາທ້ອງຖິ່ນຂອງ ຫວຽດນາມ ແລະ ສະຫະພັນລັດເຊຍ ກ່ວາອີກ | |
| ການສົ່ງອອກປາຈາ ໄປຍັງລັດເຊຍ ເພີ່ມຂຶ້ນ 83% |
 |
| ພາບປະກອບ |
ວັນທີ 5 ມັງກອນ, ສະພາປຶກສາອອກໃບອະນຸຍາດນຳໃຊ້ຢາ ແລະ ວັດຖຸດິບຜະລິດຢາຂອງ ກະຊວງສາທາລະນະສຸກ ຈະຈັດກອງປະຊຸມພິຈາລະນາອອກລະຫັດຈົດທະບຽນ ສຳລັບຢາທີ່ມີທາດ Molnupiravir ໃຫ້ແກ່ 4 ບໍລິສັດພາຍໃນປະເທດ.
ໝາກຜົນນີ້ບັນລຸໄດ້ພາຍຫຼັງຄະນະປະຈຳສະພາແຫ່ງຊາດ ແລະ ລັດຖະບານ ຫາກໍ່ແກ້ໄຂບັນດາຂໍ້ຕິດຂັດກ່ຽວກັບລະບຽບການໃນການຜະລິດຢາປິ່ນປົວໂຄວິດ - 19.
ຕາມມະຕິເລກທີ 168 ຂອງລັດຖະບານກ່ຽວກັບບາງກົນໄກ, ນະໂຍບາຍໃນການປ້ອງກັນ, ຕ້ານໂລກລະບາດໂຄວິດ - 19, ລັດຖະມົນຕີກະຊວງສາທາລະນະສຸກ ໄດ້ພິຈາລະນາການນຳໃຊ້ຢາສະໝູນໄພ ທີ່ໄດ້ຮັບການອະນຸຍາດນຳເຂົ້າ ເພື່ອຜະລິດຢາ.
ໂດຍໄດ້ຮູ້ວ່າ ມີ 10 ບໍລິສັດພາຍໃນປະເທດ ສົ່ງເອກະສານສະເໜີອອກລະຫັດຈົດທະບຽນໃຫ້ແກ່ຢາທີ່ມີທາດ Molnupiravir ມີ 4 ບໍລິສັດມີເອກະສານຢ່າງຄົບຖ້ວນ, ສະພາປຶກສາອອກໃບອະນຸຍາດນຳໃຊ້ຢາ ແລະ ວັດຖຸດິບຜະລິດຢາ ຈະໄດ້ພິຈາລະນາອອກລະຫັດຈົດທະບຽນ. 6 ບໍລິສັດທີ່ຍັງເຫຼືອພວມສືບຕໍ່ເພີ່ມເຕີມເອກະສານເພື່ອພິຈາລະນາ ໃນຄັ້ງຕໍ່ໄປ.
Molnupiravir ແມ່ນທາດທີ່ມີຜົນປະໂຫຍດໃນການຕ້ານ ໄວຣັດ, ພວມຢູ່ໃນໄລຍະທົດລອງ ແລະ ຍັງບໍ່ໄດ້ຮັບອະນຸຍາດນຳໃຊ້ຢູ່ປະເທດເຮົາ. ຢູ່ ຫວຽດນາມ, ຢານີ້ກໍ່ໄດ້ນຳໃຊ້ຢູ່ ເກືອບ 50 ແຂວງ/ນະຄອນ ເລີ່ມແຕ່ເດືອນສິງຫາ ຢູ່ນະຄອນໂຮ່ຈີມິນ ຕາມໂຄງການທົດລອງການປິ່ນປົວ ທີ່ມີການຄວບຄຸມບັນດາກໍລະນີຕິດເຊື້ອໂຄວິດ - 19 ຢູ່ລະດັບປານກາງ. ປັດຈຸບັນມີ ຢາ Molnupiravir ກ່ວາ 300.000 ຊຸດ ໂດຍໄດ້ສະໜອງໃຫ້ 51 ແຂວງ, ນະຄອນ ໃນທົ່ວປະເທດ.
ບຸນຄົງ
