| ສິນຄ້າສົ່ງອອກໄປຍັງຈີນຖືກຕິດຢູ່ ດ່ານຊາຍແດນ: ຫວຽດນາມ ມີທ່າໄດ້ປຽບແຕ່ຍັງບໍ່ທັນສວຍໃຊ້ໄດ້ | |
| ມີຜະລິດຕະພັນກະເສດ, ສິນໃນນ້ຳ ຫວຽດນາມ ກວ່າ 1000 ຊະນິດໄດ້ສົ່ງອອກໄປຍັງຈີນ |
ຕາມສະມາຄົມປຸງແຕ່ງ ແລະ ສົ່ງອອກສິນໃນນໍ້າຫວຽດນາມ (VASEP) ແລ້ວ, ໃນ 11 ເດືອນຕົ້ນປີນີ້, ການສົ່ງອອກສິນໃນນໍ້າຂອງຫວຽດນາມໄປຍັງລັດເຊຍ ບັນລຸເກືອບ 150 ລ້ານ USD, ເພີ່ມຂຶ້ນ 27% ເມື່ອທຽບໃສ່ໄລຍະດຽວກັນຂອງປີ 2020.
 |
| ການສົ່ງອອກປາຈາ ໄປຍັງລັດເຊຍ ເພີ່ມຂຶ້ນ 83%. ພາບປະກອບ: nongnghiep.vn |
ການສົ່ງອອກຜະລິດຕະພັນຕົ້ນຕໍໄປຍັງລັດເຊຍ ລ້ວນແຕ່ເພີ່ມຂຶ້ນ. ໃນນັ້ນ, ການສົ່ງອອກປາຈາ ໄດ້ເພີ່ມຂຶ້ນຫຼາຍທີ່ສຸດ, ດ້ວຍ 83%, ບັນລຸເກືອບ 30 ລ້ານ USD ແລະ ກວມເອົາ 19% ຍອດການສົ່ງອອກສິນໃນນໍ້າໄປຍັງຕະຫຼາດລັດເຊຍ.
ໃນຕົ້ນປີນີ້, ລັດເຊຍ ໄດ້ອະນຸມັດໃຫ້ວິສາຫະກິດສິນໃນນໍ້າຂອງຫວຽດນາມ 25 ແຫ່ງສົ່ງອອກໄປຍັງລັດເຊຍ ຕື່ມອີກ. ສິ່ງດັ່ງກ່າວໄດ້ປະກອບສ່ວນເປີດກາລະໂອກາດໃຫ້ແກ່ປາຈາຂອງຫວຽດນາມ. ພາຍຫຼັງປາຈາ, ການສົ່ງອອກຜະລິດຕະ ພັນສິນໃນນໍ້າຫຼັກແຫຼ່ງຕ່າງໆໄປຍັງລັດເຊຍ ກໍ່ເພີ່ມຂຶ້ນຢ່າງແຮງໃນ 11 ເດືອນຜ່ານມາ ຄື: ປາທູນ່າ, ປາມຶກ ແລະ ປາມຶກຍັກ ລ້ວນແຕ່ເພີ່ມຂຶ້ນ 63%; ປາທະເລຕ່າງໆ ເພີ່ມຂຶ້ນ 19%…
ປາທະເລຕ່າງໆ (ບໍ່ລວມທັງປາທູນ່າ) ແມ່ນກຸ່ມທີ່ມີມູນຄ່າສົ່ງອອກສິນໃນນໍ້າ ໄປຍັງ ລັດເຊຍ ໃຫຍ່ທີ່ສຸດໃນຮອບ 11 ເດືອນ ດ້ວຍມູນຄ່າກວ່າ 63 ລ້ານ USD, ກວມເອົາ 43%. ການສົ່ງອອກກຸ້ງໄປຍັງລັດເຊຍ ໃນ 11 ເດືອນບັນລຸເກືອບ 41 ລ້ານ USD, ກວມເອົາກວ່າ 27%.
ໜ້າທີ່ເອົາໃຈໃສ່ແມ່ນ, ໃນ 11 ເດືອນຜ່ານມາ, ການສົ່ງອອກນ້ຳປາ ແລະ ນໍ້າປາປະເພດຕ່າງໆ ຂອງຫວຽດນາມ ໄປຍັງລັດເຊຍ ໄດ້ເພີ່ມຂຶ້ນທົບ 3 ເທົ່າເມື່ອທຽບໃສ່ໄລຍະດຽວກັນຂອງປີກາຍ, ບັນລຸເກືອບ 1,3 ລ້ານ USD.
ບູນມີ
