| ວົງເງິນການຄ້າ ຫວຽດນາມ - ສະຫະພັນ ລັດເຊຍ ເພີ່ມຂຶ້ນ 12,07% | |
| ນະໂຍບາຍການພົວພັນຕ່າງປະເທດຫຼາຍຝ່າຍຊ່ວຍໃຫ້ຫວຽດນາມ ບັນລຸໄດ້ທີ່ຕັ້ງບົດບາດສຳຄັນບົນເວທີສາກົນ |
 |
| ທ່ານ ໂຮ່ກີມິງ ຮອງປະທານຜູ້ປະຈຳການຄະນະກຳມະການປະຊາຊົນນະຄອນ ແລະ ທ່ານ Parshutkin Evgeny ເລຂາໂທ ຮັບຜິດຊອບສະຖານກົງສູນໃຫຍ່ ສະຫະພັນ ລັດເຊຍ ປະຈຳ ດ່ານັ້ງ |
ຕອນເຊົ້າວັນທີ 27 ທັນວາ, ໃນການຢ້ຽມຢາມ, ອວຍພອນສະຖານກົງສູນໃຫຍ່ ສະຫະພັນ ລັດເຊຍ ປະຈຳ ດ່ານັ້ງ ເນື່ອງໃນໂອກາດປີໃໝ່ 2022, ທ່ານ ໂຮ່ກີມິງ ຮອງປະທານຜູ້ປະຈຳການຄະນະກຳມະການປະຊາຊົນນະຄອນ ມີຄວາມປາດຖະໜາຢາກໃຫ້ສະຖານກົງສູນໃຫຍ່ສືບຕໍ່ແມ່ນຂົວເຊື່ອມຕໍ່, ໜູນຊ່ວຍນະຄອນຊຸກຍູ້ການພົວພັນມິດຕະພາບ, ການຮ່ວມມືກັບບັນດາທ້ອງຖິ່ນ, ຄູ່ຮ່ວມມືລັດເຊຍ ໃນບັນດາຂົງເຂດຄື ເສດຖະກິດ, ວັດທະນະທຳ, ສັງຄົມ.
ທ່ານ ໂຮ່ກີມິງ ໄດ້ສົ່ງຄຳອວຍພອນອັນດີງາມທີ່ສຸດເຖິງທ່ານ Parshutkin Evgeny ແລະ ໝູ່ຄະນະພະນັກງານ, ພາລະກອນສະຖານກົງສູນໃຫຍ່, ອວຍພອນປີໃໝ່ 2022 ຈົ່ງມີແຕ່ຄວາມສະຫງົບສຸກ, ວັດທະນາຖາວອນ, ອວຍພອນໃຫ້ການພົວພັນມິດຕະພາບ ອັນຍາວນານ, ດີງາມ ລະຫວ່າງ ສອງປະເທດ ຫວຽດນາມ - ສະຫະພັນລັດເຊຍ ເວົ້າລວມ, ລະຫວ່າງນະຄອນ ດ່ານັ້ງ ແລະ ບັນດາທ້ອງຖິ່ນ ສະຫະພັນລັດເຊຍ ເວົ້າສະເພາະ ນັບມື້ນັບພັດທະນາຂຶ້ນສູ່ລະດັບສູງໃໝ່.
ທ່ານ Parshutkin Evgeny ໄດ້ຕາງໜ້າໃຫ້ໝູ່ຄະນະພະນັກງານ, ລັດຖະກອນສະຖານກົງສູນໃຫຍ່ ສະແດງນ້ຳໃຈ, ຄວາມເອົາໃຈໃສ່ ແລະ ສະແດງຄວາມຂອບອົກຂອບໃຈຕໍ່ການໜູນຊ່ວຍຢ່າງຕັ້ງໜ້າ ແລະ ສຸດຈິດສຸດໃຈຂອງອຳນາດການປົກຄອງນະຄອນ ດ່ານັ້ງ ກັບສະຖານກົງສູນໃຫຍ່ສະຫະພັນລັດເຊຍ ປະຈຳ ດ່ານັ້ງ ໃນປີ 2021. ທ່ານເນັ້ນໜັກເຖິງການສະແດງຄວາມຮູ້ບຸນຄຸນ ໃນວຽກງານໜູນຊ່ວຍການເລືອກຕັ້ງຂອງ ສະຖານກົງສູນໃຫຍ່, ຊ່ວຍນຳພະນັກງານ, ພາລະກອນ ແລະ ພົນລະເມືອງ ລັດເຊຍ ຢູ່ ດ່ານັ້ງ ກັບເມືອ ປະເທດ, ໜູນຊ່ວຍໃນວຽກງານປ້ອງກັນ, ຕ້ານໂລກລະບາດໂຄວິດ - 19. ທ່ານເລຂາໂທ ຮັບຜິດຊອບສະຖານກົງສູນໃຫຍ່ ສະຫະພັນ ລັດເຊຍ ປະຈຳ ດ່ານັ້ງ ກໍ່ສະແດງຄວາມຫວັງວ່າ ໂລກລະບາດໂຄວິດ - 19 ຈະໄດ້ຮັບການຄວບຄຸມໂດຍໄວໃນປີ 2022, ສ້າງຄວາມສະດວກໃຫ້ແກ່ການເຄື່ອນໄຫວແລກປ່ຽນພົວພັນ, ເຊື່ອມຕໍ່, ສົ່ງເສີມການຮ່ວມມື, ລົງທຶນລະຫວ່າງ ດ່ານັ້ງ ແລະ ບັນດາທ້ອງຖິ່ນ, ຄູ່ຮ່ວມມືສະຫະພັນລັດເຊຍ.
ບຸນຄົງ
