| ຊຸກຍູ້ການຮ່ວມມືລະຫວ່າງ ຫວຽດນາມ - ສະຫະພັນລັດເຊຍ ໃນທຸກຂົງເຂດ | |
| ຊຸກຍູ້ການຮ່ວມມືດ້ານວັດທະນະທຳ, ການທ່ອງທ່ຽວ ຮ່າໂນ້ຍ - ມົດສະກູ |
 |
| ພາບປະກອບ: vneconomy.vn |
ໃນຂະນະນັ້ນ, ວົງເງິນການສົ່ງອອກຂອງ ຫວຽດນາມ ໄປຍັງ ສະຫະພັນລັດເຊຍໃນ 11 ເດືອນ ຂອງປີ 2021 ບັນລຸໄດ້ 2,92ຕື້ USD, ເພີ່ມຂຶ້ນ 10,62% ເມື່ອທຽບໃສ່ໄລຍະດຽວກັນຂອງປີ 2020, ກວມເອົາມາດຕາສ່ວນ 0,97% ຍອດວົງເງິນການສົ່ງອອກຂອງ ຫວຽດນາມ ອອກສູ່ໂລກ.
ບັນດາ ປະເພດສິນຄ້າ ທີ່ມີມາດຕາສ່ວນໃຫຍ່ທີ່ສຸດໃນການສົ່ງອອກຂອງ ຫວຽດນາມ ໄປຍັງ ສະຫະພັນລັດເຊຍ ລວມມີ: ໂທລະສັບຊະນິດຕ່າງໆ, ແລະ ເຄື່ອງອາໄຫຼ່ (ກວມເອົາ 33,48% ຍອດວົງເງິນການສົ່ງອອກ), ຄອມພິວເຕີ, ຜະລິດຕະພັນເອເລັກໂຕນິກ ແລະ ເຄື່ອງອາໄຫຼ່ (13,28%), ສິນຄ້າຕ່ຳແຜ່ນຕັດຫຍິບ (10,55%).
ເມື່ອທຽບໃສ່ກັບໄລຍະດຽວກັນຂອງປີ 2020, ສິນຄ້າປະເທດທີ່ມີວົງເງິນການສົ່ງອອກເພີ່ມຂຶ້ນລວມມີ: ຢາງພາລາ ເພີ່ມຂຶ້ນ 323,75%, ເຄື່ອງຈັກ, ວັດຖຸອຸປະກອນ, ເຄື່ອງອາໄຫຼ່ຕ່າງໆເພີ່ມຂຶ້ນ 80,54%, ໝາກມວງຫິມະພານ ເພີ່ມຂຶ້ນ 69,73%, ພິກໄທເພີ່ມຂຶ້ນ 49,63%...
ເຖິງຢ່າງໃດກໍ່ຕາມ, ຍັງມີສິນຄ້າປະເພດທີ່ມີວົງເງິນການສົ່ງອອກໄຍຍັງ ຕະຫຼາດ ລັດເຊຍ ຫຼຸດລົງຄື: ຊາ, ເຂົ້າສານ, ໄມ້ ແລະ ຜະລິດຕະພັນຈາກໄມ້, ເກີບໜັງ, ເຫຼັກກ້າ…
ຕາມການສະຖິຕິຂອງຂະແໜງພາສີ ສະຫະພັນລັດເຊຍ ແລ້ວ, ການຄ້າສອງຝ່າຍ ລັດເຊຍ - ຫວຽດນາມ ໃນ 10 ເດືອນຕົ້ນປີ 2021 ບັນລຸໄດ້ 5,62ຕື້ USD ກວມເອົມມາດຕະສ່ວນ 0,9% ໃນຍອດວົງເງິນການນຳເຂົ້າສົ່ງອອກ, ເພີ່ມຂຶ້ນ 23% ເມື່ອທຽບໃສ່ໄລຍະດຽວກັນຂອງປີ 2020, ໃນນັ້ນ, ວົງເງິນການສົ່ງອອກຂອງ ຫວຽດນາມ ໄປຍັງ ສະຫະພັນ ລັດເຊຍ ບັນລຸໄດ້ 4,04 ຕຶ້ື້ USD, ເພີ່ມຂຶ້ນ 22%. ເມື່ອທຽບໃສ່ກັບການນຳເຂົ້າຂອງ ຫວຽດນາມ ຈາກສະຫະພັນລັດເຊຍ ບັນລຸໄດ້ 1,58 ຕຶ້ື້ USD, ເພີ່ມຂຶ້ນ 25,7% ເມື່ອທຽບໃສ່ກັບໄລຍະດຽວກັນຂອງ ປີ 2020.
ປັດຈຸບັນ, ຫວຽດນາມ ພວມຮັກສາລະດັບທີ 1 ກ່ຽວກັບວົງເງິນການຄ້າກັບ ລັດເຊຍ ໃນຈຳນວນບັນດາປະເທດຢູ່ອາຊີຕາເວັນອອກສ່ຽງໃຕ້.
ບຸນຄົງ
