 |
| ງານວາງສະແດງ “ພົນເອກ ຫວໍງວຽນຢາບ - ຮູບພາບແຫ່ງເທບນິຍາຍ” (ພາບ: VGP) |
ງານວາງສະແດງດັ່ງກ່າວໄດ້ຈັດຂຶ້ນເນື່ອງໃນໂອກາດສະເຫຼີມສະຫຼອງ 77 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ (22 ທັນວາ 1944 – 22 ທັນວາ 2021); 32 ປີແຫ່ງວັນສ້າງຕັ້ງສະມາຄົມນັກຮົບເກົ່າຫວຽດນາມ (6 ທັນວາ 1989 - 6 ທັນວາ 2021) ແລະ 110 ປີແຫ່ງວັນຄ້າຍວັນເກີດຂອງ ທ່ານພົນເອກ ຫວໍງວຽນຢາບ (25 ສິງຫາ 1911 - 25 ສິງຫາ 2021) - ລັດຖະມົນຕີຄົນທຳອິດຂອງກະຊວງພາຍໃນ, ຜູ້ບັນຊາການຄົນທຳອິດຂອງກອງທັບປະຊາຊົນຫວຽດນາມ.
ງານວາງສະແດງ ແລະ ສື່ສິ່ງພິມໄດ້ນຳສະເໜີເອກະສານ ແລະ ຮູບພາບເກືອບ 300 ແຜ່ນທີ່ໄດ້ຮັບການຄັດເລືອກຈາກສູນເກັບຮັກສາແຫ່ງຊາດ ຫວຽດນາມ, ຫໍເກັບຮັກສາແຫ່ງຊາດອາເມລິກາ, ຫໍເກັບຮັກສາຂອງກະຊວງປ້ອງກັນປະເທດ ຝະລັ່ງ, ຫໍພິພິທະພັນປະຫວັດສາດແຫ່ງຊາດ, ບັນດານັກຂ່າວ, ນັກຖ່າຍຮູບ ແລະ ໂດຍສະເພາະແມ່ນບາງເອກະສານ, ຮູບພາບ ແລະ ບັນດາວັດຖຸພັນຂອງຄອບຄົວ ທ່ານພົນເອກ ຫວໍງວຽນຢາບ, ຄອບຄົວ ທ່ານ ສາດສະດາຈານ ຮ່ວາງມິນຢາມ.
ບັນດາຮູບພາບ, ເອກະສານ ແລະ ວັດຖຸພັນທີ່ວາງສະແດງໄດ້ປະກອບສ່ວນວາດພາບຊີວິດ, ພາລະກິດທີ່ສະຫງ່າລາສີ ແລະ ຄຸນງາມຄວາມດີຂອງ ພົນເອກ ຫວໍງວຽນຢາບ ກັບປະຫວັດສາດຂອງຊາດ, ພິເສດແມ່ນ ທ່ານລັດຖະມົນຕີ ຫວໍ້ງວຽນຢາບ - ລັດຖະມົນຕີກະຊວງພາຍໃນຄົນທຳອິດກັບການສ້າງຕັ້ງ ແລະ ພັດທະນາກະຊວງພາຍໃນ, ຜ່ານນັ້ນ ກໍໄດ້ສຶກສາບັນດາອຸດົມການປະຕິວັດ, ມູນເຊື້ອຮັກຊາດ, ຄວາມພາກພູມໃຈ ແລະ ຄວາມເອກອ້າງທະນົງໃຈຕໍ່ຊາວຫວຽດນາມ ເວົ້າລວມ, ພະນັກງານ, ພາລະກອນ, ລັດຖະກອນ, ຜູ້ອອກແຮງງານຂອງກະຊວງພາຍໃນລຸ້ນຕ່າງ ເວົ້າສະເພາະ.
ງານວາງສະແດງໄດ້ເປີດໃຫ້ແຂກເຂົ້າຊົມຮອດວັນທີ 31 ທັນວາ 2021 ຢູ່ທີ່ສຳນັກງານກະຊວງພາຍໃນ, ເຮືອນເລກທີ 8 ໂຕນເທິດທຽດ, ຮ່າໂນ້ຍ. ຄະນະຈັດຕັ້ງງານວາງສະແດງກໍໄດ້ມີບັນດາເງື່ອນໄຂເພື່ອຮັບປະກັນຄວາມຮຽກຮ້ອງຂອງການປ້ອງກັນ ແລະ ຄວບຄຸມພະຍາດໂຄວິດ-19 ໃຫ້ຜູ້ເຂົ້າຊົມງານວາງສະແດງ.
ບຸນຄົງ
