ຍົກ​ສູງ​ກຳລັງຄວາມ​ສາ​ມາດ​ໃນ​ການ​ຄົ້ນ​ຄ້​ວາ, ໝູນ​ໃຊ້ ແລະ ພັດ​ທະ​ນາ​ເຕັກ​ໂນ​ໂລ​ຢີ​ໃນ​ຂົງ​ເຂດ​ພະ​ລັງ​ງານ​ແຮງ​ລົ​ມ
	ຫວຽດນາມ ສືບ​ຕໍ່​ຮ່ວມ​ມື​ກັບ MIA ​ເພື່ອ​ແກ້​ໄຂ​ຜົນ​ຮ້າຍ​ຢ້ອນ​ຫຼັງ​ຈາກ​ສົງຄາມ

ທ່ານ ຫງວຽນວັນຫງຽບ, ຮອງຜູ້ອຳນວຍການສູນແກ້ໄຂບັນຫາກ່ຽວກັບລູກລະເບີດແຫ່ງຊາດ ຫວຽດນາມ (VNMAC) ກ່າວຄຳເຫັນທີ່ຊຸດຝຶກອົບຮົມ (ພາບ: VOV5)

ວັນທີ 6 ທັນວາ, ຢູ່ຮ່າໂນ້ຍ, ໄດ້ໄຂຊຸດຝຶກອົບຮົມ “ຄຸ້ມຄອງຂໍ້ມູນໃນການແກ້ໄຂຜົນຮ້າຍຢ້ອນຫຼັງຈາກລູດລະເບີດພາຍຫຼັງສົງຄາມ”, ໂດຍມີການເຂົ້າຮ່ວມຂອງຄູສອນ, ນັກສຳມະນາກອນ ທີ່ມາຈາກ 27 ແຂວງ, ນະຄອນ. ນີ້ແມ່ນຊຸດຝຶກອົບຮົມທຳອິດໃນ 4 ຊຸດຝຶກອົບຮົມເພື່ອແນໃສ່ບຳລຸງທັກສະໂດຍພື້ນຖານດ້ານການສ້າງ, ຄຸ້ມຄອງຂໍ້ມູນ ໃນການເຄື່ອນໄຫວແກ້ໄຂຜົນຮ້າຍຢ້ອນຫຼັງຈາກລູກລະເບີດພາຍຫຼັງສົງຄາມ. ທ່ານ ຫງວຽນວັນຫງຽບ, ຮອງຜູ້ອຳນວຍການສູນແກ້ໄຂບັນຫາກ່ຽວກັບລູກລະເບີດແຫ່ງຊາດ ຫວຽດນາມ (VNMAC) ໃຫ້ຮູ້ວ່າ:

ໃນໄລຍະຜ່ານມາ ອາເມລິກາ ແມ່ນຄູ່ຮ່ວມມືຂອງ ຫວຽດນາມ ແລະ ໜູນຊ່ວຍ ຫວຽດນາມ ຫຼາຍຢ່າງກ່ຽວກັບງົບປະມານ, ທັກສະ, ວັດຖຸອຸປະກອນ ເພື່ອໃຫ້ ຫວຽດນາມ ຜັນຂະຫຍາຍບັນດາການເຄື່ອນໄຫວແກ້ໄຂຜົນຮ້າຍຢ້ອນຫຼັງຈາກລູກລະເບີດ. ໃນໄລຍະຈະມາເຖິງ ພວກຂ້າພະເຈົ້າມີຄວາມຫວັງຢ່າງຍິ່ງວ່າ ອາເມລິກາ ຈະສືບຕໍ່ແມ່ນປະເທດຮ່ວມເດີນທາງ ແລະ ໜູນຊ່ວຍ ຫວຽດນາມ.

ທ່ານພັນເອກ Thomas Steveson, ທູດທະຫານອາເມລິກາ ປະຈຳ ຫວຽດນາມ, ໃຫ້ຮູ້ວ່າ ມາຮອດປັດຈຸບັນ, ອາເມລິກາ ໄດ້ອຸປະຖຳຈຳນວນເງິນປະທານ 150 ລ້ານ USD ໃຫ້ແກ່ວຽກງານແກ້ໄຂຜົນຮ້າຍຢ້ອນຫຼັງຈາກລູກລະເບີດຢູ່ ຫວຽດນາມ, ທ່ານໄດ້ຢັ້ງຢືນຄຳໝັ້ນສັນຍາຂອງ ອາເມລິກາ ແມ່ນຈະສືບຕໍ່ຮ່ວມເດີນທາງກັບ ຫວຽດນາມ ຢ່າງມີປະສິດທິຜົນທີ່ສຸດ ເພື່ອແນໃສ່ກໍ່ສ້າງອະນາຄົດທີ່ບໍ່ມີລູກລະເບີດ, ວັດຖຸລະເບີດຢູ່ ຫວຽດນາມ.