 |
| ພາບຖ່າຍການລາດຕະເວນຢູ່ເຂດຊາຍແດນ (ພາບ: vietnamplus.vn) |
ງານວາງສະແດງກໍ່ແນະນຳພາບຖ່າຍຊາວໜຸ່ມໃນທົ່ວປະເທດມຸ່ງໄປເຖິງເຂດຊາຍແດນ, ທະເລໝູ່ເກາະດ້ວຍຫຼາຍບັນດາການເຄື່ອນໄຫວ, ການປະກອບສ່ວນທີ່ແທດຈິງ, ຫວນຄືນບັນດາການເຄື່ອນໄຫວຂອງໂຄງການ “ລະດູບານໃໝ່ເຂດຊາຍແດນ - ບຸນເຕັດຢູ່ທະເລໝູ່ເກາະ” ນັບແຕ່ປີ 2016 ມາຮອດປີ 2021.
ເນື່ອງໃນໂອກາດນີ້, ໜ່ວຍງານຈັດຕັ້ງງານວາງສະແດງ (ສະໂມສອນຊາວໜຸ່ມ ເພື່ອທະເລໝູ່ເກາະບ້ານເກີດເມືອງນອນ ແລະ ຫໍພິພິທະພັນຊາວໜຸ່ມຫວຽດນາມ) ໄດ້ມອບຈົດໝາຍ, ບັດອວຍພອນ, ຂອງຂວັນບຸນເຕັດໄປຍັງພະນັກງານ, ນັກຮົບ ແລະ ປະຊາຊົນຢູ່ໝູ່ເກາະເຈື່ອງຊາ, ເຮືອນຮ້ານ DK1, ກ່ຳປັ່ນປະຈຳການໃນວັນບຸນເຕັດຢູ່ທະເລ, ບັນດາໝູ່ເກາະທາງທິດຕາເວັນຕົກສ່ຽງໃຕ້…
ນີ້ແມ່ນບັນດາການເຄື່ອນໄຫວສະແດງນ້ຳໃຈ, ຄວາມຮັບຜິດຊອບຂອງລຸ້ນໜຸ່ມໃນປັດຈຸບັນ ກໍ່ຄືປະຊາຊົນທຸກຊັ້ນວັນນະ ໄດ້ປະກອບສ່ວນເຂົ້າໃນການຮັກສາອະທິປະໄຕເຂດຊາຍແດນ, ທະເລໝູ່ເກາະ ຫວຽດນາມ, ພ້ອມທັງສະແດງຄວາມຮູ້ບຸນຄຸນ ກັບລຸ້ນພໍ່ລຸ້ນອ້າຍ ໂດຍປົກປັກຮັກສາຄວາມສະຫງົບຢູ່ທະເລທັງເວນທັງຄືນ, ໃນນັ້ນມີຫຼາຍຄົນໄດ້ເສຍສະຫຼະຊີວິດຢ່າງອົງອາດກ້າຫານ ເພື່ອອະທິປະໄຕອັນສັກກະລະບູຊາຂອງປະເທດຊາດ.
ບຸນຄົງ
