ທີ່ການພົບປະ, ທ່ານເອກອັກຄະລັດຖະທູດ ຫງວຽນຮຸຍແທງ ໄດ້ສະແດງຄວາມຊົມເຊີຍບັນດາຜົນງານພັດທະນາ ໃນທຸກຂົງເຂດທີ່ລາຊະອານາຈັກ ກຳປູເຈຍ ບັນລຸໄດ້, ພິເສດແມ່ນການປ້ອງກັນ, ຕ້ານພະຍາດໂຄວິດ-19 ແລະ ນະໂຍບາຍສັກຢາປ້ອງກັນພະຍາດ COVID-19 ຢ່າງມີປະສິດທິຜົນ. ທ່ານເອກອັກຄະລັດຖະທູດ ຢືນຢັນຈະເຮັດຈົນສຸດຄວາມສາມາດຂອງຕົນ ເພື່ອປະກອບສ່ວນຊຸກຍູ້ການພົວພັນລະຫວ່າງສອງປະເທດໃຫ້ແໜ້ນແຟ້ນກ່ວາອີກ.
 |
| ກຳປູເຈຍ ຢືນຢັນຄວາມຕັດສິນໃຈປົກປັກຮັກສາສາຍພົວພັນມິດຕະພາບ, ຄວາມສາມັກຄີ ແລະ ການຮ່ວມມືກັບຫວຽດນາມ. (ພາບ: vov) |
ທ່ານປະທານສະພາສູງ ກຳປູເຈຍ Samdech Say Chhum ໄດ້ສະແດງຄວາມຂອບໃຈພັກ, ລັດ, ສະພາແຫ່ງຊາດ, ລັດຖະບານ ແລະ ປະຊາຊົນ ຫວຽດນາມ ທີ່ຍາມໃດກໍ່ໃຫ້ການຊ່ວຍເຫຼືອອັນໃຫຍ່ຫຼວງແກ່ປະຊາຊົນ ກຳປູເຈຍ ໃນທຸກສະພາບການ. ພ້ອມກັນນັ້ນ, ທ່ານປະທານສະພາສູງ ກຳປູເຈຍ Samdech Say Chhum ກໍຢືນຢັນວ່າ ກຳປູເຈຍ ຈະຮັກສາສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືລະຫວ່າງສອງປະເທດ ພາຍໃຕ້ທິດນຳບ້ານໃກ້ເຮືອນຄຽງທີ່ດີ, ມິດຕະພາບທີ່ເປັນມູນເຊື້ອ, ການຮ່ວມມືແບບຍືນຍົງ ແລະ ຍາວນານ.
ທ່ານປະທານສະພາສູງ ກຳປູເຈຍ Samdech Say Chhum ຈະຊີ້ນຳບັນດາອົງການກຳປູເຈຍ ສົມທົບກັນຢ່າງແໜ້ນແຟ້ນກັບບັນດາຄູ່ຮ່ວມມື ຫວຽດນາມ ເພື່ອປະຕິບັດບັນດາຂໍ້ຕົກລົງລະຫວ່າງ 2 ປະເທດຢ່າງມີປະສິດທິຜົນ.
ຄຳຮຸ່ງ
