ນາຍົກລັດຖະມົນຕີ ກຳປູເຈຍ ສະແດງຄວາມຂອບໃຈມາຍັງພັກ, ລັດ ແລະປະຊາຊົນ ຫວຽດນາມ ຍາມໃດກໍຮັກສາສາຍພົວພັນມິດຕະພາບ, ຄວາມສາມັກຄີ ແລະແບ່ງເບົາກັບກຳປູເຈຍ ໃນທຸກສະພາບການ

	ນາຍົກລັດຖະມົນຕີ ລາວ-ຍີ່ປຸ່ນ ສົນທະນາທາງໄກ ເສີມຂະຫຍາຍສາຍພົວພັນ ແລະ ການຮ່ວມມື
	ເປີດງານວາງສະແດງ ພາບແຕ້ມ ທີ່ເຜີຍແພ່ຢ່າງທົ່ວເຖິງປະເທດ, ປະຊາຊົນ ແລະ ວັດທະນະທຳຫວຽດນາມຢູ່ຮຸງກາຣີ

ທ່ານ ຮຸນແຊນ ນາຍົກລັດຖະມົນຕີ ກຳປູເຈຍ ຊົມເຊີຍບັນດາມາດຕະການປ້ອງກັນ, ສະກັດກັ້ນໂລກລະບາດໂຄວິດ - 19 ໄດ້ຢ່າງວ່ອງໄວ ແລະ ມີປະສິດທິຜົນຂອງ ຫວຽດນາມ, ຄວາມຮັບຜິດຊອບ ກໍຄືການປະກອບສ່ວນຂອງ ຫວຽດນາມ ໃນວຽກງານສະກັດກັ້ນໂລກລະບາດທົ່ວໂລກ ດ້ວຍການໜູນຊ່ວຍປະຊາຄົມສາກົນ, ໃນນັ້ນ ມີ ກຳປູເຈຍ. ພາບ: VGP

ວັນທີ 22 ເມສາ 2021, ທ່ານ ຮຸນແຊນ ນາຍົກລັດຖະມົນຕີ ກຳປູເຈຍ, ປະທານພັກປະຊາຊົນ ກຳປູເຈຍ ໄດ້ສົ່ງຈົດໝາຍຂອບໃຈມາຍັງທ່ານ ຫງວຽນຝູຈ້ອງເລຂາທິການໃຫຍ່ ຄະນະບໍລິຫານງານສູນກາງພັກ ກອມມູນິດ ຫວຽດນາມ ທີ່ໄດ້ສົ່ງສານຢື້ຢາມຖາມຂ່າວສະພາບການໂລກລະບາດໂຄວິດ - 19 ຢູ່ ກຳປູເຈຍ. ທ່ານ ຮຸນແຊນ ນາຍົກລັດຖະມົນຕີ ກຳປູເຈຍ ສະແດງຄວາມຂອບໃຈມາຍັງພັກ, ລັດ ແລະ ປະຊາຊົນ ຫວຽດນາມ ຍາມໃດກໍຮັກສາສາຍພົວພັນມິດຕະພາບ, ຄວາມສາມັກຄີ ແລະ ແບ່ງເບົາກັບ ກຳປູເຈຍ ໃນທຸກສະພາບການ. ພ້ອມທັງ ກໍຊົມເຊີຍບັນດາມາດຕະການປ້ອງກັນ, ສະກັດກັ້ນໂລກລະບາດໂຄວິດ - 19 ໄດ້ຢ່າງວ່ອງໄວ ແລະ ມີປະສິດທິຜົນຂອງ ຫວຽດນາມ, ຄວາມຮັບຜິດຊອບ ກໍຄືການປະກອບສ່ວນຂອງ ຫວຽດນາມ ໃນວຽກງານສະກັດກັ້ນໂລກລະບາດທົ່ວໂລກ ດ້ວຍການໜູນຊ່ວຍປະຊາຄົມສາກົນ, ໃນນັ້ນ ມີ ກຳປູເຈຍ.

ທີ່ການໂອ້ລົມສົນທະນາອອນລາຍ ໃນຕອນເຊົ້າວັນທີ 22 ເມສາ 2021 ກັບ ທ່ານ Mam Bunheng ລັດຖະມົນຕີກະຊວງສາທາລະນະສຸກ ກຳປູເຈຍ , ທ່ານ ຫງວຽນແທັ່ງລອງ ລັດຖະມົນຕີກະຊວງສາທາລະນະສຸກ ຫວຽດນາມ ໃຫ້ຮູ້ວ່າ ຫວຽດນາມ ພ້ອມແລ້ວທີ່ຈະໜູນຊ່ວຍເຄື່ອງຊ່ວຍຫາຍໃຈ ຈຳນວນ 800 ເຄື່ອງ ແລະ ຜ້າອັດປາກອັດດັງຈຳນວນກວ່າ 2 ລ້ານອັນ ໃຫ້ແກ່ ກຳປູເຈຍ.

ກ່ອນໜ້ານັ້ນ, ໃນວັນທີ 20 ເມສາ 2021, ທີ່ຮ່າໂນ້ຍ ໄດ້ດໍາເນີນພິທີມອບ-ຮັບອຸປະກອນ, ວັດຖຸການແພດປ້ອງກັນ, ຕ້ານພະຍາດໂຄວິດ-19 ໂດຍກະຊວງປ້ອງກັນປະເທດຫວຽດນາມ ມອບໃຫ້ກະຊວງປ້ອງກັນປະເທດກໍາປູເຈຍ. ກ່າວຄໍາເຫັນທີ່ພິທີ, ທ່ານພົນຈັດຕະວາ ຫງວຽນຮຸ່ງຖັງ ຮອງຫົວໜ້າ, ຫົວໜ້າເສນາທິການກົມໃຫຍ່ພະລາທິການ ເນັ້ນໜັກວ່າ, ຈໍານວນອຸປະກອນ, ວັດຖຸການແພດປ້ອງກັນ, ຕ້ານພະຍາດໂຄວິດ-19 ເຊິ່ງກະຊວງປ້ອງກັນປະເທດຫວຽດນາມ ມອບໃຫ້ກະຊວງປ້ອງກັນປະເທດກໍາປູເຈຍ ແມ່ນສິ່ງທີ່ດີທີ່ສຸດ, ເຊິ່ງກະຊວງປ້ອງກັນປະເທດສາມາດເຮັດໄດ້ໃນສະພາບການໃນປະຈຸບັນ. ທ່ານພົນຈັດຕະວາ ຫງວຽນຮຸ່ງຖັງ ຫວັງວ່າອຸປະກອນ, ວັດຖຸການແພດນີ້ຈະປະກອບສ່ວນລະດົມກໍາລັງໃຈ, ໜູນຊ່ວຍກໍາປູເຈຍ ປ້ອງກັນ, ຕ້ານພະຍາດ, ສືບຕໍ່ເພີ່ມພູນຄູນສ້າງນໍ້າໃຈມິດຕະພາບລະຫວ່າງກອງທັບ ແລະປະຊາຊົນສອງປະເທດ, ພ້ອມທັງສະແດງຄວາມເຊື່ອໝັ້ນວ່າ ກໍາປູເຈຍ ຈະແກ້ໄຂຄວາມຫຍຸ້ງຍາກ, ຍູ້ພະຍາດໃຫ້ຖອຍໄປໂດຍໄວ, ຮັບປະກັນສຸຂະພາບໃຫ້ປະຊາຊົນ ແລະພັດທະນາປະເທດຊາດ.

ການພົບປະມິດຕະພາບເນື່ອງໃນໂອກາດ 50 ປີແຫ່ງວັນເຊັນສົນທິສັນຍາສັນຕິພາບປະຊາຊົນຫວຽດນາມ - ອາເມລິກາ ຍສໝ - ໃນວັນທີ 20 ເມສາ, ສະມາຄົມຫວຽດນາມ - ອາເມລິກາ (ສັງກັດສະຫະພັນບັນດາອົງການມິດຕະພາບຫວຽດນາມ) ໄດ້ສົມທົບກັບຄະນະກຳມະການສະເຫຼີມສະຫຼອງສັນຕິພາບຫວຽດນາມ ຂອງອາເມລິກາ ໄດ້ຈັດການພົບປະມິດຕະພາບເນື່ອງໃນໂອກາດສະເຫຼີມສະຫຼອງ 50 ປີແຫ່ງວັນເຊັນສົນທິສັນຍາສັນຕິພາບປະຊາຊົນຫວຽດນາມ - ອາເມລິກາ ( 1971 - 2021).

ຫວຽດນາມ ນັບມື້ນັບສວມບົດບາດສຳຄັນກວ່າຢູ່ສະຫະປະຊາຊາດ ຍສໝ - ໃນວັນທີ 19 ເມສາ 2021,ຈຸດພົ້ນເດັ່ນສຳຄັນທີ່ສຸດໃນເດືອນ ເມສາ ໂດຍຫວຽດນາມ, ປະທານສະພາຄວາມໝັ້ນຄົງ, ສະເໜີກ່ຽວກັບ “ເພີ່ມທະວີການຮ່ວມມືລະຫວ່າງສະຫະປະຊາຊາດ ແລະ ບັນດາອົງການຈັດຕັ້ງຢູ່ພາກພື້ນໃນການຊຸກຍູ້ການສ້າງຄວາມໄວ້ເນື້ອເຊື່ອໃຈ ແລະ ການສົນທະນາໃນການສະກັດກັ້ນການປະທະກັນ” ໂດຍທ່ານປະທານປະເທດຫວຽດນາມ ຫງວຽນຊວນຟຸກ ເປັນປະທານ ໄດ້ຮັບການຕີລາຄາສູງຈາກປະຊາຄົມສາກົນ.

ໄລຍະຜ່ານມາ, ຂະແໜງ logistics ຫວຽດນາມ ໄດ້ພັດທະນາ ແລະ ເຕີບໂຕຢ່າງວ່ອງໄວ ຍສໝ - ບົດລາຍງານກ່ຽວກັບດັດຊະນີ logistics ຕະຫລາດຫາກໍ່ພົ້ນເດັ່ນ 2021, ໂດຍບໍລິສັດ Agility ຫາກໍ່ປະກາດໄດ້ສະແດງໃຫ້ເຫັນວ່າ ຫວຽດນາມ ໄດ້ເລືຶ່ອນຂຶ້ນ 3 ຂັ້ນໃນຕາຕະລາງຈັດອັນດັບ ເມື່ອທຽບໃສ່ປີ 2020, ຢືນອັນດັບທີ 8 ໃນ Top 10 ປະເທດແຖວໜ້າ.