| ກະຊວງສາທາລະນະສຸກ ຮັບວັກຊິນກັນພະຍາດໂຄວິດ - 19 ຈຳນວນ 50.000 ໂດສ ຈາກ ລັດຖະບານ ໂອຕາລິດ | |
| ຊຸກຍູ້ການຟື້ນຟູ ແລະ ພັດທະນາເສດຖະກິດໄລຍະ 2021 – 2030 |
ຕອນບ່າຍວັນທີ 16 ພະຈິກ, ຢູ່ຮ່າໂນ້ຍ, ສະຫະພັນບັນດາອົງການມິດຕະພາບ ຫວຽດນາມ (VUFO) ໄດ້ຈັດຕັ້ງພິທີສະເຫຼີມສະຫຼອງ 71 ປີແຫ່ງວັນມູນເຊື້ອ 17/11/1950 – 17/11/2021). ທີ່ພິທີ, ທ່ານນາງປະທານ VUFO ຫງວຽນເຟືອງງາ ໄດ້ປຸກລະດົມການແຂ່ງຂັນສ້າງຜົນງານເພື່ອສະເຫຼີມສະຫຼອງ 72 ປີແຫ່ງວັນມູນເຊື້ອໃນທົ່ວລະບົບ.
 |
| ທ່ານນາງປະທານ VUFO ຫງວຽນເຟືອງງາ ກ່າວບົດປາໄສທີ່ພິທີສະເຫຼີມສະຫຼອງ 71 ປີແຫ່ງວັນມູນເຊື້ອ. ພາບ: ຕ໊ວນຫວຽດ |
4 ຂະບວນການແຂ່ງຂັນ ໂດຍທ່ານນາງປະທານ ຫງວຽນເຟືອງງາ ໄດ້ປຸກລະດົມແມ່ນ: ມານະພະຍາຍາມສູ້ຊົນ, ອອກແຮງງານ, ປະດິດສ້າງ, ສາມັກຄີ, ຫ້າວຫັນແຂ່ງຂັນປະຕິບັດສຳເລັດໜ້າທີ່, ປະກອບສ່ວນປະຕິບັດໜ້າທີ່ປີ 2022 ຂອງ VUFO ຢ່າງມີໄຊ. ທີສອງ: ຕັ້ງໜ້າເຂົ້າຮ່ວມບັນດາຂະບວນການໂດຍ ນາຍົກລັດຖະມົນຕີ ແລະຄະນະກຳມະການສູນກາງແນວໂຮມປະເທດຊາດຫວຽດນາມ ປຸກລະດົມ. ທີສາມ: ປະຕິບັດແຜນງນະໂຍບາຍ, ນະໂຍບາຍຂອງພັກ, ກົດໝາຍ, ຂໍ້ກໍານົດ, ລະບຽບການຂອງອົງການ, ຫົວໜ່ວຍຢ່າງເຂັ້ມງວດ, ຕັ້ງໜ້າເຂົ້າຮ່ວມການສະກັດກັ້ນການສໍ້ລາດບັງຫຼວງ, ຟຸ່ມເຟືອຍ, ໄພຫຍໍ້ທໍ້, ປະຕິບັດຈັນຍາບັນລັດຖະການ, ປະຕິບັດກົດລະບຽບວ່າດ້ວຍແຮງງານ, ວັດທະນະທຳຫ້ອງການ, ສ້າງຫົວໜ່ວຍສາມັກຄີ, ສະພາບແວດລ້ອມການເຮັດວຽກທີ່ເປັນມືອາຊີບ, ສົ່ງເສີມຄວາມກະຕືລືລົ້ນ, ຈິດໃຈເປັນເຈົ້າການມີຫົວຄິດປະດິດສ້າງຂອງ ພະນັກງານ-ພາລະກອນ. ທີສີ່: VUFO ສູ້ຊົນໃຫ້ໄດ້ຮັບໃບຍ້ອງຍໍຂອງນາຍົກລັດຖະມົນຕີສໍາລັບໜ້າທີ່ການເມືອງໃນປີ 2022, ທຸງແຂ່ງຂັນຂອງຄະນະພົວພັນ ຕ່າງປະເທດສູນກາງສໍາລັບຫົວໜ່ວຍນໍາໜ້າໃນວຽກງານພົວພັນຕ່າງປະເທດປະຊາຊົນ ແລະ ຫົວໜ່ວຍດີ່ເດັ່ນບັນລຸທຸງແຂ່ງຂັນລັດຖະບານ.
ກ່ອນໜ້ານັ້ນ, ກ່າວຄຳເຫັນທີ່ພິທີສະເຫຼີມສະຫຼອງ, ທ່ານນາງປະທານ VUFO ຫງວຽນເຟືອງງາ ໄດ້ຫວນຄືນມູນເຊື້ອອັນສະຫງ່າລາສີຂອງ VUFO. 71 ປີຜ່ານມາ, ດ້ວຍບົດບາດເປັນອົງການການເມືອງ-ສັງຄົມສະເພາະກິດດ້ານພົວພັນ ຕ່າງປະເທດປະຊາຊົນ, VUFO ພ້ອມກັບບັນດາອົງການສະມາຊິກຂັ້ນສູນກາງ ແລະທ້ອງຖິ່ນ ໄດ້ຕັ້ງໜ້າປະຕິບັດບັນດາການເຄື່ອນໄຫວສັນຕິພາບ, ສາມັກຄີ, ມິດຕະພາບ ແລະຮ່ວມມືປະຊາຊົນ, ວຽກງານບໍ່ຂຶ້ນກັບລັດຖະບານຕ່າງປະເທດ, ວຽກງານຄົ້ນຄ້ວາ, ຖະແຫຼງການພົວພັນຕ່າງປະເທດ ແລະ ຂົນຂວາຍພໍ່ແມ່ປະຊາຊົນຊາວຫວຽດນາມ ອາໄສຢູ່ຕ່າງປະເທດ, ປັບປຸງການພັດທະນາອົງການ, ປະກອບສ່ວນສຳຄັນເຂົ້າໃນການປະຕິບັດບັນດາເປົ້າໝາຍ, ແນວທາງ, ນະໂຍບາຍການຕ່າງປະເທດຂອງພັກ ແລະ ລັດ.
 |
| ທ່ານ ຟານແອງເຊີນ (ເບື້ອງຂວາ) ແລະ ທ່ານ ບຸ່ຍວັນງີ້ ຮັບຫຼຽນໄຊແຮງງານຊັ້ນ III. ພາບ: ຕ໊ວນຫວຽດ |
ເນື່ອງໃນໂອກາດນີ້, ທ່ານນາງປະທານ VUFO ຫງວຽນເຟືອງງາ ກໍ່ເປັນກຽດໄດ້ຮັບໃບຍ້ອງຍໍຈາກນາຍົກລັດຖະມົນຕີ ສຳລັບບັນດາຜົນງານດີເດັ່ນໃນການເປັນເສນາທິການ, ປະກອບສ່ວນເຂົ້າໃນການຊຸກຍູ້ ແລະເພີ່ມທະວີການເຂົ້າຮ່ວມຂອງຫວຽດນາມ ໃນການເຄື່ອນໄຫວຮັກສາສັນຕິພາບ ສປຊ. ທ່ານ ຟານແອງເຊີນ, ຮອງປະທານ-ເລຂາທິການ VUFO ແລະ ທ່ານ ບຸ່ຍວັນງີ້, ຫົວໜ້າພະແນກ ອາເມລິກາ VUFO ໄດ້ຮັບຫຼຽນໄຊແຮງງານຊັ້ນ III ຈາກປະທານປະເທດ ເພື່ອຮັບຮູ້ບັນດາການປະກອບສ່ວນອັນຕັ້ງໜ້າ ແລະ ສຳຄັນຕໍ່ພາລະກິດພົວພັນຕ່າງປະເທດປະຊາຊົນຂອງ VUFO, ປະກອບສ່ວນ ເຂົ້າໃນການສ້າງສາ ແລະປົກປັກຮັກສາປະເທດຊາດ. ທ່ານນາງ ຫງວຽນທິທູຢາງ, ຮອງຫົວໜ້າພະແນກ ອາເມລິກາ (VUFO) ເປັນກຽດໄດ້ຮັບໃບຍ້ອງຍໍຈາກນາຍົກລັດຖະມົນຕີ ຍ້ອນມີຜົນງານດີເດັ່ນໃນການປະຕິບັດວຽກງານແຕ່ປີ 2016 – 2020, ປະກອບສ່ວນເຂົ້າໃນພາລະກິດສ້າງສາສັງຄົມນິຍົມ ແລະປົກປັກຮັກສາປະເທດຊາດ.
VUFO ກໍ່ໄດ້ມອບຫຼຽນກາທີ່ລະນຶກເພື່ອສັນຕິພາບມິດຕະພາບລະຫວ່າງບັນດາປະເທດໃຫ້ແກ່ບຸກຄົນ 03 ຄົນ ສັງກັດ VUFO ຍ້ອນມີການປະກອບສ່ວນຢ່າງຕັ້ງໜ້າໃຫ້ແກ່ວຽກງານພົວພັນຕ່າງປະເທດປະຊາຊົນ.
ໄຊພອນ
