| ແຂວງ ກວາງນາມ ຈະຕ້ອນຮັບແຂກທ່ອງທ່ຽວ ອາເມລິກາ 2 ຄະນະ | |
| ການສຳມະນາ - ການເຊື່ອມໂຍງຊຸກຍູ້ການສົ່ງອອກຜະລິດຕະພັນກະເສດຫວຽດນາມໄປສູ່ຕະຫຼາດ ທະວີບເອີຣົບ, ທະວີບອາເມລິກາ |
 |
| ເວທີປາໄສການເງິນ ຫວຽດນາມ 2021 ດ້ວຍຫົວຂໍ້ “ຍຸດທະສາດການເງິນໄລຍະ 2021 – 2030 ແລະ ບັນດາມາດຕະການຟື້ນຟູ, ພັດທະນາດເສດຖະກິດ ຫວຽດນາມ” (ພາບ: TTXVN) |
ໄຂເວທີປາໄສປີນີ້, ທ່ານຮອງລັດຖະມົນຕີກະຊວງການເງິນ ຫວໍແທງຮືງ ເນັ້ນໜັກວ່າພາຍຫຼັງເກືອບ 10 ປີປະຕິບັດ ຍຸດທະສາດການເງິນຮອດປີ 2020, ພື້ນຖານການເງິນແຫ່ງຊາດໄດ້ມີການຫັນປ່ຽນຢ່າງຈະແຈ້ງ ແລະ ບັນລຸໄດ້ຫຼາຍໝາກຜົນຢ່າງຕັ້ງໜ້າ. ກະຊວງການເງິນປາດຖະໜາຢາກໃຫ້ບັນດາຂໍ້ສະເໜີແນະຂອງຜູ້ຊຽວຊານພາຍໃນປະເທດ ແລະ ສາກົນຈະຊ່ວຍສ້າງບັນດາມາດຕະການທີ່ບຸກທະລຸ ໃນການປະຕິບັດຍຸດທະສາດການເງິນແຫ່ງ ຊາດໄລຍະ 2021 – 2030, ສ້າງສຳເລັດບັນດາມາດຕະການການເງິນງົບປະມານຊ່ວຍຟື້ນຟູການພັດທະນາເສດຖະກິດ ຫວຽດນາມໃນໄລຍະທີຈະມາເຖິງ.
ເບີ່ງລວມແລ້ວ, ໂລກລະບາດຍັງມີຜັນແປທີ່ສັບສົນ, ຜົນສະທ້ອນຍັງແກ່ຍາວ, ໃນຂະນະການເຕີບໂຕເສດຖະກິດ GDP ຂອງ ຫວຽດນາມ ກຳລັງຊ້າລົງ, ກຳລັງດັນເກີດໄພເງິນເຟີ້ ເພີ່ມຂື້ນ, ການຟື້ນຟູບັນດາລະບົບຜະລິດ, ສະໜອງແມ່ນຫຍຸງຍາກ ແລະ ຕ້ອງການມີເວລາ. ດັ່ງນັ້ນ, ວຽກງານຄົ້ນຄ້ວາ, ສ້າງບັນດາມາດຕະການ, ລວມມີບັນດາມາດຕະການດ້ານການເງິນ, ງົບປະມານຂອງລັດໃຫ້ແກ່ວຽກງານ ຟື້ນຟູ ແລະພັດທະນາເສດຖະກິດ, ຮັບປະກັນການປະຕິບັດບັນດາເປົ້າໝາຍສ້າງເສດຖະກິດມະຫາພາກເປັນປົກກະຕິ, ພັດທະນາເສດຖະກິດ - ສັງຄົມຕາມມະຕິຂອງ ກອງປະຊຸມໃຫຍ່ຂອງພັກໃນໄລຍະທີ່ຈະມາເຖິງ, ໃນສະພາບການປະຈຸບັນ, ແມ່ນສຳຄັນທີ່ສຸດ.
ເວທີປາໄສການເງິນ ຫວຽດນາມ 2021 ມີ 2 ວາລະການປືກສາຫາລື ດ້ວຍຫົວຂໍ້ ຍຸດທະສາດການເງິນໄລຍະ 2021 – 2030 ແລະ ມາດຕະການຟື້ນຟູ ແລະ ພັດທະນາເສດຖະກິດ ຫວຽດນາມ.
vovworld.vn
