 |
| ພາບປະກອບ: VOV |
ມີບົດບັນທຶກຊ່ວຍຈຳເກືອບ 60 ສະບັບ ສັ່ງຊື້ຜະລິດຕະພັນກະເສດຂອງ ວິສາຫະກິດໃຫຍ່ 50 ແຫ່ງ ໄດ້ຮັບການລົງນາມຢູ່ກອງປະຊຸມທາງໄກ ສົ່ງເສີມການຈຳໜ່າຍໝາກກ້ຽງ, ໂສ້ມໂອ, ໝາກຂຽບ, ຊີ້ນໝູ, ຊີ້ນໄກ່ ແລະ ບັນດາຜະລິດຕະພັນກະເສດຫຼັກ, ເປັນເອກະລັກສະເພາະຂອງແຂວງບັກຢາງ ປີ 2021 (ດຳເນີນໃນຕອນເຊົ້າວັນທີ 11 ຢູ່ເມືອງ ລຸກງ້ານ, ເຊື່ອມຕໍ່ໄປຍັງສະຖານທີ່ຖ່າຍທອດສົດ 100 ແຫ່ງ ຂອງບັນດາວິສາຫະກິດໃຫຍ່, ສູນການຄ້າ, ລະບົບຮ້ານສັບພະສິນຄ້າ,ຮາກຖານແລກປ່ຽນການຄ້າເອເລັກໂຕນິກ…)
ໂດຍສືບຕໍ່ຜົນສຳເລັດໃນການຈຳໜ່າຍລິ້ນຈີຖ່ຽວ ປີ 2021, ແຂວງບັກຢາງຈະເຊື່ອມຕໍ່ການຈຳໜ່າຍໄປຍັງບັນດາທ້ອງຖິ່ນ, ວິສາຫະກິດ ເຊິ່ງມີໝາກກ້ຽງ ກ່ວາ 48.000 ໂຕນ, ສົ້ມໂອ 36.000 ຕົນ, ໝາກຂຽບ 4.000 ໂຕນ ແລະ ຊີ້ນໝູກ່ວາ 60.000 ໂຕນ, ຊີ້ນໄກ່ ປະມານ 17.000 ໂຕນ ແລະ ຜະລິດຕະພັນກະເສດທີ່ເປັນເອກະລັກສະເພາະຂອງທ້ອງຖິ່ນຫຼາຍຢ່າງ…
ທ່ານ ເລແອັງເຢືອງ, ປະທານຄະນະກຳມະການປະຊາຊົນແຂວງບັກຢາງໄດ້ເນັ້ນໜັກວ່າ: “ບົດບັນທຶກຊ່ວຍຈຳກ່ຽວກັບການຮ່ວມມືການຈຳໜ່າຍໝາກກ້ຽງ, ໝາກສົ້ມໂອ ແລະ ບັນດາຜະລິດຕະພັນກະເສດ ຫຼັກແຫຼ່ງຂອງ ແຂວງ ບັກຢາງ ໄດ້ລົງນາມໃນວັນນີ້ ໄດ້ເປີດແງ່ຫວັງກ່ຽວກັບການຮ່ວມມືໃນວົງກ້ວາງ ໃນການນຳໝາກກ້ຽງ, ໝາກສົ້ມໂອ ແລະ ບັນດາຜະລິດຕະພັນກະເສດຫຼັກແຫຼ່ງຂອງແຂວງບັກຢາງ ໄປຍັງບັນດາຕະຫຼາດທັງຢູ່ພາຍໃນ ແລະ ຕ່າງປະເທດ. ພວກຂ້າພະເຈົ້າໃຫ້ຄຳໝັ້ນສັນຍາກ່ຽວກັບຄຸນນະພາບຜະລິດຕະພັນ ຮັບປະກັນຄວາມປອດໄພ, ຕິດສະແຕມຍີ່ຫໍ້, ຕົ້ນກຳເນີດ, ຫັນບັນດາຊ່ອງຈຳໜ່າຍເປັນຫຼາຍຮູບແບບ ສົມທົບກັບການຂາຍເຄື່ອງແບບດັ້ງເດີມກັບ ການຄ້າເອເລັກໂຕນິກ”.
ໃນຂອບເຂດກອງປະຊຸມ, ພ້ອມກັບບັນດາການເຄື່ອນໄຫວສົ່ງເສີມການຈຳໜ່າຍຜະລິດຕະພັນ, ກໍ່ຍັງມີບັນດາການເຄື່ອນໄຫວຄື: ວາງສະແດງບັນດາຜະລິດຕະພັນຕົ້ນໝາກໄມ້ທີ່ເປັນບົວ (ກີບ) ແລະ ຜະລິດຕະພັນຫຼັກແຫຼ່ງ, ເປັນເອກະລັກພິເສດຂອງທ້ອງຖິ່ນ ແລະ ເລືອກເອົາ 12 ສະຖານທີ່ເຮືອນສວນຕົ້ນໝາກໄມ້ທີ່ເປັນບົວ (ກີບ) ງາມ, ມີຄົບບັນດາເງື່ອນໄຂຈັດຕັ້ງການຕ້ອນຮັບແຂກທ່ອງທ່ຽວມາຢ້ຽມຊົມ ແລະ ຊື້ຂາຍຜະລິດຕະພັນ.
ບຸນຄົງ
