 |
ປະເມີນການແກ້ໄຂຄວາມທຸກຍາກ ແລະ ທິດທາງແກ້ໄຂໃນຕໍ່ໜ້າ ຕາມທິດຍືນຍົງ
ກະຊວງແຜນການ ແລະ ການລົງທຶນ ລາຍງານວ່າອັດຕາຕົວຊີ້ວັດຄວາມທຸກຍາກຂອງບຸກຄົນ ຈາກ 46% ໃນປີ 1992 ຍັງເຫຼືອ 23,2% ໃນປີ 2012 ກະຊວງກະສິກຳ ແລະ ປ່າໄມ້ ກໍໄດ້ລາຍງານວ່າຄອບຄົວທຸກຍາກໄດ້ຫຼຸດລົງຍັງເຫຼືອ 5,47% ຂອງຈໍານວນຄອບຄົວທົ່ວປະເທດ ບ້ານທຸກຍາກຍັງເຫຼືອ 1.433 ບ້ານ ເທົ່າກັບ 16,92% ຂອງຈໍານວນບ້ານທົ່ວປະເທດ ເມືອງທຸກຍາກຍັງ 23 ເມືອງ ເທົ່າກັບ 15,54% ຂອງຈຳນວນເມືອງທົ່ວປະເທດ ຄວາມຄືບໜ້າໃນການປະຕິບັດເປົ້າໝາຍຫຼຸດພົ້ນຈາກສະຖານະພາບດ້ອຍພັດທະນາ ໃນປີ 2017 ສາມາດບັນລຸໄດ້ 2 ໃນ 3 ມາດຖານ ຄື: GNI ຕໍ່ຫົວຄົນ ເພີ່ມຂຶ້ນຈາກ 1.232 ໂດລາສະຫະລັດ ໃນປີ 2015 ມາເປັນ 1.996 ໂດລາສະຫະລັດ ໃນປີ 2018 (ມາດຕະຖານຫຼຸດພົ້ນສູງກວ່າ 1.242 ໂດລາສະຫະລັດ) ດັດສະນີຊັບສິນມະນຸດ (HAI) ເພີ່ມຂຶ້ນຈາກ 60,85 ໃນປີ 2003 ມາເປັນ 72,8 ໃນປີ 2018 (ມາດຕະຖານຫຼຸດພົ້ນສູງກວ່າ 66) ແຕ່ຍັງມີສິ່ງທ້າທາຍຫຼາຍທີ່ຈະບັນລຸດັດຊະນີຄວາມບອບບາງຂອງເສດຖະກິດ (EVI) ຫຼຸດລົງຈາກ 36,2 ໃນປີ 2015 ມາເປັນ 33,7 ໃນປີ 2018 (ມາດຕະຖານຕ່ຳກວ່າ 32).
ການພັດທະນາ ຍັງມີຄວາມແຕກໂຕນລະຫວ່າງຕົວເມືອງ ແລະ ຊົນນະບົດ ເຂດແຄວ້ນ ແລະ ກຸ່ມຄົນ ການກະຈາຍລາຍໄດ້ ແລະ ໝາກຜົນຂອງການພັດທະນາຍັງບໍ່ທົ່ວເຖິງປະຊາຊົນບັນດາເຜົ່າ ເຂດຊົນນະບົດຫ່າງໄກສອກຫຼີກ ບໍ່ທັນມີການພັດທະນາໄປເຖິງ ຫຼື ໄປເຖິງໜ້ອຍ ໂອກາດການພັດທະນາຕົນເອງຂອງປະຊາຊົນ ໃນຈໍານວນຫຼາຍຍັງຈຳກັດ ປັດຈຸບັນຍັງມີເມືອງທຸກຍາກ ບ້ານທຸກຍາກ ຄອບຄົວທຸກຍາກ ແລະ ບຸກຄົນທຸກຍາກຈຳນວນບໍ່ໜ້ອຍ.
（ແຫຼ່ງຂໍ້ມູນ： vientianemai.net）
