 | ອາຊຽນ ແລະ ບົດເລກໂຈດພາສີ ອາເມລິກາ: ການຕອບສະໜອງທີ່ຄ່ອງຕົວໃນສະພາບການໂລກ |
| ສະຫະພັນບັນດາອົງການມິດຕະພາບຫວຽດນາມ ຕ້ອນຮັບຍາດຕິພີ່ນ້ອງຂອງອະດີດນັກບິນ ອາເມລິກາ |
ກ່າວຄຳປາໄສທີ່ການຕ້ອນຮັບ, ທ່ານປະທານ VUFO ຟານແອງເຊີນ ເນັ້ນໜັກເຖິງບົດບາດຂອງບັນດາອົງການ, ເພື່ອນມິດຂອງ ອາເມລິກາ ທີ່ເຄີຍເຂົ້າຮ່ວມຂະບວນການເຄື່ອນໄຫວຕ້ານສົງຄາມຢູ່ ຫວຽດນາມ, ປະຈຸບັນ ສືບຕໍ່ມາ ຫວຽດນາມ ດ້ວຍຈິດໃຈສັນຕິພາບ, ຮ່ວມມື, ເພີ່ມພຸນຄຸນສ້າງນ້ຳໃຈມິດຕະພາບລະຫວ່າງ 2 ປະເທດ.
 |
| ທ່ານປະທານສະຫະພັນບັນດາອົງການມິດຕະພາບຫວຽດນາມ (VUFO) ຟານແອງເຊີນ (ແຖວໜ້າ, ທີ 6 ຈາກຊ້າຍ) ຖ່າຍຮູບທີ່ລະນຶກກັບຄະນະຜູ້ແທນກອງທຶນໄກ່ເກ່ຍແລະ ພັດທະນາ (FRD) ແລະ ສະພາແຫ່ງຊາດຜູ້ສູງອາຍຸ ອາເມລິກາ (NCOE). (ພາບ: Dinh Hoa) |
ທ່ານ ຟານແອງເຊີນ ໄດ້ຂໍ້ມູນໃຫ້ຄະນະຜູ້ແທນກ່ຽວກັບບັນຂີດໝາຍສຳຄັນໃນຂົງເຂດຕ່າງໆຂອງຫວຽດນາມ ພາຍຫຼັງ 50 ປີແຫ່ງການປົດປ່ອຍພາກໃຕ້ ແລະ ໂຮມປະເທດເປັນເອກະພາບ.
ພາຍຫຼັງປີ 1975, ຫວຽດນາມ ໄດ້ປະເຊີນໜ້າກັບສິ່ງທ້າທາຍຫຼາຍຢ່າງ: ພື້ນຖານເສດຖະກິດໄດ້ຮັບຄວາມເສຍຫາຍຢ່າງໜັກໜ່ວງ, ພື້ນຖານໂຄງລ່າງກໍ່ຖອຍຫຼັງ, ຊີວິດການເປັນຢູ່ຂອງປະຊາຊົນປະສົບກັບຄວາມຫຍຸ້ງຍາກ. ມາຮອດປະຈຸບັນ, ຫວຽດນາມ ຍັງໄດ້ຮັບຜົນສະທ້ອນຫລາຍຢ່າງຈາກສົງຄາມ. ພາຍຫຼັງຫຼາຍທົດສະວັດແຫ່ງຄວາມມານະພະຍາຍາມເກັບກູ້ລະເບີດ, 17% ຂອງເນື້ອທີ່ດິນຂອງຫວຽດນາມ ຍັງຄົງມີມົນລະພິດ, ຕ້ອງໃຊ້ເວລາ ແລະ ຊັບພະຍາກອນຢ່າງຫຼວງຫຼາຍເພື່ອສະອາດ.
ປະຈຸບັນ, ມີເກືອບ 400 ອົງການບໍ່ຂຶ້ນກັບລັດຖະບານຕ່າງປະເທດ ພວມເຄື່ອນໄຫວຢູ່ຫວຽດນາມ, ໃນນັ້ນມີຫຼາຍອົງການຈາກອາເມລິກາ. ບັນດາອົງການດັ່ງກ່າວ ໄດ້ປະກອບສ່ວນຢ່າງແທດຈິງເຂົ້າໃນບັນດາຂົງເຂດຄື: ການຫຼຸດຜ່ອນຄວາມທຸກຍາກ, ການສຶກສາ, ສາທາລະນະສຸກ, ການພັດທະນາແບບຍືນຍົງ ແລະ ແກ້ໄຂຜົນຮ້າຍຢ້ອນຫຼັງຈາກສົງຄາມ...
ໃນດ້ານເສດຖະກິດ - ສັງຄົມ, ຍ້ອນການປະຕິບັດຂະບວນການປ່ຽນໃໝ່ຢ່າງປະສົບຜົນສຳເລັດນັບແຕ່ປີ 1986, ຫວຽດນາມ ໄດ້ຜ່ານຜ່າຄວາມຫຍຸ້ງຍາກ, ສ້າງພື້ນຖານເພື່ອບັນລຸໄດ້ບັນດາຜົນງານສຳຄັນ. ອັດຕາຄວາມທຸກຍາກໄດ້ຫຼຸດລົງຈາກເກືອບ 50% ໃນທ້າຍຊຸມປີ 1980 ຫຼຸດເປັນ 1,92% ໃນທ້າຍປີ 2024, ເປົ້າໝາຍຫຼຸດໃຫ້ຕ່ຳກວ່າ 1% ໃນປີ 2025. GDP ຂອງຫວຽດນາມ ໃນປີ 2024 ຈະບັນລຸກວ່າ 470 ຕື້ USD, GDP ເຕີບໂຕ 6-7%. ໃນປີ 2025, ຫວຽດນາມ ຄາດວ່າຈະບັນລຸເປົ້າໝາຍ GDP 8%.
ຫວຽດນາມ ໄດ້ວາງອອກເປົ້າໝາຍທີ່ມາຮອດປີ 2030 ກາຍເປັນປະເທດພວມພັດທະນາ, ມີອຸດສາຫະກຳທັນສະໄໝ, ມີລາຍຮັບປານກາງສູງ ແລະ ເປັນປະເທດພັດທະນາທີ່ມີລາຍຮັບສູງໃນປີ 2045.
 |
| ທ່ານປະທານ VUFO ຟານແອງເຊີນ (ກາງ) ໄດ້ຕ້ອນຮັບຄະນະຜູ້ແທນກອງທຶນໄກ່ເກ່ຍແລະ ພັດທະນາ (FRD) ແລະ ສະພາແຫ່ງຊາດຜູ້ສູງອາຍຸ ອາເມລິກາ (NCOE). (ພາບ: Dinh Hoa) |
ກ່ຽວກັບການເຊື່ອມໂຍງເຂົ້າກັບສາກົນ, ຫວຽດນາມ ມີການພົວພັນທາງການທູດກັບເກືອບ 200 ປະເທດ ແລະ ເຂດແຄວ້ນ, ເຂົ້າຮ່ວມກ່ວາ 70 ກົນໄກ ແລະ ອົງການຫຼາຍຝ່າຍສາກົນ ແລະ ພາກພື້ນ; ໄດ້ລົງນາມໃນສັນຍາການຄ້າເສລີ (FTA) 17 ສະບັບກັບຫຼາຍປະເທດ ແລະ ອົງການຈັດຕັ້ງໃນທົ່ວໂລກ.
ການພົວພັນ ຫວຽດນາມ - ອາເມລິກາ ກໍ່ບັນລຸໄດ້ບັນດາຜົນງານສຳຄັນຫຼາຍຢ່າງ. ດ້ວຍທິດນຳ “ໂຈະໄວ້ອະດີດ, ຜ່ານຄວາມແຕກຕ່າງ, ເສີມຂະຫຍາຍຄວາມຄ້າຍຄືກັນ, ມຸ່ງໄປເຖິງອະນາຄົດ”, ສອງປະເທດໄດ້ເພີມພຸນຄຸນສ້າງການພົວພັນທີ່ມີປະສິດທິຜົນ ແລະ ແບບຍືນຍົງ. ປີ 2013, ສອງປະເທດໄດ້ສ້າງຕັ້ງການພົວພັນຄູ່ຮ່ວມມືຮອບດ້ານ. ໃນປີ 2023, ໃນໄລຍະຢ້ຽມຢາມນະຄອນຫຼວງຮ່າໂນ້ຍຂອງທ່ານປະທານາທິບໍດີ Joe Biden, 2 ປະເທດໄດ້ຍົກລະດັບການພົວພັນເປັນຄູ່ຮ່ວມມືຍຸດທະສາດຮອບດ້ານ.
 |
| ບັນດາຜູ້ແທນໄດ້ແບ່ງປັນຄວາມຊົງຈຳ ແລະ ຄວາມຮູ້ສຶກກ່ຽວກັບຫວຽດນາມ. (ພາບ: Dinh Hoa) |
ທີ່ການຕ້ອນຮັບ, ບັນດາຜູ້ແທນໄດ້ແບ່ງປັນຄວາມຊົງຈຳ, ຄວາມຮູ້ສຶກກ່ຽວກັບວັດທະນະທຳ, ປະຊາຊົນ ແລະ ຄວາມຮັກແພງທີ່ມີຕໍ່ຫວຽດນາມ. ບັນດາຜູ້ແທນໄດ້ຂອບອົກຂອບໃຈ VUFO ທີ່ໄດ້ໃຫ້ການຕ້ອນຮັບອັນອົບອຸ່ນ ແລະ ຢືນຢັນວ່າ, ຂໍ້ມູນຂ່າວສານຂອງທ່ານປະທານ ຟານແອງເຊີນ ໄດ້ຊ່ວຍໃຫ້ຄະນະຜູ້ແທນມີທັດສະນະລວມ ແລະ ປັບປຸງປະເທດຊາດ, ປະຊາຊົນຫວຽດນາມ.
 | Chiều 6/4, theo đề nghị của phía Malaysia, Thủ tướng Phạm Minh Chính đã có cuộc điện đàm với Thủ tướng Malaysia Anwar Ibrahim để ... |
 | ຫວຽດນາມ ສືບຕໍ່ປະສານສົມທົບ ແລະ ແລກປ່ຽນກັບ ອາເມລິກາ ຍສໝ - ທ່ານນາງ ໂຄສົກກະຊວງການຕ່າງປະເທດ ຫວຽດນາມ ຟ້າມທູຮັ່ງ ອອກສຽງກ່ຽວກັບປະຕິກິລິຍາຂອງຫວຽດນາມ ຕໍ່ການປະກາດຂອງອາເມລິກາ ກ່ຽວກັບການຕັດສິນໃຈເກັບພາສີສົ່ງອອກຂອງຫວຽດນາມ ໄປຍັງອາເມລິກາ. |
ມີງດຶກ
