| ສະຫະພັນນັກທຸລະກິດ ໄຕ້ຫວັນ ສະໜັບສະໜູນວັດຖຸອຸປະກອນການແພດໃຫ້ແຂວງເລິມດົ່ງ | |
| ຈິດຕະກອນຍິງ ຊາວຫວຽດນາມແຜ່ກະຈາຍບັນຫາທາດພິດສີສົ້ມ ຢູ່ ຫວຽດນມ ໄປຍັງມວນຊົນຝລັ່ງ |
 |
| ນັກຈິດຕະກອນ ທີຫງວຽນເຈືອງມິງ ແລະ ທ່ານ ຫງວຽນວັນຖາວ ເອກອັກຄະລັດຖະທູດ ຫວຽດນາມ ປະຈຳ ລາຊະອານາຈັກ ແບນຊິກ (ພາບ: TTXVN) |
ຕອນບ່າຍວັນທີ 4 ຕຸລາ ຢູ່ ບຣຸກແຊນ, ນັກຈິດຕະກອນທີຫງວຽນເຈືອງມິງ (ຊາວແບນຊິກເຊື້ອຊາດ ຫວຽດ) ໄດ້ແນະນຳງານວາງສະແດງພາບແຕ້ມກ່ຽວກັບຫົວຂໍ້ “ກົກເຄົ້າເຫງົ້າກໍ”. ບັນດາພາບແຕ້ມທີ່ມີສີຂາວດຳ ໄດ້ແຕ້ມດ້ວຍວິທີຄະນິດ ໃນເຈ້ຍຂາວ ໄດ້ພັນລະນາການດຳລົງຊີວິດຂອງຄອບຄົວຢູ່ ຫວຽດນາມ.
ນັ້ນແມ່ນຮູບ ຕາຍາຍຂອງ ນັກຈິດຕະກອນ ທີຫງວຽນເຈືອງມິງ, ໂຕຄວາຍ, ຮົ້ວສຸມໄມ້ໄຜ່ ຫຼື ໄມ້ຖູ່ ເຊິ່ງແມ່ນວັດຖຸທີ່ຂາດບໍ່ໄດ້ໃນຄາບເຂົ້າຂອງຊາວຫວຽດນາມ… ສິ່ງພິເສດແມ່ນບັນດາພາບແຕ້ມຂອງ ທິຫງວຽນ ລ້ວນແຕ່ໄດ້ແຕ້ມດ້ວຍວິທີຄະນິດ.
ທ່ານ ຫງວຽນວັນຖາວ ເອກອັກຄະລັດຖະທູດ ຫວຽດນາມ ປະຈຳ ລາຊະອານາຈັກ ແບນຊິກ ໄດ້ສະແດງຄວາມຕື້ນຕັນໃຈເມື່ອຮັບຊົມບັນດາຜົນງານຂອງນັກຈິດຕະກອນ ທິຫງວຽນເຈືອງມິງ. ທ່ານເອກອັກຄະລັດຖະທູດ ມີຄວາມປາດຖະໜາວ່າ ໄວໜຸ່ມຫວຽດນາມ ລຸ້ນຄົນທີ 2 ຢູ່ ແບນຊິກ ຍາມໃດກໍ່ຈະຮັກສາ ແລະ ເສີມຂະຫຍາຍຈິດໃຈຮັກຊາດ, ສີສັນວັດທະນະທຳຂອງບ້ານເກີດເມືອງນອນ ແລະ ແຜ່ຂະຫຍາຍວັດທະນະທຳຫວຽດນາມ ໄປຍັງເພື່ອນມິດສາກົນ.
ບຸນຄົງ
