 |
| ນັກປະພັນ ຫງວຽນຟານເກ໊ມາຍ (ພາບ: tuoitre.vn) |
ຜົນງານ “ພູຂັບຮ້ອງ” (The mountains sing) ໄດ້ຂຽນກ່ຽວກັບບັນດາເຫດການປະຫວັດສາດຜ່ານບັນດາສະມາຊິກ 4 ລຸ້ນຄົນໃນຄອບຄົວຂອງຕະກຸນເຈິ່ນ. ບໍ່ພຽງແຕ່ພັນລະນາຢ່າງຈະແຈ້ງບັນດາຄວາມເຈັບປວດສູນເສຍ ແລະ ການແຍກອອກຈາກກັນໂດຍສົງຄາມກໍ່ຂຶ້ນເທົ່ານັ້ນ, ບົດປະພັນຍັງເຊີດຊູຄວາມຮັກໃນຄອບຄົວ, ຄຸນຄ່າຂອງຄວາມຫວັງ ແລະ ຄວາມເມດຕາ.
ນັກປະພັນ ຫງວຽນຟານເກ໊ມາຍ ແບ່ງປັນວ່າ ລາວ ຮູ້ສຶກແປກປະຫຼາດໃຈ ແລະ ເປັນກຽດເມື່ອໄດ້ຮັບລາງວັນວັນນະນະດີ Dayton ເພື່ອສັນຕິພາບ, ມັນແມ່ນກຳລັງໜູນໃຫ້ແກ່ລາວ ໃນການສືບຕໍ່ຮ່ຳຮຽນ ແລະ ເຮັດວຽກ ເພື່ອນຳຜູ້ອ່ານຕ່າງປະເທດມາ ເຖິງ ຫວຽດນາມ ໃຫ້ຫຼາຍກ່ວາອີກ ຜ່ານບັນດາບົນປະພັນວັນນະຄະດີ.
ເມື່ອຕັດສິນໃຈຂຽນບົດປະພັນດ້ວຍພາສາອັງກິດ, ລາວຢາກປະກອບຄຳເວົ້າຂອງຊາວຫວຽດນາມ ເຂົ້າໃນເວທີປາໄສວັນນະຄະດີ ໂລກ. ລາວໄດ້ຂຽນກ່ຽວກັບສົງຄາມ ເພື່ອຮຽກຮ້ອງສັນຕິພາບ, ຂຽນກ່ຽວກັບການສູນເສຍ ແລະ ການພັດພາກກັນ ເພື່ອເວົ້າເຖິງຄຸນຄ່າຂອງການເຕົ້າໂຮມ, ພ້ອມທັງນຳບົດເພງ, ຄຳສຸພາສິດ, ອາຫານການກິນ, ປະເພນີວັດທະນະທຳຂອງ ຊາວຫວຽດນາມ ເຂົ້າໃນບົດປະພັນເພື່ອແນະນຳໃຫ້ແກ່ຜູ້ອ່ານໂລກກ່ຽວກັບ ຫວຽດນາມ ທີ່ເຕັມໄປດ້ວຍສີສັນ.
ພິເສດ, ນັກປະພັນ ຫງວຽນຟານເກ໊ມາຍ ກໍ່ມານະພະຍາຍາມຮັກສາຄວາມອຸດົມສົມບູນຂອງພາສາ ຫວຽດນາມ ດ້ວຍວິທີການຮຽກຮ້ອງໃຫ້ບັນດາສຳນັກພິມຈຳໜ່າຍພິມ ຊື່ຂອງບັນດາຕົວລະຄອນ ແລະ ບັນດາຄຳເວົ້າພາສາຫວຽດ ໃນບົດປະພັນ ທີ່ມີໄວຍະກອນຢ່າງຄົບຖ້ວນ. ຄາດວ່າ ພິທີມອບລາງວັນຈະດຳເນີນໃນວັນທີ 13 – 14 ພະຈິກ ຢູ່ Dayton (ຢູ່ປະເທດ ອາເມລິກາ).
ບຸນຄົງ
