| ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ພົບປະກັບປະຊາຄົມຊາວ ຫວຽດນາມ ຢູ່ ອົດສະຕາລີ | |
| ການລະຫຼິ້ນດຶງເຊືອກ ເຊື່ອມຕໍ່ປະຊາຄົມຫວຽດນາມ - ສ. ເກົາຫຼີ |
ກ່າວຄຳປາໄສກັບປະຊາຄົມຢູ່ທີ່ນີ້, ທ່ານຮອງລັດຖະມົນຕີ ໃຫ້ຮູ້ວ່າ ພັກ, ລັດ ຍາມໃດກໍ່ຖືປະຊາຄົມຊາວ ຫວຽດນາມ ອາໄສຢູ່ຕ່າງປະເທດ ແມ່ນພາກສ່ວນທີ່ບໍ່ສາມາດຕັດແຍກອອກຊາດ ຫວຽດນາມ ໄດ້; ມີນະໂຍບາຍເບິ່ງແຍງ, ໜູນຊ່ວຍປະຊາຊົນໃຫ້ມີຄວາມເປັນປົກກະຕິ, ເຊື່ອມໂຍງເຂົ້າກັບສັງຄົມປະຈຳຖິ່ນໄດ້ເປັນຢ່າງດີ; ພ້ອມກັນນັ້ນ ກໍ່ຊຸກຍູ້, ສ້າງເງື່ອນໄຂໃຫ້ປະຊາຊົນອວ່າຍໜ້າເມືອຫາບ້ານເກີດເມືອງນອນ, ປະກອບສ່ວນສ້າງສາປະເທດຊາດ. ບັນດາຄະນະສະມາຄົມຊາວ ຫວຽດນາມ ອາໄສຢູ່ຕ່າງປະເທດມີບົດບາດສຳຄັນ, ເປັນ “ບ່ອນອີງ”, ເປັນກຳລັງຫຼັກແຫຼ່ງໃນການຜັນຂະຫຍາຍແນວທາງ, ນະໂຍບາຍຂອງພັກ, ລັດ ໃນການປຸກລະດົມ, ໜູນຊ່ວຍຊາວ ຫວຽດນາມ ອາໄສຢູ່ຕ່າງປະເທດ.
ທ່ານຮອງລັດຖະມົນຕີ ໄດ້ຕີລາຄາສູງ ແລະ ຍ້ອງຍໍຄວາມມານະພະຍາຍາມຂອງປະຊາຄົມໃນການເຊື່ອມໂຍງ, ພັດທະນາຢູ່ປະເທດປະຈຳຖິ່ນ ແລະ ບັນດາການປະກອບສ່ວນໃຫ້ບ້ານເກີດເມືອງນອນ; ເຊື່ອໝັ້ນວ່າ ບັນດາສະມາຄົມຊາວ ຫວຽດນາມ ຢູ່ ສ.ເກົາຫຼີ ຍາມໃດກໍ່ຈະສາມັກຄີ, ນັບມື້ນັບພັດທະນາ ແລະ ອວ່າຍເມືອຫາກົກເຫງົ້າເຄົ້າກໍ.
 |
| ທ່ານຮອງລັດຖະມົນຕີ ເລທິທູຮັ່ງ ເຂົ້າຮ່ວມພິທີເປີດຫ້ອງການສະມາຄົມຊາວ ຫວຽດນາມ ຢູ່ Jeonbuk. |
ທ່ານຮອງນາຍົກລັດຖະມົນຕີ ໄດ້ສະແດງຄວາມຊົມເຊີຍສະມາຄົມຊາວ ຫວຽດນາມ ຢູ່ Jeonbuk ໃນການເປີດຫ້ອງການສະມາຄົມ ດ້ວຍພື້ນທີ່ມີຄຸນລັກສະນະຈຳເພາະ ຫວຽດນາມ, ສະແດງໃຫ້ເຫັນການພັດທະນາໃໝ່ຂອງສະມາຄົມ. ນີ້ບໍ່ແມ່ນພຽງແຕ່ສໍານັກງານເຮັດວຽກ, ຫາກຍັງແມ່ນເຮືອນລວມ, ແມ່ນຈຸດນັດພົບ, ເຕົ້າໂຮມຂອງປະຊາຊົນໃນເຂດນີ້.
ທ່ານຮອງລັດຖະມົນຕີ ເລທິທູຮັ່ງ ກໍ່ຕີລາຄາສູງບັນດາຊຸດຮຽນພາສາ ຫວຽດນາມ ທີ່ໄດ້ຈັດຕັ້ງຢູ່ທີ່ນີ້, ພ້ອມກັນນັ້ນ ກໍ່ໃຫ້ຄຳໝັ້ນສັນຍາວ່າ ຄະນະກຳມະການ ຈະສືບຕໍ່ໜູນຊ່ວຍຫຼັກສູດ ແລະ ຈັດຕັ້ງຊຸດບຳລຸງສ້າງ, ຍົກລະດັບວິຊາສະເພາະສ້າງຄູໃຫ້ແກ່ບັນດາອາສາສະໝັກສອນພາສາ ຫວຽດນາມ.
ທ່ານຮອງລັດຖະມົນຕີ ສະເໜີໃຫ້ບັນດາສະມາຄົມສືບຕໍ່ເສີມຂະຫຍາຍນ້ຳໃຈສາມັກຄີ, ມີບົດບາດຫຼັກໝັ້ນໃນການເຕົ້າໂຮມປະຊາຊົນ, ອະນຸລັກຮັກສາພາສາ ແລະ ວັດທະນະທຳ ຫວຽດນາມ ໃນຊຸມຊົນ; ເອົາໃຈໃສ່ບູລະນະການຈັດຕັ້ງກົງຈັກ, ຈັດຕັ້ງຫຼາຍການເຄື່ອນໄຫວຢ່າງແທດຈິງ ເພື່ອຕິດພັນປະຊາຊົນ; ຕັ້ງໜ້າຕອບສະໜອງ, ເຂົ້າຮ່ວມບັນດາການເຄື່ອນໄຫວໂດຍຄະນະກຳມະການແຫ່ງລັດກ່ຽວກັບຊາວ ຫວຽດນາມ ອາໄສຢູ່ຕ່າງປະເທດ ແລະ ສະຖານທູດ ຈັດຕັ້ງໃຫ້ປະຊາຊົນຄື: ລະດູບານໃໝ່ບ້ານເກີດເມືອງນອນ, ຄະນະຜູ້ແທນຊາວຫວຽດນາມ ອາໄສຢູ່ຕ່າງປະເທດ ໄປຢ້ຽມຢາມ ເຈື່ອງຊາ, ຄ້າຍພັກແລ້ງຫວຽດນາມ... ຫວັງວ່າຊາວ ຫວຽດນາມ ອາໄສຢູ່ຕ່າງປະເທດແຕ່ລະຄົນ ຈະເສີມຂະຫຍາຍບົດບາດເປັນທູດວັດທະນະທຳ, ເປັນຂົວຕໍ່ທີ່ມີປະສິດທິຜົນໃນການປະກອບສ່ວນເຂົ້າໃນການພັດທະນາການພົວພັນມິດຕະພາບຫວຽດນາມ - ສ.ເກົາຫຼີ ໃຫ້ຫຼາຍກວ່າອີກ.
ຕາງໜ້າໃຫ້ປະຊາຄົມຢູ່ທີ່ນີ້, ທ່ານປະທານສະມາຄົມຊາວ ຫວຽດນາມ ຢູ່ Jeonbuk ນາງ ອືງຢ້ຽວລິງ ແລະ ທ່ານປະທານສະມາຄົມຊາວ ຫວຽດນາມ ຢູ່ Jeonam Gwang Ju ຫງວຽນຫວຽດຟ່ອງ ໄດ້ສະແດງຄວາມຂອບໃຈພັກ ແລະ ລັດ ທີ່ຍາມໃດກໍ່ເອົາໃຈໃສ່, ໜູນຊ່ວຍ ແລະ ສ້າງເງື່ອນໄຂດີທີ່ສຸດໃຫ້ປະຊາຄົມຊາວ ຫວຽດນາມ ຢູ່ ສ.ເກົາຫຼີ ຮັກສາສະຖຽນລະພາບ, ປະກອບສ່ວນສ້າງສາບ້ານເກີດເມືອງນອນ, ໃຫ້ຄຳໝັ້ນສັນຍາວ່າ ຈະສືບຕໍ່ສາມັກຄີ, ຮັກແພງຊ່ວຍເຫຼືອເຊິ່ງກັນ ແລະ ກັນ, ສະໜັບສະໜູນເຊິ່ງກັນ ແລະ ກັນເພື່ອພັດທະນາ, ເຊື່ອມໂຍງເຂົ້າກັບສັງຄົມປະຈຳຖິ່ນ ແລະ ສ້າງສາແບບຢ່າງທີ່ດີຂອງຊາວ ຫວຽດນາມ ຢູ່ ສ.ເກົາຫຼີ.
ປະຊາຄົມຊາວຫວຽດນາມ ຢູ່ແຂວງ Jeonbuk ມີປະມານ 15.000 ຄົນ, ສ່ວນຫຼາຍແມ່ນນັ
ກສຶກສາ, ຄົນງານ ແລະ ໄປເປັນໄພ້ (ກວມເອົາ 1,7% ຂອງຍອດຈຳນວນຊາວຫວຽດນາມ ຢູ່ ສ.ເກົາຫຼີ). ປະຊາຊົນສາມັກຄີ, ດຸໝັ່ນ, ປະຕິບັດກົດໝາຍເປັນຢ່າງດີ ແລະ ມີບັນດາປະກອບສ່ວນທີ່ແທດຈິງໃຫ້ປະຈຳຖີ່ນ, ຍາມໃດກໍ່ມຸ່ງໄປເຖິງບ້ານເກີດເມືອງນອນ ແລະ ເປັນຂົວຕໍ່ຊ່ວຍເພີ່ມທະວີການພົວພັນມິດຕະພາບ ແລະ ພົບປະແລກປ່ຽນປະຊາຊົນລະຫວ່າງສອງປະເທດ.
ມິງດຶກ
