ເພີ່ມທະວີການຮ່ວມມືດ້ານເຄິ່ງຊັກນຳໄຟຟ້າ ແລະ AI: ກາລະໂອກາດບຸກທະລຸໃຫ້ການພົວພັນ ຫວຽດນາມ

ຍສໝ - ໃນຂອບເຂດການໄປຢ້ຽມຢາມເພື່ອເຂົ້າຮ່ວມສັບປະດາຂັ້ນສຸງສະມັດຊາໃຫຍ່ສະຫະປະຊາຊາດ ຊຸດທີ 79 ແລະ ເຮັດວຽກຢູ່ ອາເມລິກາ, ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ໄດ້ມີການເຄື່ອນໄຫວສຳຄັນຫຼາຍຢ່າງເພື່ອຊຸກຍູ້ການພົວພັນຮ່ວມມືລະຫວ່າງ ຫວຽດນາມ ແລະ ອາເມລິກາ ໃນບັນດາຂົງເຂດຍຸດທະສາດເຊັ່ນ ອຸດສາຫະກໍາເຄິ່ງຊັກນຳໄຟຟ້າ, ປັນຍາປະດິດ(AI) ແລະ ການບິນ.

	ອາເມລິກາ ຈະໜູນຊ່ວຍສຸກເສີນ 1 ລ້ານ USD ໃຫ້ ຫວຽດນາມ ເພື່ອແກ້ໄຂຄວາມເສຍຫາຍຈາກພະຍຸລູກທີ 3
	ວັນທີ 2 ກັນຍາ ແມ່ນວັນມໍລະດົກມິດຕະພາບ ຫວຽດນາມ - ອາເມລິກາ ຢູ່ນະຄອນ ຊານຟານຊິດສໂກ

ຊຸກຍູ້ການຮ່ວມມືດ້ານເຄິ່ງຊັກນຳໄຟຟ້າ ແລະ ປັນຍາປະດິດ

ວັນທີ 22 ກັນຍາ, ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ໄດ້ເຂົ້າຮ່ວມກອງປະຊຸມພົບປະດ້ວຍຫົວຂໍ້ “ເພີ່ມທະວີການຮ່ວມມືລະຫວ່າງ ຫວຽດນາມ ແລະ ອາເມລິກາ ໃນການພັດທະນາຂະແໜງການອຸດສາຫະກໍາເຄິ່ງຊັກນຳໄຟຟ້າ ແລະ AI”. ເຫດການດັ່ງກ່າວ ໄດ້ເຕົ້າໂຮມການນຳ ແລະ ນັກຊ່ຽວຊານຈາກບັນດາບໍລິສັດເຕັກໂນໂລຢີຊັ້ນນໍາຂອງ ອາເມລິກາ ເຊັ່ນ AMD, Google, Marvell, ພ້ອມກັນກັບຜູ້ຕາງຫນ້າຂອງສະມາຄົມອຸດສາຫະກໍາເຄິ່ງຊັກນຳໄຟຟ້າ ອາເມລິກາ (SIA) ແລະ ສະມາຄົມເຄິ່ງຊັກນຳໄຟຟ້າທົ່ວໂລກ (SEMI).

ເພີ່ມທະວີການຮ່ວມມືດ້ານເຄິ່ງຊັກນຳໄຟຟ້າ ແລະ AI: ກາລະໂອກາດບຸກທະລຸໃຫ້ການພົວພັນ ຫວຽດນາມ - ອາເມລິກາ

ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ກ່າວຄຳປາໄສທີ່ກອງປະຊຸມພົບປະ ເພີ່ມທະວີການຮ່ວມື ຫວຽດນາມ - ອາເມລິກາ ໃນການພັດທະນາຂະແໜງການອຸດສາຫະກໍາເຄິ່ງຊັກນຳໄຟຟ້າ ແລະ ປັນຍາປະດິດ. (ພາບ: TTXVN)

ກ່າວຄຳປາໄສທີ່ກອງປະຊຸມພົບປະ, ທ່ານລັດຖະມົນຕີກະຊວງແຜນການ ແລະ ການລົງທຶນ ຫງວຽນຈີ໋ຢຸງ ເນັ້ນໜັກວ່າ ການພົວພັນລະຫວ່າງ ຫວຽດນາມ - ອາເມລິກາ ພວມພັດທະນາຢ່າງເຂັ້ມແຂງ, ພິເສດແມ່ນໃນຂົງເຂດເຕັກໂນໂລຢີສູງ. ທ່ານຢືນຢັນວ່າ ຄວາມສາມາດບົ່ມຊ້ອນໃນຂົງເຂດເຄິ່ງຊັກນຳໄຟຟ້າ ແລະ AI ແມ່ນໃຫຍ່ຫຼວງ, ພິເສດແມ່ນພາຍຫຼັງສອງປະເທດຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດຮອບດ້ານໃນເດືອນ ກັນຍາ 2023. ທ່ານຍັງແຈ້ງວ່າ ຫວຽດນາມ ໄດ້ອອກຍຸດທະສາດແຫ່ງຊາດພັດທະນາຂະແໜງການເຄິ່ງຊັກນຳໄຟຟ້າ ແລະ ໂຄງການບຳລຸງສ້າງແຫຼ່ງຊັບພະຍາກອນມະນຸດ ດ້ວຍເປົ້າໝາຍບຳລຸງສ້າງນັກວິສາວະກອນ 50.000 ຄົນໃນຂະແໜງການເຄິ່ງຊັກນຳໄຟຟ້າ ໄປຮອດປີ 2030.

ໃນບົດຄຳປາໄສ, ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ໄດ້ຊີ້ອອກຢ່າງຈະແຈ້ງວ່າ ການພັດທະນາຂະແໜງການອຸດສາຫະກໍາເຄິ່ງຊັກນຳໄຟຟ້າ ແລະ AI ແມ່ນຄວາມຮຽກຮ້ອງຕ້ອງການພາວະວິໄສ, ທາງເລືອກຍຸດທະສາດ, ບຸລິມະສິດໃນການພັດທະນາວິທະຍາສາດ ແລະ ເຕັກໂນໂລຢີ; ຈະນໍາໄປສູ່ການພັດທະນາຂອງບັນດາຂະແໜງການສະຫນັບສະຫນູນອື່ນໆ.

ເມື່ອທົບທວນຄືນບັນດາໝາກຜົນຢ່າງຕັ້ງໜ້າ ເຊິ່ງການຮ່ວມມືລະຫວ່າງ ຫວຽດນາມ - ອາເມລິກາ ນຳມານັບແຕ່ເມື່ອຫັນການພົວພັນເປັນປົກກະຕິໃນປີ 1995, ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ຢັ້ງຢືນວ່າ ຄວາມສາມາດບົ່ມຊ້ອນການຮ່ວມມືລະຫວ່າງບັນດາຄູ່ຮ່ວມມື ຫວຽດນາມ ແລະ ອາເມລິກາ ໃນຂົງເຂດເຕັກໂນໂລຢີສູງຄື ເຄິ່ງຊັກນຳໄຟຟ້າ ແລະ AI ແມ່ນໃຫຍ່ຫຼວງທີ່ສຸດ ແລະ ມີຄວາມໝາຍໃນຍຸກໃໝ່, ພິເສດແມ່ນພາຍຫຼັງ ຫວຽດນາມ ແລະ ອາເມລິກາ ຍົກລະດັບການພົວພັນເປັນຄູ່ຮ່ວມມືຍຸດທະສາດຮອບດ້ານດ້ວຍ 2 ເສົາຄ້ຳແຫ່ງການຮ່ວມມືແມ່ນນະວັດຕະກຳ ແລະ ອຸດສາຫະກຳເຄິ່ງຊັກນຳໄຟຟ້າ.

ທ່ານເລຂາທິການໃຫຍ່, ປະທານປະເທດ ຫວຽດນາມ ໄດ້ສະແດງຄວາມເຊື່ວໝັ້ນວ່າ ການຮ່ວມມືໃນຂົງເຂດເຄິ່ງຊັກນຳໄຟຟ້າ ແລະ ປັນຍາປະດິດ ຈະເປີດໂອກາດຫຼາຍຢ່າງໃຫ້ວິສາຫະກິດຂອງສອງຝ່າຍໄດ້ພ້ອມກັນເສີມຂະຫຍາຍ, ຂຸດຄົ້ນບັນດາທ່າໄດ້ປຽບຂອງແຕ່ລະຝ່າຍ. ທ່ານຢືນຢັນວ່າ ຫວຽດນາມ ຍາມໃດກໍ່ຖືເປັນສຳຄັນການຮ່ວມມືສາກົນ ແລະ ເຂົ້າໃຈວ່າ ເພື່ອປະສົບຜົນສຳເລັດ ແລະ ກ້າວໄປໄກໃນບັນດາຂົງເຂດເຕັກໂນໂລຢີສູງ, ພິເສດແມ່ນຂະແໜງການອຸດສາຫະກໍາເຄິ່ງຊັກນຳໄຟຟ້າ ແລະ AI, ແມ່ນພຽງແຕ່ສາມາດໄປພ້ອມກັນ, ພ້ອມກັນເພື່ອກໍ່ສ້າງບັນດາລະບົບມູນຄ່າທີ່ໝັ້ນແກ່ນ; ພ້ອມກັນນັ້ນ ກໍ່ໄດ້ສະແດງຄວາມຊົມເຊີຍບັນດາວິສາຫະກິດ, ອົງການຈັດຕັ້ງ ອາເມລິກາ ໄປຍັງ ຫວຽດນາມ ເພື່ອພ້ອມກັນພັດທະນາບັນດາການແກ້ໄຂຢ່າງປະດິດສ້າງ, ຍືນຍົງ.

ສະເໜີໃຫ້ບໍລິສັດ Boeing ຜັນຂະຫຍາຍການລົງທຶນບັນດາໂຮງງານຜະລິດເຄື່ອງອາໄຫຼ່ຢູ່ ຫວຽດນາມ ໂດຍໄວ

ກໍ່ໃນວັນທີ 22 ກັນຍາ, ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ໄດ້ຕ້ອນຮັບທ່ານ Brendan Nelson, ປະທານກຸ່ມບໍລິສັດ Boeing ທົ່ວໂລກ - ບໍລິສັດການບິນໃຫຍ່ທີ່ສຸດຂອງໂລກ. ທີ່ການພົບປະ, ທ່ານເລຂາທິການໃຫຍ່, ປະທານປະເທດ ຫວຽດນາມ ໄດ້ຕີລາຄາສູງການຮ່ວມມືຂອງ Boeing ກັບບັນດາສາຍການບິນ ຫວຽດນາມ, ພິເສດແມ່ນສາຍການບິນ Vietnam Airlines ແລະ Vietjet, ພ້ອມກັນນັ້ນ ກໍ່ໄດ້ຮັບຮູ້ບັນດາຄຳໝັ້ນສັນຍາໜູນຊ່ວຍຂອງ Boeing ໃນການພັດທະນາລະບົບນິເວດອຸດສາຫະກຳການບິນຢູ່ ຫວຽດນາມ.

ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ໄດ້ຕ້ອນຮັບທ່ານ ປະລິນຍາເອກ Brendan Nelson, ຮອງປະທານຂັ້ນສູງກຸ່ມບໍລິສັດ Boeing ທັງເປັນປະທານ Boeing Global. (ພາບ: TTXVN)

ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ເນັ້ນໜັກວ່າ ຫວຽດນາມ ໃຫ້ຄຳໝັ້ນສັນຍາຈະສ້າງທຸກເງື່ອນໄຂສະດວກ, ສອດຄ່ອງກັບຂໍ້ກຳນົດຂອງກົດໝາຍ ເພື່ອໃຫ້ບັນດານັກລົງທຶນ ອາເມລິກາ ເວົ້າລວມ ແລະ ກຸ່ມບໍລິສັດ Boeing ເວົ້າສະເພາະ ມາລົງທຶນດຳເນີນທຸລະກິດຢ່າງມີປະສິດທິຜົນ ແລະ ຍືນຍົງຢູ່ ຫວຽດນາມ.

ບົນຈິດໃຈນັ້ນ, ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ໄດ້ສະເໜີໃຫ້ Boeing ສືບຕໍ່ສົມທົບກັນຢ່າງແໜ້ນແຟ້ນກັບບັນດາຄູ່ຮ່ວມມືຂອງ ຫວຽດນາມ ເພື່ອສຳເລັດ ແລະ ມອບບັນດາໃບສັ່ງຊື້ເຮືອບິນທີ່ໄດ້ລົງນາມເມື່ອບໍ່ດົນມານີ້, ພິເສດແມ່ນ Boeing ຈະຄົ້ນຄວ້າ, ຜັນຂະຫຍາຍຢ່າງໂດຍໄວການລົງທຶນເຂົ້າບັນດາໂຮງງານຜະລິດເຄື່ອງອາໄຫຼ່, ກໍ່ສ້າງສູນກາງບຳລຸງຮັກສາເຄື່ອງຈັກ, ອຸປະກອນເຮືອບິນຂະໜາດພາກພື້ນ ຕິດພັນກັບບັນດາສະໜາມບິນໃຫຍ່ຂອງ ຫວຽດນາມ; ພ້ອມກັນນັ້ນ ກໍ່ເພີ່ມທະວີການຮ່ວມມື, ໜູນຊ່ວຍການບຳລຸງສ້າງແຫຼ່ງຊັບພະຍາກອນມະນຸດ, ຮ່ວມມືໃນຂົງເຂດຄົ້ນຄ້ວາ ແລະ ພັດທະນາ (R&D), ຖ່າຍທອດເຕັກໂນໂລຢີ, ນຳບັນດາຄູ່ຮ່ວມມື ຫວຽດນາມ ເຂົ້າສູ່ບັນດາລະບົບສະໜອງຂອງ Boeing ຢ່າງເລິກເຊິ່ງກ່ວາອີກ.

ທ່ານ Brendan Nelson ໄດ້ປຶກສາຫາລືກ່ຽວກັບຍຸດທະສາດ ແລະ ບັນດາຄຳໝັ້ນສັນຍາການຮ່ວມມືຂອງ Boeing ກັບ ຫວຽດນາມ ໃນໄລຍະຈະມາເຖິງ ເພື່ອໃຫ້ນັບມື້ນັບມີປະຊາຊົນຫຼາຍຄົນໄດ້ຮັບການບໍລິການການບິນ. ທ່ານຍັງໃຫ້ຮູ້ວ່າ ກຸ່ມບໍລິສັດພວມສົມທົບກັນຢ່າງແໜ້ນແຟ້ນກັບ Vietnam Airlines ເພື່ອສຳເລັດສັນຍາຊື້ເຮືອບິນທີ່ໄດ້ລົງນາມ, ຄາດວ່າຈະສຳເລັດໃນປີ 2028.

ຫວຽດນາມ - ການາດາ ເພີ່ມທະວີການຮ່ວມມືດ້ານວັດທະນະທຳ, ສິລະປະ, ການພົບປະແລກປ່ຽນປະຊາຊົນ

ຍສໝ - ນີ້ແມ່ນເນື້ອໃນຂອງການພົບປະແລກປ່ຽນລະຫວ່າງທ່ານ ຟ່ານແອງເຊີນ, ປະທານສະຫະພັນບັນດາອົງການມິດຕະພາບ ຫວຽດນາມ (VUFO) ແລະ ທ່ານ Shawn Steil, ເອກອັກຄະລັດຖະທູດ ການາດາ ປະຈຳ ຫວຽດນາມ, ໃນຕອນເຊົ້າວັນທີ 27 ສິງຫາ ຢູ່ ຮ່າໂນ້ຍ.

ຫວຽດນາມ ແມ່ນຂົວຕໍ່ສຳຄັນລະຫວ່າງ ອາຊຽນ ກັບບັນດາຄູ່ຮ່ວມມື

ຍສໝ - ໂດຍແມ່ນພື້ນຖານເສດຖະກິດທີ່ມີການເຕີບໂຕແຖວໜ້າໃນອາຊຽນ, ຫວຽດນາມ ພວມນຳໜ້າບັນດາຄວາມມານະພະຍາຍາມຂອງ ອາຊຽນໃນການຮັດແຄບໄລຍະຫ່າງຂອງການພັດທະນາ ແລະ ເພີ່ມທະວີການເຊື່ອມໂຍງເຂົ້າກັບພາກພື້ນ.

ມີງດຶກ