 | 5 ໜ້າທີ່ຈຸດສຸມສະມາຄົມມິດຕະພາບຫວຽດນາມ - ອາເມລິກາ ແຂວງ ດົ່ງນາຍ ຕ້ອງປະຕິບັດ |
| ບຸນເຕັດພື້ນເມືອງບຸນປີໃໝ່ ແລະ Chol Chnam Thmay ໄດ້ຮັບການຈັດຕັ້ງຢູ່ຫຼາຍແຂວງ, ນະຄອນຢູ່ ຫວຽດນາມ |
ວັນທີ 24 ມິຖຸນາ, ສະຖານທູດ ຫວຽດນາມ ປະຈຳ Washington DC ໄດ້ຈັດຕັ້ງການໂອ້ລົມເຈລະຈາກ່ຽວກັບການລົງທຶນດຳເນີນທຸລະກິດຢູ່ ອາເມລິກາ ກັບບັນດາວິສາຫະກິດ ຫວຽດນາມ ເວທີປາໄສດຶງດູດການລົງທຶນເຂົ້າໃນ ອາເມລິກາ (Select USA Investment Summit) ໃນປີ 2024.
 |
| ບັນດາຜູ້ແທນເຂົ້າຮ່ວມເຫດການ. |
ທີ່ການໂອ້ລົມເຈລະຈາ ມີການເຂົ້າຮ່ວມຂອງທ່ານນາງ Pamela Phan, ຮອງຜູ້ຊ່ວຍວຽກລັດຖະມົນຕີການຄ້າ ອາເມລິກາ; ທ່ານ Marc Knapper, ເອກອັກຄະລັດຖະທູດ ອາເມລິກາ ປະຈຳ ຫວຽດນາມ; ແລະ ບັນດາຜູ້ຕາງໜ້າກະຊວງການຕ່າງປະເທດ, ກະຊວງການຄ້າ, ສະຖານທູດ ອາເມລິກາ ປະຈຳ ຮ່າໂນ້ຍ, ສະຖານກົງສຸນໃຫຍ່ ອາເມລິກາ ປະຈຳນະຄອນ ໂຮ່ຈີມິນ, ບັນດາສະມາຄົມ, ວິສາຫະກິດອາເມລິກາ ແລະ ປະຊາຄົມວິສາຫະກິດທີ່ມີເຊື້ອຊາດ ຫວຽດນາມ ຢູ່ ອາເມລິກາ.
ກ່າວຄຳປາໄສທີ່ການໂອ້ລົມເຈລະຈາ, ທ່ານເອກອັກຄະລັດຖະທູດ ຫງວຽນກວກຢຸງ ໄດ້ຕີລາຄາວ່າ ຫວຽດນາມ ເຂົ້າຮ່ວມເຫດການ Select USA ຄັ້ງທຳອິດຢ່າງຄັບຄາໜາແໜ້ນ, ດ້ວຍຈຳນວນວິສາຫະກິດບັນລຸ 70 ກວ່າແຫ່ງ ເຊິ່ງສະແດງໃຫ້ເຫັນການພັດທະນາອັນພົ້ນເດັ່ນຂອງການພົວພັນລະຫວ່າງສອງປະເທດ, ສ່ອງແສງໃຫ້ເຫັນເຖິງການພັດທະນາ ແລະ ການເຊື່ອມໂຍງເຂົ້າກັບສາກົນຂອງ ຫວຽດນາມ, ພ້ອມທັງສະແດງໃຫ້ເຫັນຄວາມມຸ່ງມາດປາດຖະໜາຂອງວິສາຫະກິດ ຫວຽດນາມ ເພື່ອມຸ່ງໄປເຖິງທ້ອງຕະຫຼາດສາກົນ.
 |
| Đại sứ Nguyễn Quốc Dũng phát biểu. ທ່ານເອກອັກຄະລັດຖະທູດ ຫງວຽນກວກຢຸງ ກ່າວຄຳປາໄສ. |
ທ່ານນາງ Pamela Phan, ຮອງຜູ້ຊ່ວຍວຽກລັດຖະມົນຕີການຄ້າ ອາເມລິກາ ໄດ້ຕີລາຄາວ່າ ຫວຽດນາມ ແມ່ນຄູ່ຮ່ວມມືການຄ້າສຳຄັນອັນດັບ 9 ຂອງ ອາເມລິກາ ໃນປີ 2023; ຢືນຢັນວ່າ ລັດຖະບານ ອາເມລິກາ ຈະໜູນຊ່ວຍ ແລະ ສ້າງເງື່ອນໄຂສະດວກໃຫ້ບັນດາວິສາຫະກິດ ຫວຽດນາມ ເມື່ອລົງທຶນ ແລະ ດຳເນີນທຸລະກິດຢູ່ ອາເມລິກາ.
 |
| ທ່ານນາງ Pamela Phan, ຮອງຜູ້ຊ່ວຍວຽກລັດຖະມົນຕີການຄ້າ ອາເມລິກາ ກ່າວຄຳປາໄສ. |
ທ່ານເອກອັກຄະລັດຖະທູດ ອາເມລິກາ ປະຈຳ ຫວຽດນາມ Marc Knapper ໃຫ້ຮູ້ວ່າ ເລື່ອງສອງປະເທດຍົກລະດັບເປັນການພົວພັນຄູ່ຮ່ວມມືຍຸດທະສາດຮອບດ້ານ ກໍ່ໄດ້ສ້າງຄວາມສະດວກໃຫ້ແກ່ບັນດາການພົວພັນດ້ານເສດຖະກິດ-ການຄ້າ; ຊຸກຍູ້ໃຫ້ບັນດາວິສາຫະກິດ ຫວຽດນາມ ໄປລົງທຶນຢູ່ ອາເມລິກາ ແລະ ໄດ້ຮັບຜົນປະໂຫຍດຈາກບັນດາໂຄງການສົ່ງເສີມການລົງທຶນຄື Select USA ແລະ ບັນດາໂຄງການອື່ນໆ.
 |
| ທ່ານເອກອັກຄະລັດຖະທູດ ອາເມລິກາ ປະຈຳ ຫວຽດນາມ Marc Knapper ກ່າວຄຳປາໄສ. |
ບັນດາວິສາຫະກິດ Vietcombank, Vinfast ໄດ້ແບ່ງປັນບັນດາປະສົບການ, ກາລະໂອກາດ, ສິ່ງທ້າທາຍເມື່ອລົງທຶນຢູ່ ອາເມລິກາ ກໍ່ຄືແຜນການຂອງບັນດາວິສາຫະກິດ ເພື່ອເປີດກວ້າງການຜະລິດ, ການດຳເນີນທຸລະກິດຕື່ມອີກ.
 |
| ຜູ້ຕາງໜ້າບັນດາວິສາຫະກິດ ກ່າວປາໄສທີ່ເຫດການ. |
ທະນາຄານ Eximbank, Vietcombank, Ernst & Young ກໍ່ແນະນຳບັນດາຜະລິດຕະພັນ, ການບໍລິການ ແລະ ບັນດາໂຄງການໜູນຊ່ວຍທີ່ບັນດາທະນາຄານ, ວິສາຫະກິດສາມາດສະໜອງໃຫ້ແກ່ວິສາຫະກິດເມື່ອລົງທຶນ, ດຳເນີນທຸລະກິດຢູ່ ອາເມລິກາ.
ທີ່ການໂອ້ລົມເຈລະຈາ, ບັນດາວິສາຫະກິດ ຫວຽດນາມ ແລະ ອາເມລິກາ ໄດ້ມີການແບ່ງປັນ, ແລກປ່ຽນຫຼາຍຢ່າງກ່ຽວກັບບັນດາກາລະໂອກາດຮ່ວມມື, ລະບຽບການກ່ຽວກັບການລົງທຶນ, ດຳເນີນທຸລະກິດຢູ່ ອາເມລິກາ.
 | ເປີດຕົວປຶ້ມ “ຄະນະກຳມະການ ຫວຽດນາມ ສາມັກຄີ ແລະ ການຮ່ວມມື ອາຊີ - ອາຟຣິກາ - ອາເມລີກາລາຕິນ: ບັນດາເສັ້ນທາງ, ບັນດາເພື່ອນມິດ” ຍສໝ - ປຶ້ມດັ່ງກ່າວ ໄດ້ພິມອອກເປັນສອງພາສາ ຫວຽດນາມ - ອັງກິດ, ມີຄວາມໜາກວ່າ 300 ໜ້າ. ຜ່ານປຶ້ມດັ່ງກ່າວ, ບັນດາເພື່ອນມິດ, ບັນດາການເດີນທາງ ແລະ ການປະກອບສ່ວນຂອງຄະນະກຳມະການ ຫວຽດນາມ ສາມັກຄີ ແລະ ການຮ່ວມມື ອາຊີ - ອາຟຣິກາ - ອາເມລິກາລາຕິນ ສຳລັບເປົ້າໝາຍສັນຕິພາບ, ... |
 | ສະຖານທູດ ຫວຽດນາມ ປະຈຳ ໂປໂລຍ ໜູນຊ່ວຍປະຊາຊົນໃນການອອກເອກະສານຄືນໃໝ່ພາຍຫຼັງທີ່ເສຍຫາຍຍ້ອນໄຟໄໝ້ ຍສໝ - ວັນທີ 17 ພຶດສະພານີ້, ສະຖານທູດ ຫວຽດນາມ ປະຈຳ ໂປໂລຍ ໄດ້ເລີ່ມດຳເນີນວຽກງານກົງສຸນເພື່ອຮັບ, ແກ້ໄຂເອກະສານຂອງປະຊາຊົນທີ່ຖືກເສຍຫາຍໃນໄຟໄໝ້ສູນການຄ້າ Marywilska 44. ປະຊາຊົນຫຼາຍຄົນ ໄດ້ອອກເອກະສານໃໝ່ ຫລັງຈາກໄດ້ຍື່ນເອກະສານແລ້ວປະມານ 1 ຊົ່ວໂມງ. |
ມີງດຶກ
