 |
| ກອງທຶນແຫ່ງຄວາມເມດຕາ ຊຸດເສື້ອຍາວພັນລະຍາ ເອີລົບ ສະໜັບສະໜູນນະຄອນໂຮ່ຈີມິນ ເພື່ອຕ້ານໂລກລະບາດ (ພາບ: ຄະນະພັກນະຄອນໂຮ່ຈີມິນ) |
ວັນທີ 15 ກັນຍາ, ຜູ້ຕາງໜ້າຄະນະກຳມະການກ່ຽວກັບຊາວຫວຽດນາມ ອາໄສຢູ່ຕ່າງປະເທດ ນະຄອນໂຮ່ຈີມິນ, ທ່ານ ຫງວຽນຈິ໊ເຕິມ ຫົວໜ້າຫ້ອງການ, ປະທານກຳມະບານ ແລະ ທ່ານເຈິ່ນກວາງທູ, ຫົວໜ້າຫ້ອງການເສດຖະກິດວິທະຍາສາດເຕັກໂນໂລຢີ ໄດ້ເປັນຕາງໜ້າກອງທຶນແຫ່ງຄວາມເມດຕາ ຊຸດເສື້ອຍາວພັນລະຍາ ເອີລົບ ໂອນເງິນສະໜັບສະໜູນຖັນແຖວແພດໝໍ ຂອງໂຮງໝໍເຈີ້ໄຮ, ນະຄອນໂຮ່ຈີມິນ ເປັນຈຳນວນ 125.024.000 ດົ່ງ.
ຄະນະກຳມະການຊາວຫວຽດາມ ອາໄສຢູ່ຕ່າງປະເທດ ນະຄອນໂຮ່ຈີມິນ ໄດ້ຮັບການມອບສິດຈາກຄະນະກຳມະການແຫ່ງລັດ ກ່ຽວກັບຊາວຫວຽດນາມ ອາໄສຢູ່ຕ່າງປະເທດ - ກະຊວງການຕ່າງປະເທດ ຮັບຈຳນວນວັດຖຸອຸປະກອນການແພດ (ລວມມີ: ຜ້າອັດປາກດັງ N95 3840 ອັນ, ຜ້າອັດປາກດັງ 3M 480 ອັນ, ຊຸດປ້ອງກັນເຊື້ອທາງການແພດ 80 ຊຸດ, ໜ້າກາກແຜ່ນຢາງ 500 ອັນ) ຂອງຊາວຫວຽດນາມ ອາໄສຢູ່ Sacarmento (California, ອາເມລິກາ) ໄດ້ສົ່ງມາໃຫ້ບັນດາທ່ານໝໍ, ໂຮງໝໍເຈີ້ໄຮ ທີ່ພວມຢູ່ແນວໜ້າໃນການປ້ອງກັນຕ້ານໂລກລະບາດໂຄວິດ - 19 ຢູ່ນະຄອນໂຮ່ຈີມິນ.
ທ່ານ ປ.ອ ເລມິງຮ່ຽນ - ຫົວໜ້າຫ້ອງການປະຕິບັດວຽກງານສັງຄົມ, ຮອງຫົວໜ້າປະສານການຜ່າຕັດອະໄວຍະວະພາຍໃນ ໂຮງໝໍ ເຈິ້ໄຮ ໄດ້ຮັບຈຳນວນເງິນສະໜັບສະໜູນຈາກກອງທຶນແຫ່ງຄວາມເມດຕາ ຊຸດເສື້ອຍາວພັນລະຍາ ເອີລົບ ແລະ ບັນດາວັດຖຸອຸປະກອນການແພດຂອງຊາວຫວຽດນາມ ອາໄສຢູ່ Sacarmento (California, ອາເມລິກາ).
ກອງທຶນແຫ່ງຄວາມເມດຕາ ຊຸດເສື້ອຍາວພັນລະຍາ ເອີລົບ ໄດ້ຕັ້ງໜ້າຮຽກຮ້ອງການປະກອບສ່ວນຂອງບັນດາຊາວຫວຽດນາມພວມອາໄສ ແລະ ເຮັດວຽກຢູ່ ເອີລົບ ສະໜັບສະໜູນບັນດາແພດໝໍ ທີ່ພວມຕໍ່ສູ້ເພື່ອກູ້ເອົາຊີວິດຜູ້ຕິດເຊື້ອພະຍາດໂຄວິດ - 19 ທັງເວັນ ແລະ ຄືນ ຢູ່ ຫວຽດນາມ ເວົ້າລວມ ແລະ ນະຄອນໂຮ່ຈີມິນ ເວົ້າສະເພາະ.
ທ່ານນາງ ຫງວຽນວຽດຈ່ຽວ, ປະທານສະພາພັນລະຍາ - ຊຸດເສື້ອຍາວ ພັນລະຍາທົ່ວເອີລົບ, ປະທານສະມາຄົມແມ່ຍິງ ຫວຽດນາມ ປະຈຳ ໂປໂລຍ ແບ່ງປັນວ່າ: “ພວກຂ້າພະເຈົ້າໄດ້ຜ່ານຜ່າໄລຍະຈຸດສຸມຂອງໂລກລະບາດໂຄວິດ - 19 ຢູ່ເອີລົບ ແລ້ວ ດັ່ງນັ້ນ ກໍ່ຍິ່ງມີຄວາມເຂົ້າໃຈກ່ຽວກັບບັນດາຄວາມທຸກຍາກລຳບາກຂອງຖັນແຖວແພດໝໍ - ບັນດານັກຮົບເສື້ອຂາວ ຢູ່ແຖວໜ້າຂອງບັ້ນຕໍ່ສູ້ຕ້ານໂລກລະບາດໂຄວິດ - 19 ກ່ວາອີກ. ໂດຍຕາງໜ້າ ກອງທຶນແຫ່ງຄວາມເມດຕາ ຊຸດເສື້ອຍາວພັນລະຍາ ເອີລົບ ທີ່ພວມຢູ່ຫວຽດນາມ ຈະມອບບັນດາຂອງຂັວນແຫ່ງຄວາມຮັກແພງໃຫ້ແກ່ບັນດາແພດໝໍໃນໂຮງໝໍໂດຍກົງ ເພື່ອລະດົມກຳລັງໃຈຈິດໃຈຢ່າງທັນການ ກໍ່ຄືໜູນຊ່ວຍໃຫ້ແກ່ໂຮງໝໍໃນການຊື້ບັນດາວັດຖຸອຸປະກອນທີ່ຈຳເປັນ.”
ບຸນຄົງ
