| ຮ່າໂນ້ຍ ອາດຈະແກ່ຍາວການລ໋ອກດາວຕື່ມອີກຢ່າງໜ້ອຍສຸດ 7 ວັນ ນັບແຕ່ວັນທີ 6 ກັນຍາ | |
| ຕົ້ນກຳເນີດຂອງວັນບຸນຕອບບຸນແທນຄຸນພໍ່ແມ່, ບັນພະບູລຸດ |
 |
| ພາເຂົ້າວັນບຸນໄຫວ້ພະຈັນ (ພາບ: TTXVN) |
ລາຍການສະແດງທາງໄກ “ວັນບຸນໄຫ້ວພະຈັນເຕົ້າໂຮມ” ຈະສ້າງແບບຈຳລອງພາເຂົ້າວັນບຸນໄຫວ້ພະຈັນທີ່ເປັນມູນເຊື້ອຂອງ ຊາວຮ່າໂນ້ຍ ໄລຍະຕົ້ນສະຕະວັດທີ XX ໂດຍອີງໃສ່ບັນດາເອກະສານພາບແຕ້ມ, ບົດບັນທຶກຂອງ Henri Oger, ຫງວຽນຕວັນ, ຟານເກ໊ບິ່ງ, ຫວູບັ່ງ…
ໃນພາເຂົ້າຂອງວັນບຸນໄຫວ້ພະຈັນ, ມີທ່ານປະລິນຍາເອກທີ່ເຮັດດ້ວຍເຈ້ຍໄດ້ວາງຢູ່ທີ່ຕັ້ງທີ່ສົມກຽດທີ່ສຸດ ເພື່ອແນໃສ່ສະແດງຄວາມຫວັງຢາກລູກຫຼານຮຽນເກັ່ງ, ປະສົບຜົນສຳເລັດ. ຖັດຈາກນັ້ນແມ່ນ ເຂົ້າໜົມໄຫວ້ພະຈັນພ້ອມກັບໝາກໄມ້ຊະນິດຕ່າງໆ.
ຄ່ຳຄືນວັນບຸນໄຫວ້ພະຈັນ, ທັງຄອບຄົວໄດ້ເຕົ້າໂຮມກັນຢູ່ອ້ອມພາເຂົ້າ, ເດັກນ້ອຍຈັດຕັ້ງການແຫ່ໂຄມໄຟ, ແຂ່ງຂັນໂຄງໄຟ, ຟ້ອນສິງໂຕ, ຫຼິ້ນບັນດາການລະຫຼິ້ນພື້ນເມືອງ, ຜູ້ໃຫຍ່ຈະຊົມພະຈັນ, ກິນເຂົ້າໜົມ ແລະ ດື່ມນ້ຳຊາ.
ຜ່ານການວາງສະແດງ, ແຂກເຂົ້າຊົມຈະໄດ້ສຳຜັດກັບເຄື່ອງຫຼິ້ນຊະນິດຕ່າງໆທີ່ໄດ້ຮັບການຟື້ນຟູຕາມຮູບແບບດັ້ງເດີມຜ່ານສີມືຂອງບັນດານັກສິລະປິນ ຢູ່ເມືອງເກົ່າ ແລະ ໝູ່ບ້ານຫັດທະກຳຢູ່ອ້ອມແອ້ມເມືອງທັງລອງ. ບັນດາແຫຼ່ງເອກະສານຈາກ ຫໍພິພິທະພັນ Quai Branly (ປະເທດ ຝລັ່ງ) ໃນຊຸມປີຕົ້ນສະຕະວັດທີ XX, ຢູ່ຮ່າໂນ້ຍເຄື່ອງຫຼິ້ນ ວັນບຸນໄຫວ້ພະຈັນ ແມ່ນອຸດົມສົມບູນທີ່ສຸດ ເຊິ່ງໄດ້ເຮັດຈາກວັດຖຸຫຼາຍຊະນິດທີ່ແຕກຕ່າງກັນ.
ບຸນຄົງ
