 |
| ພາບປະກອບ |
ວັນບຸນຕອບບຸນແທນຄຸນພໍ່ແມ່, ບັນພະບູລຸດ ເລີ່ມມາຈາກນິຍາຍພະແມ່ກວານອີມ ໄດ້ຊ່ວຍຊີວິດຂອງແມ່ຂອງຕົນ. ພິທີວັນບຸນຕອບບຸນແທນຄຸນກາຍເປັນວັນບຸນປະຈຳປີເພື່ອລະນຶກເຖິງຄຸນງາມຄາມດີບຸນຄຸນຂອງພໍ່ແມ່ ແລະ ບັນພະບູລຸດເວົ້າລວມ, ຕັກເຕືອນວ່າ ແຕ່ລະຄົນຕ້ອງເຄົາລົບນັບຖືສິ່ງທີ່ຕົນເອງພວມມີຢູ່ແລ້ວ, ຕັກເຕືອນພັນທະເປັນລູກຍາມໃດກໍ່ຕ້ອງຮູ້ບຸນຄຸນລ້ຽງດູຂອງພໍ່ແມ່ ເຊິ່ງຕ້ອງມີບັນດາການກະທຳທີ່ສະແດງຄວາມຮັກ ແລະ ຄວາມຮູ້ບຸນຄຸນຕໍ່ພໍ່ແມ່.
ນັບແຕ່ເວລາ ສາສະໜາພຸດ ໄດ້ເຜີຍແຜ່ມາເຖິງຫວຽດນາມ, ວັນບຸນຕອບບຸນແທນຄຸນພໍ່ແມ່ (ວັນເພັງ ເດືອນ 7 ຕາມຈັນທະປະຕິທິນຂອງທຸກໆປີ) ໄດ້ກາຍເປັນມູນເຊື້ອຂອງຈິດໃຈຕອບບຸນແທນຄຸນພໍ່ແມ່, ສອດຄ່ອງກັບຈິດໃຈຄວາມເຊື່ອຖືສາສະໜາບູຊາບັນພະບຸລຸດທີ່ສັກສິດຂອງຊາວ ຫວຽດນາມ.
ຫຼາຍພັນປີຜ່ານມາ, ວັນບຸນຕອບບຸນແທນຄຸນພໍ່ແມ່, ບັນພະບູລຸດ ຍາມໃດກໍ່ແມ່ນໜຶ່ງໃນບັນດາວັນບຸນທີ່ມີພະລັງຊີວິດດ້ານວັດທະນະທຳຢ່າງແຮງກ້າທີ່ສຸດໃນຊີວິດດ້ານຈິດໃຈຂອງຊາວຫວຽດນາມ ພວກເຮົາແຕ່ລະຄົນ.
ປັດຈຸບັນ, ວັນບຸນຕອບບຸນແທນຄຸນພໍ່ແມ່, ບັນພະບູລຸດ ບໍ່ພຽງແຕ່ມີຄວາມໝາຍດ້ານສາສະໜາທີ່ສັກສິດເທົ່ານັ້ນ ຫາກຍັງກາຍເປັນ “ວັນບຸນວັດທະນະທຳທີ່ເຕັມໄປດ້ວຍຈິດໃຈມະນຸດ”. ວັນບຸນຕອບບຸນແທນຄຸນມີຄວາມໝາຍເລິກເຊິ່ງພິເສດ, ປະຊາຊົນທຸກຄົນມຸ່ງກັບຄືນກົກເຄົ້າເຫງົ້າກໍ, ດ້ວຍຫຼັກສິນທຳທີ່ວ່າ "ກິນເຂົ້າຄິດຮອດຄຸນນາ, ກິນປາຄິດຮອດຄຸນນ້ຳ” ກັບບັນພະບຸລຸດ.
ຄວາມໝາຍຂອງ ວັນບຸນຕອບບຸນແທນຄຸນພໍ່ແມ່, ບັນພະບູລຸດ
ວັນບຸນຕອບບຸນແທນຄຸນພໍ່ແມ່, ບັນພະບູລຸດ ແມ່ນໂອກາດເພື່ອໃຫ້ລູກຫຼານໃນຄອບຄົວໄດ້ສະແດງຄວາມກະຕັນຍູຮູ້ບຸນຄຸນ, ຕອບບຸນແທນຄຸນການໃຫ້ກຳເນີດ ແລະ ລ້ຽງດູຂອງພໍ່ແມ່, ປູ່ຍ່າຕາຍາຍ ແລະ ສະແດງຄວາມເຄົາລົບຕໍ່ບັນພະບູລຸດ, ເສີມຂະຫຍາຍມູນເຊື້ອອັນດີງາມ “ກິນເຂົ້າຄິດຮອດຄຸນນາ, ກິນປາຄິດຮອດຄຸນນ້ຳ” ຂອງຊາດ ຫວຽດນາມ.
ເຮັດຫຍັງໃນວັນບຸນຕອບບຸນແທນຄຸນພໍ່ແມ່, ບັນພະບູລຸດ
ການເຄື່ອນໄຫວທີ່ໄດ້ຮັບການປະຕິບັດທີ່ສຸດ ແມ່ນໄປວັດວາອາຮາມ ພາວະນາຂໍໃຫ້ບັນດາຜູ້ທີ່ເສຍຊີວິດ ໄປສູ່ສຸຂະຕິ, ສ່ວນຜູ້ມີຍັງມີຊີວິດກໍ່ຈົ່ງມີສຸຂະພາບທີ່ເຂັ້ມແຂງ, ມີຄວາມຜາສຸກ.
ນອກຈາກນັ້ນ, ທຸກໆຄອບຄົວລ້ວນແຕ່ກະກຽມພາເຂົ້າບູຊາບັນພະບູລຸດ, ບູຊາໃຫ້ບັນດາຜູ້ທີ່ເສຍຊີວິດ ໄປສູ່ສຸຂະຕິ. ກິນເຈ ກໍ່ແມ່ນໜຶ່ງໃນບັນດາການເຄື່ອນໄຫວໃນວັນບຸນຕອບບຸນແທນຄຸນພໍ່ແມ່, ບັນພະບູລຸດ.
ໃນວັນນີ້, ບັນດາພຸດທະສາສະນິກະຊົນ ສ່ວນຫຼາຍຈະທຳພິທີບູຊາ, ພາລະນາ, ທຳບຸນ ຂໍໃຫ້ພໍ່ແມ່ມີອາຍຸຍືນຍາວ... ຫຼື ອາດຈະມອບບັນດາຄຳອວຍພອນ, ຂອງຂວັນທີ່ມີຄວາມໝາຍໃຫ້ແກ່ພໍ່ແມ່ຂອງຕົນ.
ບຸນຄົງ
