 |
| ພາບປະກອບ: Vietnam+ |
ການຄົ້ນຄ້ວາຫຼ້າສຸດຂອງ Visa ກ່ຽວກັບການຊຳລະເງິນສະແດງໃຫ້ເຫັນວ່າຊາວຫວຽດນາມຫວັງວ່າປະເທດຈະກ້າວໄປເຖິງສັງຄົມທີ່ບໍ່ນຳໃຊ້ເງິນສົດໃນປີ 2030, ດ້ວຍຜູ້ບໍລິໂພກຈຳນວນຫຼາຍ (84% ໃນຈຳນວນຜູ້ທີ່ໄດ້ຮັບການສຳຫຼວດ) ໄດ້ປ່ຽນເປັນບັນດາຮູບແບບດີຈີຕອນແລະບໍ່ນຳໃຊ້ເງິນສົດ.
ແລະກໍ່ໃນການສຳຫຼວດນີ້, ມີ 87% ຜູ້ບໍລິໂພກພວມນຳໃຊ້ການບໍລິການສົ່ງສິນຄ້າມາເຮືອນແລະ 98% ໃນຈຳນວນນັ້ນໄດ້ສັ່ງຊື້ສິນຄ້າສົ່ງມາເຮືອນເປັນປະຈຳໃນໄລຍະເກີດໂລກລະບາດໂຄວິດ - 19.
ຜູ້ບໍລິໂພກຫວຽດນາມກໍ່ພວມນຳໃຊ້ກະເປົາເງິນເອເລັກໂຕນິກ, ຊຳລະໂດຍບໍ່ມີການສຳຜັດ ແລະຊຳລະດ້ວຍລະຫັດ QR ເທື່ອລະກ້າວ. 57% ຜູ້ບໍລິໂພກຕິດຕັ້ງກະເປົາເງິນໃນໂທລະສັບມືຖືເຖິງ 3 ໂປແກຼມແລະ 55% ຜູ້ບໍລິໂພກນິຍົມນຳໃຊ້ໂປແກຼມທີ່ສາມາດປະຕິບັດທຸກໆການຊຳລະ.
ຕາມການຄາດຄະເນແລ້ວ, ການນຳໃຊ້ບັດໂດຍບໍ່ສຳຜັດ, ຊຳລະຜ່ານໂທລະສັບມືຖືແລະຊຳລະດ້ວຍລະຫັດ QR ໃຫ້ແກ່ບັນດາການຊຳລະໂດຍກົງຢູ່ຮ້ານຂາຍເຄື່ອງຈະເພີ່ມຂຶ້ນຢ່າງແຮງໃນໄລຍະຈະມາເຖິງ.
ບຸນຄົງ
