| ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ພົບປະກັບປະຊາຄົມຊາວ ຫວຽດນາມ ຢູ່ ອົດສະຕາລີ | |
| ຫວຽດນາມ ເຂົ້າຮ່ວມ ກອງປະຊຸມລັດຖະມົນຕີການທ່ອງທ່ຽວ ອາຊຽນ ຄັ້ງທີ 27 |
ກອງປະຊຸມໃຫຍ່ບານເຕະຊາວ ຫວຽດນາມ ແມ່ນເຫດການກິລາປະຈຳປີ ໄດ້ຈັດຕັ້ງໂດຍອົງການພົບປະແລກປ່ຽນສາກົນ ຫວຽດນາມ - ຍີ່ປຸ່ນ (FAVIJA), ພາຍໃຕ້ການອຸປະຖຳຂອງສະຖານທູດ ຫວຽດນາມ ປະຈຳ ຍີ່ປຸ່ນ.
 |
| ບັນດາທິມບານເຕະ ທີ່ເຂົ້າຮ່ວມການແຂ່ງຂັນພາຍຫຼັງພິທີເປີດ. (ພາບ: TTXVN) |
ກອງປະຊຸມໃຫຍ່ ໄດ້ມີການເຂົ້າຮ່ວມຂອງນັກກິລາບານເຕະສະໝັກຫຼິ້ນປະມານ 2.000 ຄົນ ແລະ ແຟນບານເຕະປະມານ 3.000 ຄົນເຊິ່ງແມ່ນຊາວຫວຽດນາມ ອາໄສຢູ່ຕ່າງປະເທດ ກໍຄືປະຊາຊົນທ້ອງຖິ່ນມາຊົມເຊຍຢູ່ສະໜາມກິລາ. ເຂົ້າຮ່ວມການແຂ່ງຂັນ ແມ່ນບັນດາທິມບານເຕະທີ່ເຕົ້າໂຮມຈາກບັນດານັກກິລາບານເຕະະສະໝັກຫຼີ້ນທີ່ມາຈາກບັນດາແຂວງ, ນະຄອນຂອງ ຫວຽດນາມ, ກໍຄືການເຂົ້າຮ່ວມຂອງບັນດາເພື່ອນມິດ, ເພື່ອນຮ່ວມອາຊີບຊາວ ຍີ່ປຸ່ນ ທີ່ມີຄວາມຮັກໃນກິລາບານເຕະ. ຜ່ານນັ້ນ ກໍ່ສ້າງບັນຍາກາດແຫ່ງການແລກປ່ຽນທີ່ຟົດຟື້ນ, ເພີ່ມທະວີການຕິດພັນ ແລະ ຄວາມເຂົ້າໃຈເຊິ່ງກັນ ແລະ ກັນລະຫວ່າງບັນດາທິມບານເຕະ.
ຮອບຄັດເລືອກຈະແບ່ງອອກເປັນ 19 ກຸ່ມ, ແຕ່ລະກຸ່ມ 4 ທີມ, ໂດຍຈະແຂ່ງຂັນພ້ອມກັນ 12 ເດີ່ນໃນຂອບເຂດສະໜາມກິລາ Redsland ໃນທ້າຍອາທິດ. ໃນຕອນທ້າຍຂອງການແຂ່ງຂັນຮອບຄັດເລືອກ, 40 ທີມບານເຕະທີ່ມີຄະແນນດີທີ່ສຸດຂອງແຕ່ລະກຸ່ມ ຈະເຂົ້າຮ່ວມແຂ່ງຂັນໃນຮອບຊີງຊະນະເລີດຂອງເຂດ ເຊິ່ງຈະດຳເນີນໃນວັນທີ 7 ເມສາ.
ນີ້ແມ່ນເຫດການເລີ່ມຕົ້ນຂອງບັນດາການແຂ່ງຂັນ ທີ່ໄດ້ຈັດຕັ້ງຕາມລຳດັບຢູ່ 7 ເຂດໃນທົ່ວປະເທດ ຍີ່ປຸ່ນ ແຕ່ເດືອນ ກຸມພາ ຫາ ເດືອນ ພະຈິກ 2024. ບັນດາທີມບານເຕະທີ່ມີອັນດັບສູງສຸດໃນແຕ່ລະການແຂ່ງຂັນຈະໄດ້ຮັບການຄັດເລືອກ ເພື່ອເຂົ້າຮ່ວມຮອບຊີງຊະນະເລີດ ລາງວັນບານເຕະຊີງຂັນຊະນະເລີດທົ່ວປະເທດຂອງຊາວ ຫວຽດນາມ ຢູ່ ຍີ່ປຸ່ນ 2024 (FAVIJA CUP 2024) ທີ່ຈະຈັດຕັ້ງໃນເດືອນ ທັນວາ ຈະມາເຖິງ.
ກ່າວຄຳປາໄສທີ່ພິທີເປີດ, ທ່ານອັກຄະລັດຖະທູດຖະທູດ ຫວຽດນາມ ປະຈຳ ຍີ່ປຸ່ນ ຫງວຽນດຶກມິງ ໄດ້ຕີລາຄາວ່າ ຊຸມຊົນຊາວຫວຽດນາມ ຢູ່ ຍີ່ປຸ່ນ ເວົ້າລວມ ແລະ ຢູ່ເຂດ Kanto ເວົ້າສະເພາະ ແມ່ນນັບມື້ນັບມີການພັດທະນາຢ່າງເຂັ້ມແຂງ. ບັນດາການເຄື່ອນໄຫວກິລາທີ່ໄດ້ຈັດຕັ້ງເປັນປະຈຳປີ ແລະ ຕະຫຼອດປີເຊັ່ນການແຂ່ງຂັນບານເຕະຄັ້ງນີ້ ກໍໄດ້ປະກອບສ່ວນສ້າງສະໜາມກິລາທີ່ປອດໃສ, ເປັນປະໂຫຍດ, ພ້ອມກັນນັ້ນ ກໍ່ເພີ່ມທະວີການຕິດພັນກັນໃນຊຸມຊົນຊາວ ຫວຽດນາມ ຢູ່ ຍີ່ປຸ່ນ, ກໍຄືຊຸກຍູ້ການພົບປະແລກປ່ຽນກັບຄົນທ້ອງຖິ່ນເດີມ.
ຕາມທ່ານປະທານ FAVIJA ໂດ້ກວາງບາ ແລ້ວ, ໂດຍຜ່ານການຈັດຕັ້ງການແຂ່ງຂັນບານເຕະປະຈຳປີນີ້, ຄະນະຈັດຕັ້ງ ໄດ້ໂຄສະນາເຜີຍແຜ່ໃຫ້ຊາວໜຸ່ມ ຫວຽດນາມ ທີ່ພວມຮ່ຳຮຽນ ແລະ ເຮັດວຽກຢູ່ ຍີ່ປຸ່ນ ກ່ຽວກັບສະຕິປະຕິບັດກົດໝາຍຂອງປະເທດປະຈຳຖິ່ນ, ກໍຄືຮຽກຮ້ອງບັນດາການປະກອບສ່ວນໜູນຊ່ວຍກອງທຶນ ເພື່ອກໍ່ສ້າງວັດ ຫວຽດນາມ ຢູ່ Tokyo, ກອງທຶນໜູນຊ່ວຍຊາວ ຫວຽດນາມ ທີ່ປະສົບກັບຄວາມຫຍຸ້ງຍາກຢູ່ ຍີ່ປຸ່ນ.
ທ່ານ Nakano Masahiro, ພະນັກງານຫ້ອງການກົນລະຍຸຮັບມືອາດຊະຍາກຳສາກົນ ຂຶ້ນກັບພະແນກຕຳຫຼວດ Tokyo ໃຫ້ຮູ້ວ່າ ບັນດາການເຄື່ອນໄຫວແລກປ່ຽນກິລາ, ບານເຕະແມ່ນມີຄວາມສຳຄັນທີ່ສຸດ, ປະກອບສ່ວນສ້າງຊຸມຊົນປອດໃສເພື່ອພ້ອມກັນພັດທະນາ, ຫຼຸດຜ່ອນບັນດາຄະດີລະເມີດກົດໝາຍ. ທ່ານຫວັງວ່າ ນັບມື້ນັບຈະມີການເຄື່ອນໄຫວທີ່ຄ້າຍຄືກັນຫຼາຍກວ່າ ໃນຫຼາຍປະເພດກິລາອື່ນໆ ເພື່ອນຳເອົາສະໜາມກິລາທີ່ປອດໃສມາໃຫ້ປະຊາຄົມຊາວ ຫວຽດນາມ ຢູ່ ຍີ່ປຸ່ນ.
ມິງດຶກ
