 |
| ທ່ານ ຫງວຽນວັນທ໊າຍ ຜູ້ອຳນວຍການສູນອານຸລັກຮັກສາ ສັດປ່າຢູ່ ຫວຽດນາມ |
ວັນທີ 15 ມິຖຸນາ, ທ່ານ ຫງວຽນວັນທ໊າຍ ຜູ້ອຳນວຍການສູນອານຸລັກຮັກສາ ສັດປ່າຢູ່ ຫວຽດນາມ (Save Vietnam's Wildlife- SVNW) ໄດ້ຮັບການຍ້ອງຍໍສັນລະເສີນ ຢູ່ພິທີມອບຮັບລາງວັນສິ່ງແວດລ້ອມ Goldman (Goldman Environmental Prize).
ພາຍຫຼັງການເຄື່ອນໄຫວທີ່ບໍ່ຫວັງຜົນກຳໄລມາເປັນເວລາ 7 ປີ, ໃນຖານະເປັນຜູ້ສ້າງຕັ້ງ SVNW ຢູ່ ຫວຽດນາມ, ທ່ານ ທ້າຍ ພ້ອມກັບຜູ້ຮ່ວມງານ ໄດ້ກູ້ຊ່ວຍເອົາໂຕລິ່ນ ກ່ວາ 1.500 ໂຕ, ໂດຍສົມທົບກັບກົມກອງກວດກາປ່າ ເກັບ ແລະ ທຳລາຍແຮ້ວກ່ວາ 9.700 ອັນ…
ພາຍຫຼັງກຸ່ມຕ້ານການລ່າສັດແບບພິດກົດໝາຍຢູ່ປ່າສະຫງວນແຫ່ງຊາດ ປູມາດ ໄດ້ຮັບການສ້າງຕັ້ງມາເປັນເວລາ 3 ປີ, ຫົວໜ່ວຍນີ້ໄດ້ທຳລາຍແຮ້ວ 10.000 ອັນ, ເກັບປືນໄດ້ 90 ອັນ, ກັກຕົວເປົ້າໝາຍຄົນລ່າສັດແລະ ຄ້າຂາຍສັດປ່າແບບຜິດກົດໝາຍ 600 ຄົນ.
Goldman ໄດ້ຕີລາຄາວ່າ ບັນດາການປະກອບສ່ວນຂອງທ່ານ ທ໊າຍ ແລະ SVNW ໄດ້ນຳມາເຊິ່ງບັນດາການກະທົບອັນໃຫຍ່ຫຼວງ ກ່ຽວກັບຄວາມເຂົ້າໃຈ ແລະ ຄວາມມານະພະຍາຍາມໃນການປົກປັກຮັກສາໂຕລິ່ນ. ນອກຈາກການສະກັດກັ້ນໄພລ່າສັດ, ຄ້າຂາຍສັດປ່າແບບພິດກົດໝາຍແລ້ວ, ທ່ານທ໊າຍຍັງຈັດຕັ້ງໂຄງການສຶກສາເພື່ອຍົກສູງຄວາມຮັບຮູ້ໃຫ້ແກ່ປະຊາຄົມກ່ຽວກັບຄວາມສຳຄັນຂອງການອະນຸລັກຮັກສາສັດປ່າ.
ທ່ານ ຫງວຽນວັນທ໊າຍ ແມ່ນຜູ້ຂຽນໃນຫຼາຍໂຄງການຄົ້ນຄ້ວາສາກົນ, ເຂົ້າຮ່ວມບັນດາກອງປະຊຸມສຳມະນາສາກົນ ແລະ ສ້າງບັນດາຂັ້ນຕອນທຳອິດກ່ຽວກັບການຕິດຕາມ ແລະ ຟື້ນຟູໂຕລິ່ນຢູ່ ຫວຽດນາມ ຄື: ນຳສູນການສຶກສາອະນຸລັກຮັກສາສັດພັນຊິ້ນ ແລະ ໂຕລິ່ນເຂົ້າເຄື່ອນໄຫວທຳອິດຢູ່ ຫວຽດນາມ ແມ່ນຢູ່ ນີງບິງ, ສູນຟື້ນຟູ ໂຕລິ່ນ ອາຊີ ທຳອິດ ຂອງ ຫວຽດນາມ. ດັ່ງນັ້ນ 80% ຈຳນວນໂຕລິ່ນທີ່ຖືກບາດເຈັບໜັກຈິ່ງໄດ້ຮັບການປິ່ນປົວ ແລະ ຟື້ນຟູ.
ກ່ອນ ທ່ານທ້າຍ, ຢູ່ຫວຽດນາມ ກໍມີທ່ານນາງ ງູຍທິແຄງ - ຜູ້ອຳນວຍການຝ່າຍບໍລິຫານສູນພັດທະນາຫົວຄິດປະດິດສ້າງຂຽວ (GreenID) ທີ່ໄດ້ຮັບການຍ້ອງຍໍສັນລະເສີນຈາກ Goldmanໃນປີ 2018.
Goldman ໄດ້ຮັບການສ້າງຕັ້ງແຕ່ປີ 1989 ໂດຍນັກເຄື່ອນໄຫວທຳການກຸສົນ ຊາວອາເມລິກາ Richard ແລະ Rhoda Goldman, ໂດຍແມ່ນການຢັ້ງຢືນຢູ່ລະດັບສາກົນ ໃຫ້ແກ່ບັນດາຜົນງານ ແລະ ການອຸທິດສ່ວນຂອງສ່ວນບຸກຄົນ ເຊິ່ງເປັນຜູ້ນຳດ້ານສິ່ງແວດລ້ອມທີ່ພົ້ນເດັ່ນໃນທົ່ວໂລກ.
 | ຄົ້ນຫາປ່າຢູ່ດົງໂມດ້ວຍລົດ ATV ລົດ ATV ມີແຕ່ສາມລໍ້ ຫາ ສີ່ລໍ້ ລົດປະເພດນີ້ເຄີຍນຳໃຊ້ຢູ່ບັນປະເທດພັດທະນາໃນໂລກ. ເມື່ອບໍ່ດົນມານີ້ ພວກນິຍົມລົດATVຢູ່ ຫວຽດນາມໄດ້ມີໂອກາດຮ່ວມເດີນທາງພ້ອມກັບລົດATV 50 ຄັນ ຢູ່ຕາມສາຍທາງຢູ່ດົງໂມ ດິດສະໂກເວຣີ ຂຶ້ນກັບເຂດທ່ອງທ່ຽວດົງໂມເຊີນເຕິຍຮ່າໂນ້ຍ. |
 | ກອງປະຊຸມການໂອ້ລົມສົນທະນານະໂຍບາຍສິ່ງແວດລ້ອມຫວຽດນາມ - ຍີ່ປຸ່ນ ຄັ້ງທີ 6 ຍສໝ - ເນື່ອງໃນໂອກາດນີ້, ລັດຖະມົນຕີສອງທ່ານໄດ້ລົງນາມແກ່ຍາວເວລາກຳນົດຂອງບົດບັນທຶກຊ່ວຍຈຳຮ່ວມມືກ່ຽວກັບສິ່ງແວດລ້ອມລະຫວ່າງ ສອງກະຊວງ ມຸ່ງໄປສູ່ບັນດາເປົ້າໝາຍ: ເພີ່ມທະວີ, ສ້າງເງື່ອນໄຂ ແລະ ພັດທະນາການຮ່ວມມືໃນຂົງເຂດສິ່ງແວດລ້ອມ, ຢັ້ງຢືນຄືນໃໝ່ຄວາມສຳຄັນຂອງບັນດາການກະທຳເພື່ອແນໃສ່ປະຕິບັດສຳເລັດຂໍ້ຕົກລົງ Paris, ບັນດາເປົ້າພັດທະນາແບບຍືນຍົງໂດຍໄວ. |
 | ຫວຽດນາມຮ່ວມຈັດຕັ້ງການປຶກສາຫາລື ແລະ ປົກປັກຮັກສາສິ່ງແວດລ້ອມໃນການປະທະກັນດ້ານອາວຸດ ຍສໝ - ວັນທີ 29 ພຶດສະພາ, ຄະນະປະຕິບັດງານຫວຽດນາມ ປະຈຳ ສປຊ ພ້ອມກັບຄະນະປະຕິບັດງານ ສະວິດ, ຫ້ອງການປະສານງານບັນດາການເຄື່ອນໄຫວມະນຸດສະທຳຂອງ ສປຊ (OCHA), ໂຄງການສິ່ງແວດລ້ອມຂອງ ສປຊ (UNEP) ແລະ ອົງການຈັດຕັ້ງ PAX ໄດ້ຈັດ ການປຶກສາຫາລືທາງອອນລາຍທີ່ມີຊື່ວ່າ “ປົກປັກຮັກສາສິ່ງແວດລ້ອມໃນການປະທະກັນດ້ວຍອາວຸດ ແມ່ນ ປົກປ້ອງສາມັນຊົນ”. |
ບຸນຄົງ
