ຍສໝ - ໃນຕອນເຊົ້າວັນທີ 3 ພຶດສະພາ, ທ່ານນາງ Takaichi Sanae ໄດ້ເດີນທາງອອກຈາກ ຮ່າໂນ້ຍ, ສິ້ນສຸດບົດຢ້ຽມຢາມຢ່າງເປັນທາງການ ຢູ່ ຫວຽດນາມ ແຕ່ວັນທີ 1 ຫາ 3 ພຶດສະພາ ຕາມຄຳເຊື້ອເຊີນຂອງທ່ານນາຍົກລັດຖະມົນຕີ ເລມິງຮືງ.
ຍສໝ - ຕາມທ່ານຮອງລັດຖະມົນຕີກະຊວງການຕ່າງປະເທດ ຫງວຽນແມ້ງເກື່ອງ ແລ້ວ, ບົດຢ້ຽມຢາມລັດຖະກິດ ຢູ່ ອິນເດຍ ຂອງທ່ານເລຂາທິການໃຫຍ່, ປະທານປະເທດ ໂຕເລິມ ແມ່ນໂອກາດທີ່ມີຄວາມໝາຍເປັນຢ່າງຍິ່ງ ເພື່ອໃຫ້ສອງປະເທດປັບປຸງ ແລະ ເພີ່ມທະວີສາຍພົວພັນໃນທຸກດ້ານ, ທັງພ້ອມກັນຫວນຄືນການຈັດຕັ້ງປະຕິບັດຂອບເຂດຄູ່ຮ່ວມມືຍຸດທະສາດຮອບດ້ານໃນ 10 ປີຜ່ານມາ, ຈາກນັ້ນກໍສ້າງກຳລັງຊຸກຍູ້ໃໝ່ ແລະ ກຳນົດຂອບເຂດການຮ່ວມມື ໃຫ້ແກ່ສາຍພົວພັນທະວິພາຄີລະຫວ່າງ ຫວຽດນາມ ແລະ ອິນເດຍ ຂຶ້ນສູ່ລະດັບສູງໃໝ່ໃນໄລຍະຕໍ່ໄປ.
ຍສໝ - ໃນຂອບເຂດກອງປະຊຸມກວດກາຄືນ ສົນທິສັນຍາວັດຖຸບໍ່ແຜ່ຂະຫຍາຍອາວຸດນິວເຄຼຍ ຄັ້ງທີ 11 (NPT RevCon 11) ເຊິ່ງດຳເນີນແຕ່ວັນທີ 27 ເມສາ - 25 ພຶດສະພາ, ຢູ່ສຳນັກງານຄະນະຜູ້ແທນຖາວອນ ຫວຽດນາມ ປະຈຳ ອົງການສະຫະປະຊາຊາດ ທີ່ ນິວຢອກ (ສະຫະລັດ ອາເມລິກາ), ທ່ານເອກອັກຄະລັດຖະທູດ ໂດຮຸ່ງຫວຽດ, ຫົວໜ້າຄະນະຜູ້ແທນຖາວອນ ຫວຽດນາມ ປະຈຳ ອົງການສະຫະປະຊາຊາດ, ປະທານທີ່ໄດ້ຮັບການແຕ່ງຕັ້ງຂອງກອງປະຊຸມ ໄດ້ໃຫ້ການຕ້ອນຮັບທ່ານ ຊີອີ ຄາຊຸໂອະ (Shii Kazuo), ປະທານພັກກອມມູນິດ ຍີ່ປຸ່ນ, ເພື່ອແລກປ່ຽນກ່ຽວກັບບັນດາເນື້ອໃນທີ່ກ່ຽວຂ້ອງເຖິງກອງປະຊຸມ ແລະ ບັນດາມາດຕະການເພີ່ມທະວີການຮ່ວມມືປົດປ່ອຍອາວຸດ.
ປີ 2026, ຫວຽດນາມ ຈະຈັດພິທີສະເຫຼີມສະຫຼອງ 51 ປີແຫ່ງວັນທ້ອນໂຮມປະເທດຊາດເປັນເອກະລາດ (30/4/1975 - 30/4/2026). ນີ້ແມ່ນຂີດໝາຍສຳຄັນໃນປະຫວັດສາດປົກປັກຮັກສາປະເທດຊາດຂອງຊາດ ຫວຽດນາມ. ການສະເຫຼີມສະຫຼອງ 51 ປີແຫ່ງວັນໄຊຊະນະ 30 ເມສາ ກໍ່ແມ່ນໂອກາດເຊີດຊູບັນດາຄຸນຄ່າຂອງສັນຕິພາບ, ເອກະລາດ. ຍິ່ງກ່ວາໃຜໝົດ, ຄົນ ຫວຽດນາມ ໄດ້ເຂົ້າໃຈຄວາມສຳຄັນຂອງຜືນແຜ່ນດິນອັນຄົບຖ້ວນ, ຄວາມເປັນເອກະລາດຂອງຊາດ.
ຍສໝ - ເນື່ອງໃນໂອກາດສະເຫຼີມສະຫຼອງ ຄົບຮອບ 51 ປີ ວັນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ (30 ເມສາ 1975 - 30 ເມສາ 2026), ໃນຕອນເຊົ້າວັນທີ 28 ເມສາ, ຄະນະຜູ້ແທນຄະນະບໍລິຫານງານສູນກາງພັກ, ປະທານປະເທດ, ສະພາແຫ່ງຊາດ, ລັດຖະບານ, ຄະນະກຳມະການສູນກາງແນວໂຮມປະເທດຊາດຫວຽດນາມ ໄດ້ວາງພວງມາລາ, ເຂົ້າຢ້ຽມຂໍ່ານັບສຸສານ ປະທານ ໂຮ່ຈີມິນ ແລະ ຈຸດທູບ, ອາໄລຫາບັນດາວິລະຊົນຜູ້ເສຍສະຫຼະຊີວິດເພື່ອຊາດ ຢູ່ທີ່ອະນຸສາວະລີບັນດາວິລະຊົນຜູ້ເສຍສະຫຼະຊີວິດເພື່ອຊາດ ຢູ່ຖະໜົນ ບັກເຊີນ.
ເນື່ອງໃນໂອກາດສະເຫຼີມສະຫຼອງວັນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ ຄົບຮອບ 51 ປີ (ວັນທີ 30 ເມສາ 1975 – 30 ເມສາ 2026), ຕອນເຊົ້າວັນທີ 29 ເມສາ, ພາຍໃຕ້ເສົາທຸງຂອງປະເທດຊາດ, ຢູ່ເຂດປູຊະນີຍະສະຖານປະຫວັດສາດລະດັບຊາດພິເສດ ສອງຟາກແມ່ນ້ຳ ຮ່ຽນເລືອງ - ເບັນຫາຍ (ແຂວງ ກວາງຈິ) ໄດ້ດຳເນີນພິທີເອົາທຸງຂຶ້ນເສົາ “ທ້ອນໂຮມປະເທດຊາດເປັນເອກະພາບ” ປີ 2026.
ຍສໝ - ເນື່ອງໃນໂອກາດສະເຫຼີມສະຫຼອງວັນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ ຄົບຮອບ 51 ປີ (30/4/1975 - 30/4/2026), ໃນຕອນເຊົ້າວັນທີ 28 ເມສາ, ຄະນະຜູ້ແທນຄະນະບໍລິຫານງານສູນກາງພັກ, ປະທານປະເທດ, ສະພາແຫ່ງຊາດ, ລັດຖະບານ, ຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ເຂົ້າວາງພວງມາລາ, ໄປຖະຫວາຍທູບທຽນປະທານ ໂຮ່ຈີມິມ, ອາໄລຫາບັນດານັກຮົບວິລະຊົນທີ່ເສຍສະລະຊີວິດເພື່ອຊາດ ຢູ່ອະນຸສາວະລີນັກຮົບວິລະຊົນທີ່ເສຍສະລະຊີວິດເພື່ອຊາດ ຢູ່ຖະໜົນ ບັກເຊີນ.
ຍສໝ - ວັນທີ 30 ເມສາ ບໍ່ພຽງແຕ່ແມ່ນຂີດໝາຍອັນຮຸ່ງເຮືອງເຫຼືອງເຫຼື້ອມ ໃນປະຫວັດສາດແຫ່ງການຕໍ່ສູ້ປົດປ່ອຍຊາດ, ທ້ອນໂຮມປະເທດຊາດເປັນເອກະພາບເທົ່ານັ້ນ, ແຕ່ຍັງແມ່ນຈຸດຢືນທາງດ້ານຈິດໃຈ ເພື່ອໃຫ້ ຫວຽດນາມ ກ້າວເຂົ້າສູ່ສັງກາດໃໝ່ ດ້ວຍທ່າທີແຫ່ງຄວາມເຊື່ອໝັ້ນ, ບົດບາດອັນສະຫງ່າຜ່າເຜີຍ ແລະ ຄວາມມຸ່ງມາດປາດຖະໜາທີ່ຈະບືນຕົວຂຶ້ນຢ່າງແຂງແຮງ.
ຍສໝ - ໃນບັນຍາກາດແຫ່ງການສະເຫຼີມສະຫຼອງ 51 ປີ ວັນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ (ວັນທີ 30 ເມສາ ປີ 1975 - ວັນທີ 30 ເມສາ ປີ 2026), "ງານວາງສະແດງ ແລະ ລາງວັນວິຈິດສິນ 2026 - ສິລະປະການປັ້ນຫຼໍ່ຂອງນະຄອນ ໃນຮອບ 5 ປີ" ໄດ້ໄຂຂຶ້ນໃນວັນທີ 27 ເມສາ ຢູ່ຫໍພິພິທະພັນວິຈິດສິນ ນະຄອນ ໂຮ່ຈີມິນ, ເຊິ່ງໄດ້ດຶງດູດບັນດາຜູ້ຊ່ຽວຊານ ແລະ ມວນຊົນທີ່ມັກຮັກໃນສິລະປະເຂົ້າຮ່ວມຢ່າງຫຼວງຫຼາຍ.
ຍສໝ - ການເລືອກເອົາວັນທີ 24 ພະຈິກ ຂອງທຸກໆປີ ເປັນວັນວັດທະນະທຳ ຫວຽດນາມ ບໍ່ພຽງແຕ່ແມ່ນການເພີ່ມວັນພັກອີກໜຶ່ງວັນເທົ່ານັ້ນ, ແຕ່ຍັງເປັນການຢືນຢັນເຖິງບົດບາດສຳຄັນຂອງວັດທະນະທຳ ໃນຍຸດທະສາດແຫ່ງການພັດທະນາປະເທດຊາດ. ສິ່ງດັ່ງກ່າວ ໄດ້ຮັບຄວາມຫວັງວ່າຈະກາຍເປັນ “ຈຸດນັດພົບທາງດ້ານຈິດໃຈ” ຂອງທົ່ວສັງຄົມ, ເປີດໂອກາດໃຫ້ວັດທະນະທຳແຊກຊຶມເຂົ້າສູ່ຊີວິດການເປັນຢູ່ຢ່າງເລິກເຊິ່ງ, ກາຍເປັນແຫຼ່ງກຳລັງໃຫ້ແກ່ການພັດທະນາຢ່າງຍືນຍົງ.
ຍສໝ - ພາຍຫຼັງການຈັດຕັ້ງປະຕິບັດທົດລອງເປັນເວລາ 3 ປີກວ່າ, ການນຳໃຊ້ປື້ມບັນທຶກການຂຸດຄົ້ນສັດນ້ຳແບບເອເລັກໂຕຣນິກ ຢູ່ເທິງກຳປັ່ນຫາປາທາງໄກ ຢູ່ ນະຄອນ ໂຮ່ຈີມິນ ແມ່ນພວມຄ່ອຍໆສ້າງປະສິດທິຜົນໃຫ້ເຫັນຢ່າງຈະແຈ້ງ, ປະກອບສ່ວນເຂົ້າໃນການຫັນເປັນທັນສະໄໝວຽກງານຄຸ້ມຄອງຂະແໜງການປະມົງ, ຍົກສູງຄວາມໂປ່ງໃສຂອງຂໍ້ມູນ ແລະ ກວດກາການເຄື່ອນໄຫວຂຸດຄົ້ນຕາມລະບຽບການທີ່ວາງອອກ.
ຍສໝ - ຕາມຂ່າວຈາກນັກຂ່າວສຳນັກຂ່າວສານ ຫວຽດນາມ (TTXVN) ປະຈຳ ລາວ, ໃນຕອນບ່າຍວັນທີ 27 ເມສາ, ຢູ່ສະຖານທູດ ຫວຽດນາມ ປະຈຳ ລາວ ທີ່ນະຄອນຫຼວງວຽງຈັນ ໄດ້ຈັດເວທີປາໄສ “ພາສາ ຫວຽດນາມ: ຂົວຕໍ່ ຫວຽດນາມ - ລາວ” ພາຍໃຕ້ຫົວຂໍ້ “ເຊີດຊູພາສາ ຫວຽດນາມ, ຮັກສາເອກະລັກ, ເຊື່ອມຕໍ່ອະນາຄົດ”. ເຫດການດັ່ງກ່າວ ໄດ້ດຶງດູດການເຂົ້າຮ່ວມຂອງບັນດາຜູ້ແທນຢ່າງຫຼວງຫຼາຍ ທັງພາຍໃນ ແລະ ຕ່າງປະເທດ ໃນຮູບແບບເຊິ່ງໜ້າ ແລະ ທາງອອນລາຍ.
ຍສໝ - ຍຸດທະສາດການທູດວັດທະນະທຳຂອງແຂວງ ອານຢາງ ໃນໄລຍະປີ 2026 - 2030 ໄດ້ກຳນົດການປ່ຽນແປງບັນດາມໍລະດົກວັດທະນະທຳ ແລະ ຄຸນຄ່າເອກະລັກທີ່ໂດດເດັ່ນຂອງແຂວງ ໃຫ້ກາຍເປັນກຳລັງແຮງອັນມະຫາສານ ເພື່ອຍົກລະດັບບົດບາດ ແລະ ຕຳແໜ່ງຂອງແຂວງໃນເວທີສາກົນ.
ຍສໝ - ຕອນເຊົ້າວັນທີ 26 ເມສາ (ກົງກັບວັນທີ 10 ເດືອນ 3 ຕາມຈັນທະປະຕິທິນ), ຢູ່ທີ່ວິຫານລະນຶກເຖິງບັນດາກະສັດຮຸ່ງ (ສວນປະຫວັດສາດ - ວັດທະນະທຳແຫ່ງຊາດ, ນະຄອນໂຮ່ຈີມິນ), ຄະນະພັກນະຄອນ, ສະພາປະຊາຊົນ, ຄະນະກຳມະການປະຊາຊົນ, ຄະນະກຳມະການແນວໂຮມປະເທດຊາດຫວຽດນາມ ປະຈຳນະຄອນໂຮ່ຈີມິນ ໄດ້ຈັດພິທີສະເຫຼີມສະຫຼອງວັນບຸນໄຫວ້ພະເຈົ້າຮຸ່ງ ປີຈໍ 2026 ຢ່າງສົມກຽດ. ເຫດການດັ່ງກ່າວໄດ້ດຶງດູດປະຊາຊົນຈຳນວນຫຼວງຫຼາຍເຂົ້າຮ່ວມ ແລະ ຕິດຕາມຜ່ານຊ່ອງທາງໂທລະພາບ, ວິທະຍຸກະຈາຍສຽງໂດຍກົງ, ເພື່ອຮ່ວມກັນມຸ່ງສູ່ຕົ້ນກຳເນີດຂອງຊາດ.
ຍສໝ - ໃນບັນຍາກາດແຫ່ງຄວາມເຄົາລົບຮັກ ແລະ ສະແດງຄວາມຮູ້ບຸນຄຸນທີ່ມຸ່ງໄປສູ່ຕົ້ນກຳເນີດຂອງຊາດ, ໃນຕອນເຊົ້າວັນທີ 26 ເມສາ (ກົງກັບວັນທີ 10 ເດືອນ 3 ໄລ່ຕາມຈັນທະປະຕິທິນ ປີມະເມຍ), ຫຼາຍທ້ອງຖິ່ນໃນທົ່ວປະເທດ ໄດ້ພ້ອມກັນຈັດພິທີໄຫວ້ບູຊາບັນພະບຸລຸດເຈົ້າຊີວິດຮຸ່ງຢ່າງສົມກຽດ, ດ້ວຍບັນດາຮີດຄອງປະເພນີອັນດີງາມ ແລະ ກິດຈະກຳທາງດ້ານວັດທະນະທຳທີ່ເປັນເອກະລັກ. ເຫດການດັ່ງກ່າວ ບໍ່ພຽງແຕ່ສະແດງໃຫ້ເຫັນເຖິງຄຸນສົມບັດ "ກິນເຂົ້າຄິດຮອດຄຸນນາ ກິນປາຄິດຮອດຄຸນນ້ຳ" ເທົ່ານັ້ນ, ແຕ່ຍັງປະກອບສ່ວນເຂົ້າໃນການສຶກສາອົບຮົມ, ເຜີຍແຜ່ຄວາມພາກພູມໃຈກ່ຽວກັບປະຫວັດສາດ ແລະ ເອກະລັກວັດທະນະທຳຂອງ ຫວຽດນາມ ໃຫ້ແກ່ຄົນລຸ້ນຫຼັງໃນປັດຈຸບັນ.
ທ່ານເລຂາທິການໃຫຍ່, ປະທານປະເທດ ໂຕເລິມ ພ້ອມກັບບັນດາການຳພັກ, ລັດ ແລະ ການນຳທ້ອງຖິ່ນ ໄດ້ຖະຫວາຍທູບທຽນ, ດອກໄມ້, ເຄື່ອງບູຊາເພື່ອອາໄລຫາ, ຕອບບຸນແທນຄຸນຕໍ່ຄຸນງາມຄວາມດີຂອງບັນດາເຈົ້າຊີວິດ ຮຸ່ງ
ວັນບຸນໄຫວ້ບູຊາບັນດາເຈົ້າຊີວິດຮຸ່ງ, ວັນທີ 10 ເດືອນ 3 ໄລ່ຕາມຈັນທະປະຕິທິນຂອງທຸກໆປີ, ຊາວ ຫວຽດນາມ ນັບລ້ານໆຄົນເຖິງວ່າຢູ່ພາຍໃນ ຫຼື ຕ່າງປະເທດ ກໍລ້ວນແຕ່ມຸ່ງໄປເຖິງກົກເຄົ້າເຫງົ້າກໍ, ຈາລຶກເຖິງຄຸນງາມຄວາມດີຂອງບັນດາເຈົ້າຊີວິດຮຸ່ງ ທີ່ໄດ້ສະຖາປະນາປະເທດ. ໃນສະພາບການເຊື່ອມໂຍງ ແລະ ພັດທະນາ, ຄຸນຄ່າຮ່ວມກົກເຄົ້າເຫງົ້າກໍອັນດຽວກັນນັ້ນໄດ້ກາຍເປັນກຳລັງໜູນ, ແມ່ນທີ່ເພິ່ງພາທາງດ້ານຈິດໃຈ, ປັບປຸງກຳລັງແຮງມະຫາສາມັກຄີທົ່ວປ
ຍສໝ - ຕາມສະຖານີຂ່າວ Yonhap, ທຳເນຽບສີນ້ຳເງິນ ໄດ້ຕີລາຄາວ່າ ການຢ້ຽມຢາມລັດຖະກິດ ທີ່ຫວຽດນາມ ຂອງປະທານາທິບໍດີ ເກົາຫຼີໃຕ້ Lee Jae Myung ທີ່ນອນໃນຂອບເຂດ "ການທູດສຸດຍອດແບບຕໍ່ເນື່ອງ" ກັບ ອາຊຽນ ໄດ້ກາຍເປັນຂີດໝາຍທີ່ສຳຄັນ ເພື່ອ "ເຮັດໃຫ້ການພົວພັນຄູ່ຮ່ວມມືແບບດີທີ່ສຸດໃນທຸກຂົງເຂດ ນັບແຕ່ການເມືອງ, ເສດຖະກິດ ຈົນເຖິງວັດທະນະທຳ ມີຄວາມສົມບູນແບບ".
ຍສໝ - ຢູ່ທີ່ "ດ່ານໜ້າ" ເກາະ ລີເຊີນ, ແຂວງ ກວາງຫງາຍ, ການຕໍ່ສູ້ຕ້ານການເຮັດການປະມົງແບບຜິດກົດໝາຍ, ບໍ່ມີການລາຍງານ ແລະ ບໍ່ມີການຄວບຄຸມ (IUU) ກໍາລັງຖືກຈັດຕັ້ງປະຕິບັດດ້ວຍວິທີການທີ່ອົດທົນ ແລະ ໃກ້ຊິດກັບປະຊາຊົນ ຂອງສະຖານີຕຳຫຼວດທະເລ ເລກ 2. ນັບຕັ້ງແຕ່ການລາດຕະເວນ, ການລົງໄປຫາ "ແຕ່ລະລໍາເຮືອ, ແຕ່ລະທ່າເຮືອ", ກໍາລັງເຈົ້າໜ້າທີ່ກໍາລັງຄ່ອຍໆປ່ຽນແປງຈິດສໍານຶກຂອງຊາວປະມົງ, ປະກອບສ່ວນເຂົ້າໃນການປົດ "ໃບເຫຼືອງ" ໃຫ້ແກ່ຂະແໜງສິນໃນນໍ້າຂອງ ຫວຽດນາມ.
ຍສໝ - ໃນຕອນບ່າຍວັນທີ 23 ເມສາ, ສືບຕໍ່ວາລະກອງປະຊຸມສະໄໝສາມັນເທື່ອທີໜຶ່ງ ຂອງສະພາແຫ່ງຊາດ ຫວຽດນາມ ຊຸດທີ XVI, ສະພາແຫ່ງຊາດ ໄດ້ລົງຄະແນນສຽງຜ່ານຮັບຮອງເອົາ ກົດໝາຍວ່າດ້ວຍການປັບປຸງ ແລະ ເພີ່ມເຕີມບາງມາດຕາຂອງກົດໝາຍວ່າດ້ວຍອົງການຕົວແທນ ແຫ່ງສາທາລະນະລັດ ສັງຄົມນິຍົມ ຫວຽດນາມ ຢູ່ຕ່າງປະເທດ ດ້ວຍອັດຕາສ່ວນການເຫັນດີເຫັນພ້ອມໃນລະດັບສູງ.