ຜູ້ນຳທັງສອງທ່ານ ໄດ້ໃຊ້ເວລາສ່ວນຫຼາຍ ເພືອປຶກສາຫາລືມາດຕະການຕ່າງໆ ໃນການຊຸກຍູ້ການຮ່ວມມືດ້ານເສດຖະກິດສອງຝ່າຍ; ພິເສດແມ່ນການຫຼຸດຜ່ອນສິ່ງກີດຂວາງດ້ານການຄ້າ, ແກ້ໄຂຄວາມຫຍຸ້ງຍາກ ແລະ ສິ່ງກີດຂວາງຕ່າງໆສຳລັບວິສາຫະກິດຂອງສອງປະເທດ ໃນການນຳວົງເງິນການຄ້າສອງຝ່າຍຂຶ້ນເປັນ 10 ຕື້ໂດລາສະຫະລັດ ຕາມນະໂຍບາຍຫຼຸດຜ່ອນການຂາດດຸນການຄ້າຂອງຫວຽດນາມ.
 |
| ຫວຽດນາມ - ອິນໂດເນເຊຍ ຈະສຳເລັດໂດຍໃວການເຈລະຈາ ກ່ຽວກັບເຂດແດນຂອງເຂດເສດຖະກິດສິດພິເສດ. (ພາບ: TTXVN) |
ຜູ້ນຳສອງທ່ານ ໄດ້ຢືນຢັນວ່າໃຫ້ຄວາມສຳຄັນເປັນພິເສດ ຕໍ່ຄວາມຈຳເປັນທີ່ຈະສຳເລັດການເຈລະຈາ ກ່ຽວກັບເຂດແດນຂອງເຂດເສດຖະກິດຈຳເພາະ ລະຫວ່າງສອງປະເທດ ເພື່ອສ້າງແລວທາງກົດໝາຍໃຫ້ສອງຝ່າຍ ເພີ່ມທະວີການຮ່ວມມື ແລະ ຫຼຸດຜ່ອນກໍລະນີການຫາປາຜິດກົດໝາຍ ແລະ ສ້າງບັນດາຮູບແບບແກ້ໄຂຄວາມແຕກຕ່າງຢູ່ທະເລໃນບັນດາປະເທດ, ປະກອບສ່ວນເຂົ້າໃນການຮັກສາສັນຕິພາບ, ການຮ່ວມມື ແລະ ພັດທະນາໃນພາກພື້ນ.
ສອງຝ່າຍຍັງໄດ້ເຫັນດີເປັນເອກະພາບ ຕໍ່ຫຼັກໝັ້ນລວມຂອງອາຊຽນ ກ່ຽວກັບບັນຫາທະເລຕາເວັນອອກ, ໃນນັ້ນມີການຮັກສາຄວາມສະຫງົບ, ຄວາມໝັ້ນຄົງ ແລະ ຄວາມປອດໄພໃຫ້ແກ່ການທາງທະເລ, ແລະ ປະຕິບັດຖະແຫຼງການວ່າດ້ວຍການປະພຶດຂອງຝ່າຍຕ່າງໆຢູ່ທະເລຕາເວັນອອກ (DOC) ຢ່າງມີປະສິດທິຜົນ ແລະ ການສຳເລັດການເຈລະຈາໃນຕົ້ນປີ ກ່ຽວກັບກົດແຫ່ງການປະພຶດທີ່ມີປະສິດທິຜົນຢູ່ທະເລຕາເວັນອອກ (COC) ຕາມກົດໝາຍສາກົນ, ລວມທັງສົນທິສັນຍາສະຫະປະຊາຊາດກ່ຽວກັບກົດໝາຍທະເລ (UNCLOS) 1982.
ທ່ານປະທານາທິບໍດີອິນໂດເນເຊຍ Joko Widodo ໄດ້ສະແດງຄວາມຊົມເຊີຍ ທ່ານນາຍົກລັດຖະມົນຕີ ຟ້າມມິງຈິງ ທີ່ໄດ້ຮັບການເລືອກຕັ້ງໂດຍສະພາແຫ່ງຊາດ ເປັນນາຍົກລັດຖະມົນຕີໃໝ່ຂອງຫວຽດນາມ; ສະແດງຄວາມຊົມເຊີຍຕໍ່ຜົນສຳເລັດຂອງຫວຽດນາມ ໃນການປ້ອງກັນການລະບາດ COVID-19, ແລະ ການຟື້ນຟູ ແລະ ການພັດທະນາເສດຖະກິດ; ຢືນຢັນວ່າ ອິນໂດເນເຊຍຖືເປັນສຳຄັນ ແລະ ປາດຖະໜາຢາກພັດທະນາສາຍພົວພັນມິດຕະພາບທີ່ເປັນມູນເຊື້ອ ແລະ ຄູ່ຮ່ວມມືຍຸດທະສາດກັບຫວຽດນາມຢ່າງບໍ່ຢຸດຢັ້ງ.
ສ່ວນທ່ານນາຍົກລັດຖະມົນຕີ ຟ້າມມິງຈິງ ໄດ້ຢືນຢັນວ່າ, ຫວຽດນາມສືບຕໍ່ຍຶດໝັ້ນແນວທາງການຕ່າງປະເທດເອກະລາດ, ເປັນເຈົ້າຕົນເອງ, ຫຼາຍຝ່າຍ ແລະ ຫັນເປັນການຫຼາຍຮູບຫຼາຍແບບ, ແມ່ນສະມາຊິກທີ່ມີຄວາມຮັບຜິດຊອບຂອງປະຊາຄົມສາກົນ, ຕັ້ງໜ້າເຊື່ອມໂຍງເຂົ້າກັບປະເທດຢ່າງຮອບດ້ານ; ຢືນຢັນວ່າ ຫວຽດນາມຖືເປັນສຳຄັນທີ່ສຸດ, ຈະເສີມຂະຫຍາຍ ແລະ ເປີດກວ້າງການພົວພັນຄູ່ຮ່ວມມືຍຸດທະສາດກັບອິນໂດເນເຊຍຕະຫຼອດໄປ.
 | ລາວ: ເຂດເສດຖະກິດພິເສດເກາະສີພັນດອນ ດຶງດູດນັກທ່ອງທ່ຽວ ແລະ ສ້າງວຽກເຮັດງານທຳໃຫ້ແກ່ປະຊາຊົນທ້ອງຖິ່ນ ຍສໝ - ເຂດເສດຖະກິດພິເສດເກາະສີພັນດອນ ຢູ່ແຂວງຈຳປາສັກ (ພາກໃຕ້ຂອງລາວ), ນີ້ແມ່ນໂຄງການຮ່ວມມືລະຫວ່າງບໍລິສັດ Maha Nathi Sithandone Hongkong, ຈີນ ແລະ ບໍລິສັດກໍ່ສ້າງຂົວທາງ LTV ຂອງລາວ. |
 | ປິດລ້ອມເຂດເສດຖະກິດພິເສດ ແຂວງ ຫລວງນ້ຳທ່າ ຍສໝ - ຄະນະກຳມະການສະເພາະກິດແຫ່ງຊາດກ່ຽວກັບການປ້ອງກັນ, ຕ້ານໂຄວິດ-19 ລາວ ຮຽກຮ້ອງໃຫ້ບັນດາອົງການທີ່ກ່ຽວຂ້ອງປິດລ້ອມທົ່ວເມືອງຕົ້ນເຜິ້ງ ແລະ ເຂດເສດຖະກິດພິເສດ ບໍ່ແຕນ ຢູ່ແຂວງຫລວງນ້ຳທ່າ, ບໍ່ອະນຸຍາດໃຫ້ເຂົ້າ-ອອກ ບັນດາບໍລິເວນດັ່ງກ່າວໃນຮອບເວລາ 14 ວັນ. |
 | ຈີນ ລະເມີດເຂດເສດຖະກິດຈຳເພາະ, ອິນໂດເນເຊຍ ຄັດຄ້ານຢ່າງແຮງ ຄະນະປ້ອງກັນຄວາມສະຫງົບທະເລ ອິນໂດເນເຊຍ ໃຫ້ຮູ້ວ່າ ໃນລະຫວ່າງ ວັນທີ 19 – 24 ທັນວາມີ ກ່ຳປັ່ນຫາປາ ແລະ ກ່ຳປັ່ນຂອງກຳລັງປ້ອງກັນຝັ່ງທະເລຂອງຈີນຢ່າງໜ້ອຍ 63 ລຳ ໄດ້ເຂົ້າເຂດນ່ານທະເລ Natuna ຢ່າງຜິດກົດໝາຍ. |
ຄຳຮຸ່ງ
