 | ລັດຖະມົນຕີ ບຸ່ຍແທງເຊີນ: ການພົວພັນຫວຽດນາມ - ອິນເດຍ ກ້າວໄປໜ້າປະຫວັດສາດໃໝ່ |
| ການພົວພັນຫວຽດນາມ - ກູບາ ນັບມື້ນັບປັບປຸງ ແລະພັດທະນາຢ່າງບໍ່ຢຸດຢັ້ງ |
ໃນການຢ້ຽມຢາມຂັ້ນລັດ ອິນໂດເນເຊຍ ຂອງທ່ານ ເລຂາທິການໃຫຍ່ ໂຕເລີມ ແລະ ພັນລະຍາຕາມຄຳເຊີນຂອງທ່ານ ປະທານາທິບໍດີ ອິນໂດເນເຊຍ Prabowo Subianto, ທ່ານ ເລຂາທິການໃຫຍ່ ໂຕເລີມ ແລະ ທ່ານ ປະທານາທິບໍດີ Prabowo Subianto ໄດ້ເປັນເອກະພາບກັນຍົກລະດັບການພົວພັນສອງຝ່າຍຂຶ້ນສູ່ຄູ່ຮ່ວມມືຍຸດທະສາດຮອບດ້ານ. ນີ້ແມ່ນຂີດໝາຍສຳຄັນສະເຫຼີມສະຫຼອງ 70 ປີແຫ່ງວັນສ້າງຕັ້ງການພົວພັນທາງການທູດ.
ທ່ານ ເອກອັກຄະລັດຖະທູດ ອິນໂດເນເຊຍ ປະຈຳ ຫວຽດນາມ Denny Abdi ໃຫ້ຮູ້ວ່າ ການຍົກລະດັບການພົວພັນສ້າງກາລະໂອກາດເພື່ອໃຫ້ສອງປະເທດເປີດກວ້າງຄວາມສາມາດບົ່ມຊ້ອນຮ່ວມມືໃໝ່, ໃນນັ້ນ ມີທ່າອ່ຽງແມ່ນຂຸດຄົ້ນເຕັກໂນໂລຢີ ແລະ ນະວັດຕະກຳເພື່ອພັດທະນາບັນດາລະບົບນິເວດ. ທ່ານກໍ່ເຊື່ອໝັ້ນວ່າ ບັນດາການນຳ ຈະຊຸກຍູ້ການຮ່ວມມື ແລະ ຖ່າຍທອດພະລັງງານໃໝ່ເຂົ້າໃນການພົວພັນຫວຽດນາມ - ອິນໂດເນເຊຍ.
- ກະລຸນາທ່ານໃຫ້ຮູ້ຄວາມສຳຄັນຂອງສອງປະເທດຍົກລະດັບການພົວພັນເປັນຄູ່ຮ່ວມມືຍຸດທະສາດຮອບດ້ານໄດ້ບໍ? ເປັນຫຍັງ 2 ປະເທດຈຶ່ງເລືອກເວລານີ້ ເພື່ອຍົກລະດັບການພົວພັນສອງຝ່າຍ?
ເມື່ອຫວນຄືນ 70 ປີແຫ່ງການພົວພັນສອງຝ່າຍ ແລະ 12 ປີແຫ່ງເປັນຄູ່ຮ່ວມມືຍຸດທະສາດ, ອິນໂດເນເຊຍ ແລະ ຫວຽດນາມ ໄດ້ ເປັນຫຼັກຖານພະຍານຄວາມຄືບໜ້າຢ່າງຕັ້ງໜ້າໃນດ້ານການເມືອງ, ເສດຖະກິດ ແລະ ວັດທະນະທຳສັງຄົມ. ການຢ້ຽມຢາມຂັ້ນລັດຂອງທ່ານ ເລຂາທິການໃຫຍ່ ໂຕເລີມ ບໍ່ພຽງແຕ່ຊຸກຍູ້ຄວາມໄວ້ເນື້ອເຊື່ອໃຈທາງດ້ານການເມືອງເທົ່ານັ້ນ ຫາກຍັງສ້າງກາລະໂອກາດດຳເນີນທຸລະກິດໃໝ່ ແລະ ເພີ່ມທະວີການພົວພັນລະຫວ່າງປະຊາຊົນ 2 ປະເທດ.
ປີ 2025 ແມ່ນຂີດໝາຍສຳຄັນສັບລັບທັງສອງປະເທດ ເມື່ອທັງສອງປະເທດຈະສະເຫຼີມສະຫຼອງ 80 ປີແຫ່ງວັນເອກະລາດ, 70 ປີແຫ່ງວັນສ້າງສາຍພົວພັນທາງການທູດ. ຂ້າພະເຈົ້າເຊື່ອວ່າ ນີ້ແມ່ນກຳລັງຜັກດັນອັນໃຫຍ່ຫຼວງເພື່ອຂີດໝາຍການຍົກລະດັບການພົວພັນຄູ່ຮ່ວມມືຍຸດທະສາດຂຶ້ນເປັນຄູ່ຮ່ວມມືຍຸດທະສາດຮອບດ້ານ, ເຊິ່ງລວມມີ ບັນຊີລາຍຊື່ບັນດາຂົງເຂດຮ່ວມມືຢ່າງກວ້າງຂວາງກວ່າອີກ.
 |
| ທ່ານ ເອກອັກຄະລັດຖະທູດ ອິນໂດເນເຊຍ ປະຈຳ ຫວຽດນາມ Denny Abdi. (ພາບ: ສະຖານທູດ ອິນໂດເນເຊຍ) |
- ທ່ານ ເອກອັກຄະລັດຖະທູດມີທັດສະນະແນວໃດຕໍ່ການພັດທະນາຂອງຫວຽດນາມ, ພິເສດແມ່ນນະໂຍບາຍການຕ່າງປະເທດຂອງຫວຽດນາມໃນສັງກາດໃໝ່?
ເວທີປາໄສອະນາຄົດ ອາຊຽນ ໂດຍຫວຽດນາມ ໄດ້ລິເລີ່ມໃນ 2 ປີຜ່ານມາ ກໍ່ສະແດງໃຫ້ເຫັນບົດບາດການນຳພາ ແລະ ຄຳໝັ້ນສັນຍາຂອງ ຫວຽດນາມ ໃນນະໂຍບາຍການຕ່າງປະເທດ. ເວທີປາໄສສວມບົດບາດແມ່ນພື້ນຖານເພື່ອໃຫ້ບັນດາປະເທດ ອາຊຽນ ເຂົ້າເຖິງແກ້ໄຂບັນດາສິ່ງທ້າທາຍ - ໂດຍການຊຸກຍູ້ການສົນທະນາ ເພື່ອປຶກສາຫາລືບັນດາວິທີການແກ້ໄຂ, ແບ່ງປັນບັນດາວິທີປະຕິບັດທີ່ດີທີ່ສຸດ ແລະ ຮ່ຳຮຽນປະສົບການເຊິ່ງກັນ ແລະ ກັນ.
ຫວຽດນາມ ພວມຢູ່ໃນເສັ້ນທາງທີ່ຖືກຕ້ອງ. ເມື່ອ ອິນໂດເນເຊຍ ແລະ ຫວຽດນາມ ມີບັນດາການນຳໃໝ່ໃນປີ 2024, ວິໄສທັດ, ຍຸດທະສາດ ແລະ ນະໂຍບາຍຂອງບັນດາການນຳໃໝ່ໄດ້ວາງອອກ ຄາດວ່າຈະສ້າງບາດກ້າວບຸກທະລຸເພື່ອບັນລຸໄດ້ບັນດາເປົ້າໝາຍແຫ່ງຊາດ. ກ່ຽວກັບບບັນຫານີ້, ຂ້າພະເຈົ້າເຊື່ອໝັ້ນວ່າ ບັນດາການນຳຂອງພວກເຮົາ ຈະຊຸກຍູ້ການຮ່ວມມື ແລະ ຖ່າຍທອດພະລັງງານໃໝ່ເຂົ້າໃນພົວພັນ ອິນໂດເນເຊຍ - ຫວຽດນາມ ເມື່ອ 2 ປະເທດພະຍາຍາມມຸ່ງໄປເຖິງວິໄສທັດລວມແມ່ນກາຍເປັນພື້ນຖານເສດຖະກິດທີ່ມີລາຍຮັບສູງຮອດປີ 2045, ເນື່ອງໃນໂອກາດວັນຄົບຮອບຄົບຮອບ 100 ປີແຫ່ງວັນເອກະລາດ.
 |
| ການນຳສອງປະເທດ ຫວຽດນາມ - ອິນໂດເນເຊຍ ໄດ້ພົບປະ. (ພາບ: ສຳນັກຂ່າວສານ ຫວຽດນາມ) |
- ການຮ່ວມມືຈຸດສຸມ ແລະ ການເຄື່ອນໄຫວອັນໃດທີ່ຄາດວ່າຈະໄດ້ຮັບການຊຸກຍູ້ໃນທັນທີຫຼັງຈາກສອງປະເທດຍົກລະດັບການພົວພັນ, ຂໍຮຽນທ່ານເອກອັກຄະລັດຖະທູດ?
ອິນໂດເນເຊຍ ແລະ ຫວຽດນາມ ຈະສືບຕໍ່ຊຸກຍູ້ການພົວພັນຮ່ວມມືຢ່າງແໜ້ນແຟ້ນໃນບັນດາຂົງເຂດທີ່ໄດ້ຮັບການສ້າງຕັ້ງຄືກະສິກຳ, ການຄ້າ ແລະ ການລົງທຶນ ເພື່ອຊຸກຍູ້ຄວາມມານະພະຍາຍາມເພື່ອບັນລຸໄດ້ເປົ້າໝາຍວົງເງິນການຄ້າ 18 ຕື້ USD ໃນປີ 2028.
ເພື່ອບັນລຸໄດ້ສິ່ງດັ່ງກ່າວ, ພວກເຮົາກໍ່ຈະເປີດກວ້າງການຮ່ວມມືກັບໄປຍັງບັນດາຂົງເຂດອື່ນໆທີ່ສອດຄ່ອງກັບທ່າແຮງ, ຄວາມສາມາດບົ່ມຊ້ອນ ແລະ ວິໄສທັດເຊັ່ນ ບັນດາຂະແໜງການເຕັກໂນໂລຊີສູງ, ເຕັກໂນໂລຢີທີ່ພົ້ນເດັ່ນ ແລະ ພັດທະນາແບບຍືນຍົງ.
ເພື່ອເປີດກະແຈຄວາມສາມາດບົ່ມຊ້ອນຂອງການພົວພັນຄູ່ຮ່ວມມືຕື່ມອີກ, ອິນໂດເນເຊຍ ແລະ ຫວຽດນາມ ຕ້ອງໃຫ້ບຸລິມະສິດຊຸກຍູ້ການຮ່ວມມືໃນບັນດາຂະແໜງການອຸດສາຫະກຳທີ່ມີມູນຄ່າເພີ່ມຂຶ້ນສູງ ແລະ ອີງຕາມການຄົ້ນຄ້ວາ. ລວມມີ ທາດເຄິ່ງຊັກນຳໄຟຟ້າ, ສະຕິປັນຍາທຽມ ແລະ ພື້ນຖານເສດຖະກິດດິຈິຕອນ. ບັນດາຂົງເຂດຄືນີ້ ຈະສ້າງບາດກ້າວບຸກທະລຸ ແລະ ຊຸກຍູ້ການເຕີບໂຕເສດຖະກິດຢ່າງວ່ອງໄວ.
ການຮ່ວມມືໃນຂະແໜງການອຸດສາຫະກໍາ Halal (ບັນດາຂະແໜງການອຸດສາຫະກໍາທີ່ຮັບໃຊ້ຄວາມຕ້ອງການຂອງຜູ້ບໍລິໂພກຊາວອິດສະລາມ). ຖ້າຫາກສາມາດຊຸກຍູ້ໄດ້ສິ່ງນີ້, ອິນໂດເນເຊຍ ແລະ ຫວຽດນາມ ສາມາດເປີດບັນດາກາລະໂອກາດດ້ານການຄ້າ ແລະ ການລົງທຶນໃໝ່, ພິເສດແມ່ນເພື່ອຕອບສະໜອງຄວາມຕ້ອງການນັບມື້ນັບເພີ່ມຂຶ້ນສຳລັບບັນດາຜະລິດຕະພັນ ແລະ ບໍລິການ Halal ໃນພາກພື້ນ.
 | ການພົວພັນຫວຽດນາມ - ລາວ ພາຍຫຼັງການຢ້ຽມຢາມ ແລະ ເຮັດວຽກຢູ່ ສສ.ຫວຽດນາມ ຂອງທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ຍສໝ - ບັນດາຈຸດໃໝ່ ແລະ ທິດທາງໃຫຍ່ໃນການພົວພັນຫວຽດນາມ - ລາວ ໃນໄລຍະຈະມາເຖິງ ແມ່ນໄດ້ປຶກສາຫາລື ແລະ ເຫັນດີເປັນເອກະພາບກ່ຽວກັບເນື້ອໃນ ແລະ ວິທີການແກ້ໄຂຈັດຕັ້ງປະຕິບັດ. |
 | ການພົວພັນຫວຽດນາມ - ອາເມລິກາ ພວມພັດທະນາຢ່າງຕັ້ງໜ້າໃນຫຼາຍຂົງເຂດ ຍສໝ - ທ່ານລັດຖະມົນຕີການຕ່າງປະເທດຫວຽດນາມ ບຸ່ຍແທງເຊີນ ໄດ້ຕີລາຄາສູງຕໍ່ບັນດາການປະກອບສ່ວນຂອງ ທ່ານລັດຖະມົນຕີການຕ່າງປະເທດອາເມລິກາ Blinken ໃນການພົວພັນສອງຝ່າຍໃນໄລຍະຜ່ານມາ, ສະແດງຄວາມປາດຖະໜາ ຢາກຮ່ວມມືກັບທ່ານ Blinken ເພື່ອຊຸກຍູ້ການພົວພັນຫວຽດນາມ - ອາເມລິກາ ໃຫ້ເລິກເຊິ່ງຕື່ມອີກ. |
ແທັງຮັ່ງ
