 |
| ຜູ້ຕາງໜ້າ 3 ທຶມຍາດໄດ້ລາງວັນ |
ຕອນຄ່ຳວັນທີ 23 ເມສາ, ຢູ່ຫໍປະຊຸມ A5 ມະຫາວິທະຍາໄລສ້າງຄູ ດ່ານັ້ງ ໄດ້ຈັດຂຶ້ນຮອບຊິງຊະນະເລີດ ການເສັງ “ຂ້າພະເຈົ້າແມ່ນພົນລະເມືອງທົ່ວໂລກ” ຄັ້ງທີ 1 ປີ 2021 ຢູ່ນະຄອນ ດ່ານັ້ງ. ການເສັງ “ຂ້າພະເຈົ້າແມ່ນພົນລະເມືອງທົ່ວໂລກ” ຈະໄດ້ຮັບການຈັດຕັ້ງປະຈຳປີຈາກມະຫາວິທະຍາໄລ ດ່ານັ້ງ ແລະ ສືບຕໍ່ເປີດກວ້າງຈຳນວນທິມກໍຄືຈຳນວນມະຫາວິທະຍາໄລຢູ່ດ່ານັ້ງ ເຂົ້າຮ່ວມ. ໃນຄັ້ງທຳອິດ, ມະຫາວິທະຍາໄລສ້າງຄູດ່ານັ້ງ ຍາດໄດ້ລາງວັນທີ 1.
ຕາມຄະນະຈັດຕັ້ງແລ້ວ, ໃນສະພາບການ ທຸກປະເທດ ຫຼືຊົນຊາດພວມເຊື່ອມຕົວເຂົ້າເປັນໜຶ່ງ, ສ້າງໂລກແຫ່ງຄວາມສະເໝີພາບ ຊຶ່ງເປັນສະຖານທີ່ທີ່ແຕ່ລະຄົນລ້ວນແຕ່ສວມບົດບາດສຳຄັນໃນວິວັດການພັດທະນາຂອງ ມະນຸດ. ເພາະສະນັ້ນ, ນິຍາມ “ຂ້າພະເຈົ້າແມ່ນພົນລະເມືອງທົ່ວໂລກ” ທີ່ລະນະສັກຄວາມຮັບຜິດຊອບ ແລະ ການກະທຳທີ່ຕິດພັນກັບບັນດາບັນຫາໃນທົ່ວໂລກ ແລະ ໄດ້ກາຍເປັນທ່າອ່ຽງໃໝ່ຂອງ ອະນາຄົດ.
 |
| ທ່ານຮອງສາສະດາຈານ, ປ.ອ ລິວຈາງ ອະທິການບໍດີມະຫາວິທະຍາໄລສ້າງຄູ ກ່າວຄຳເຫັນທີ່ພິທີ |
ສິ່ງນັ້ນກໍ່ແມ່ນທ່າອ່ຽງຂອງການເຊື່ອມຕົວ ໂດຍຊ່ວຍໃຫ້ຊາວໜຸ່ມ ຫວຽດນາມ ສາມາດສຳຜັດກັບບັນດາແຫຼ່ງພູມປັນຍາໃໝ່ຢ່າງງ່າຍດາຍໂດຍໄວ ເພື່ອຫຼໍ່ຫຼອມຄວາມຮູ້, ທັກສະໃຫ້ແກ່ຕົວເອງ, ພ້ອມທັງສ້າງກາລະໂອກາດຄົ້ນຫາໂລກຫຼາຍສີ. ຄວາມພັດທະນາຂອງແຕ່ລະຄົນແມ່ນກຳລັງໜູນເພື່ອສ້າງປະເທດຊາດ, ສັງຄົມທີ່ມີຄວາມກ້າວໜ້າກ່ວາ.
ໂດຍຜ່ານຜ່າ 30 ທິມເຂົ້າຮ່ວມການເສັງ ແລະ ຜ່ານຜ່າ ຮອບຊິງຊະນະເລີດ 3 ຮອບ, ທິມ AXIS OF EVIL ມາຈາກມະຫາວິທະຍາໄລ ສ້າງຄູ ດ່ານັ້ງ ບັນລຸໄດ້ລາງວັນທີ ໜຶ່ງໃນການເສັງ “ຂ້າພະເຈົ້າແມ່ນພົນລະເມືອງທົ່ວໂລກ”. ທິມຍາດໄດ້ໄຊຊະນະໄດ້ຮັບໃບຢັ້ງຢືນ, ໃບຍ້ອງຍໍ, ຫຼຽນໄຊເປັນທີ່ລະນຶກ ແລະ ເງິນສົດ 3 ລ້ານດົ່ງ, ພ້ອມທັງໄດ້ຮັບທຶນການສຶກສາຮອບດ້ານໃຫ້ແກ່ 2 ຊຸດຮຽນ ຂອງລະບົບການສຶກສາ ອົດສະຕາລີ ຢູ່ ດ່ານັ້ງ ດ້ວຍມູນຄ່າ 144 ລ້ານດົ່ງ.
ກ່ອນການຈັດຕັ້ງມາເປັນເວລາ 2 ເດືອນ, ຄະນະຈັດຕັ້ງການເສັງ ໄດ້ຮັບເອກະສານຈົດທະບຽນ ຂອງ 30 ທິມ ດ້ວຍນັກສຶກສາ 100 ຄົນທີ່ມາຈາກ ມະຫາວິທະຍາໄລ 5 ແຫ່ງ ໃນບໍລິເວນ ນະຄອນດ່ານັ້ງ. ຢູ່ຮອບຄັດເລືອກໄດ້ດຳເນີນໃນວັນທີ 17 ເມສາ 2021,ຄະນະຈັດຕັ້ງການເສັງໄດ້ຄັດເລືອກທິດດີເດັ່ນ 10 ທິມເພື່ອເຂົ້າຮ່ວມຮອບຊີງຊະນະເລີດ.
 | ທ່ານນາງ Marie C. Damour ຢາກຮ່ວມມືພັດທະນາແຫຼ່ງຊັບພະຍາກອນມະນຸດຂອງ ຫວຽດນາມ ຍສໝ - ທີ່ການຕ້ອນຮັບ, ທ່ານເລຂາຄະນະພັກນະຄອນເກິ່ນເມີໄດ້ສະແດງຄວາມຊົມເຊີຍຕໍ່ການຢ້ຽມຢາມ ແລະ ເຮັດວຽກຂອງທ່ານນາງ Marie C. Damour ຫົວໜ້າກົງສູນໃຫຍ່ອາເມລິກາ ປະຈຳ ນະຄອນໂຮ່ຈີມິນ, ພ້ອມທັງແຈ້ງໃຫ້ຊາບ ກ່ຽວກັບຂໍ້ມູມກ່ຽວກັບສະພາບການພັດທະນາເສດຖະກິດ - ສັງຄົມ ແລະ ບັນດາການກຳນົດທິດພັດທະນາຂອງນະຄອນໃນບັນດາຂົງເຂດຄື: ການສຶກສາ, ສາທາລະນະສຸກ, ການຮ່ວມມືສົ່ງເສີມການລົງທຶນ, ການຮັບມືກັບການປ່ຽນແປງຂອງດິນຟ້າອາກາດ. |
 | ທ່ານເອກອັກຄະລັດຖະທູດ ລາວ ຕີລາຄາສູງມະຫາວິທະຍາໄລ ສ້າງຄູ ຖ໊າຍງວຽນ, ໂຮງຮຽນວັດທະນະທຳ I ໃນການບຳລຸງສ້າງນັກຮຽນ, ນັກສຶກສາປະເທດ ຍສໝ - ເຂົ້າຮ່ວມເຫດການ, ມີການເອກອັກຄະລັດຖະທູດ ຜູ້ມີອຳນາດເຕັມແຫ່ງ ສປປ. ລາວປະຈຳ ຫວຽດນາມ ແສງເພັດ ຮຸ່ງບຸນຍວງ, ທ່ານພົນຕີ ຫງວຽນຕ໊ຽນລອງ, ອະດີດຜູ້ຮັບຜິດຊອບດ້ານການເມືອງທະຫານເຂດ 3, ຮອງປະທານສະມາຄົມມິດຕະພາບ ຫວຽດນາມ - ລາວ ພ້ອມກັບບັນດາສະມາຊິກ ຂອງ ສະຫະພັນບັນດາອົງການມິດຕະພາບ ຫວຽດນາມ ແລະ ສະມາຄົມມິດຕະພາບ ຫວຽດນາມ ... |
 | ວັນທີ 22 ເມສາ, ຫວຽດນາມ ມອບອຸປະກອນການແພດໜູນຊ່ວຍການປ້ອງກັນ, ສະກັດກັ້ນໂລກລະບາດໂຄວິດ - 19 ໃຫ້ແກ່ກຳປູເຈຍ ຍສໝ - ໂດຍໄດ້ຮັບການມອບສິດຈາກການນຳກະຊວງປ້ອງກັນປະເທດ ຫວຽດນາມ, ທ່ານພົນຈັດຕະວາ ຫງວຽນຮຸ່ງທັ້ງ, ຮອງຫົວໜ້າ, ເສນາທິການໃຫຍ່ກົມໃຫຍ່ພະລາທິການເນັ້ນໜັກວ່າ ຫວຽດນາມ ແລະ ກຳປູເຈຍ ແມ່ນສອງປະເທດບ້ານໃກ້ເຮືອນຄຽງທີ່ສະໜິດຕິດພັນ, ມີການພົວພັນມິດຕະພາບທີ່ເປັນມູນເຊື້ອອັນດີງາມ. |
ບຸນຄົງ
