 |
| ວຽດນາມ ໄດ້ມອບອຸປະກອນການແພດໜູນຊ່ວຍໃນການປ້ອງກັນ, ສະກັດກັ້ນໂລກລະບາດໂຄວິດ - 19 ໃຫ້ແກ່ກະຊວງປ້ອງກັນປະເທດ ລາຊະອານາຈັກກຳປູເຈຍ |
ວັນທີ 22 ເມສາ, ຫວຽດນາມ ໄດ້ມອບອຸປະກອນການແພດໜູນຊ່ວຍໃນການປ້ອງກັນ, ສະກັດກັ້ນໂລກລະບາດໂຄວິດ - 19 ໃຫ້ແກ່ກະຊວງປ້ອງກັນປະເທດ ລາຊະອານາຈັກກຳປູເຈຍ.
ເຂົ້າຮ່ວມພິທີຝ່າຍຫວຽດນາມ ມີທ່ານພົນຈັດຕະວາ ຫງວຽນຮຸ່ງທັ໊ງ, ຮອງຫົວໜ້າ, ເສນາທິການໃຫຍ່ ກົມໃຫຍ່ພະລາທິການ, ການນຳກົວພົວພັນຕ່າງປະເທດ (ກະຊວງການຕ່າງປະເທດ) ແລະ ກົມເສນາຮັກ (ກົມໃຫຍ່ ພະລາທິການ). ສ່ວນຝ່າຍກຳປູເຈຍມີທ່ານ ເອກອັກຄະລັດຖະທູດ ລາຊະອານາຈັກ ກຳປູເຈຍ ປະຈຳ ຫວຽດນາມ Chay Navuth, ທ່ານ ພັນເອກ Rem Kanm, ທູດການທະຫານກະຊວງປ້ອງກັນປະເທດ ກຳປູເຈຍ ປະຈຳ ຫວຽດນາມ.
ໂດຍໄດ້ຮັບການມອບສິດຈາກການນຳກະຊວງປ້ອງກັນປະເທດ ຫວຽດນາມ, ທ່ານພົນຈັດຕະວາ ຫງວຽນຮຸ່ງທັ້ງ, ຮອງຫົວໜ້າ, ເສນາທິການໃຫຍ່ກົມໃຫຍ່ພະລາທິການເນັ້ນໜັກວ່າ ຫວຽດນາມ ແລະ ກຳປູເຈຍ ແມ່ນສອງປະເທດບ້ານໃກ້ເຮືອນຄຽງທີ່ສະໜິດຕິດພັນ, ມີການພົວພັນມິດຕະພາບທີ່ເປັນມູນເຊື້ອອັນດີງາມ.
ເພື່ອແນໃສ່ແບ່ງປັນບັນດາຄວາມຫຍຸ້ງຍາກຂອງລັດຖະບານ ແລະ ປະຊາຊົນ ກຳປູເຈຍ, ກະຊວງປ້ອງກັນປະເທດ ຫວຽດນາມ ໄດ້ມອງໃຫ້ປະຊວງປ້ອງກັນປະເທດ ລາຊະອານາຈັກກຳປູເຈຍ ວັດຖຸ, ອຸປະກອນການແພດ ເພື່ອປ້ອງກັນ, ຕ້ານໂລກລະບາດໂຄວິດ - 19.
 |
| ທ່ານ ພົນຈັດຕະວາ ຫງວຽນຮຸ່ງທັ໊ງ ກ່າວຄຳເຫັນທີ່ພິທີ (ພາບ: Qdnd) |
ທ່ານ ພົນຈັດຕະວາ ຫງວຽນຮຸ່ງທັ໊ງ ຫວັງວ່າ ຈຳນວນອຸປະກອນດັ່ງກ່າວຈະປະກອບສ່ວນໜູນຊ່ວຍກຳປູເຈຍໃນການປ້ອງກັນ, ສະກັດກັ້ນໂລກລະບາດໂຄວິດ - 19 ຢ່າງມີປະສິດທິຜົນ, ພ້ອມທັງສະແດງຄວາມເຊື່ອໝັ້ນວ່າ ກຳປູເຈຍຈະແກ້ໄຂຄວາມຫຍຸ້ງຍາກໂດຍໄວ, ຍູ້ໂລກລະບາດໂຄວິດ - 19 ໃຫ້ຖອຍໄປ, ຮັບປະກັນຄວາມປອດໄພຕໍ່ສູ້ຂະພາບຂອງປະຊາຊົນ ແລະ ພັດທະນາປະເທດຊາດ.
ໂດຍຕາງໜ້າກະຊວງປ້ອງກັນປະເທດ ກຳປູເຈຍ, ທ່ານ ພັນເອກ Rem Kan ໄດ້ສະແດງຄວາມຂອບອົກຂອບໃຈຕໍ່ກະຊວງປ້ອງກັນປະເທດ ຫວຽດນາມ ໄດ້ໜູນຊ່ວຍກະຊວງປ້ອງກັນປະເທດ ກຳປູເຈຍຢ່າງທັນການໃນການປ້ອງກັນສະກັດກັ້ນໂລກລະບາດໂຄວິດ - 19.
ທ່ານພັນເອກ Rem Kan ກໍ່ຢັ້ງຢືນວ່າ ການໜູນຊ່ວຍອຸປະກອນ, ວັດຖຸການແພດເພື່ອປ້ອງກັນ, ສະກັດກັ້ນໂລກລະບາດໂຄວິດ - 19 ຄັ້ງນີ້ ຈະສືບຕໍ່ແມ່ນສິ່ງພິສູດໃຫ້ເຫັນນ້ຳໃຈມິດຕະພາບອັນດີງາມລະຫວ່າງກອງທັບ ແລະ ປະຊາຊົນສອງປະເທດ, ປະກອບສ່ວນເຮັດໃຫ້ການພົວພັນສາມັກຄີ, ມິດຕະພາບ, ການຮ່ວມມືຮອບດ້ານລະຫວ່າງສອງປະເທດ ກຳປູເຈຍ - ຫວຽດນາມ ເລິກເຊິ່ງກ່ວາອີກ.
ຈຳນວນອຸປະກອນ, ວັດຖຸການແພດເພື່ອປ້ອງກັນ, ສະກັດກັ້ນໂລກລະບາດໂຄວິດ - 19 ນີ້ຈະໄດ້ມອບໂດຍກົງໃຫ້ແກ່ຝ່າຍກຳປູເຈຍ ຢູ່ດ່ານຊາຍແດນສາກົນ ມົກບ່າຍ, ແຂວງໄຕນິງໃນວັນທີ 22 ເມສາ.
 | ມອບຂອງຂວັນກ່ວາ 600 ພູດຊ່ວຍໃຫ້ປະຊາຄົມຊາວ ຫວຽດນາມ ອາໄສຢູ່ກຳປູເຈຍຜ່ານຜ່າຄວາມຫຍຸ້ງຍາກຈາກໂລກລະບາດໂຄວິດ - 19 ຍສໝ - ຕາມແຜນການແລ້ວ, ໃນຕອນເຊົ້າວັນທີ 12 ເມສາ ຈະມາເຖິງ, ທ່ານ ຫວູງອກລີ໊ ຫົວໜ້າກົງສູນໃຫຍ່ ຈະພົບປະກັບທ່ານ Kouch Chamroeun ເຈົ້າແຂວງແຂວງ Preah Sihanouk ເພື່ອມອບຜ້າອັດປາກດັ່ງ 10.000 ອັນເພື່ອປະກອບສ່ວນເຂົ້າການໜູນຊ່ວຍອຳນາດການປົກຄອງແຂວງ Preah Sihanouk (ຊຶ່ງແມ່ນໜຶ່ງໃນ 3 ທ້ອງຖິ່ນຖືກຜົນກະທົບຢ່າງໜັກໜ່ວງທີ່ສຸດຈາກໂລກລະບາດໂຄວິດ - ... |
 | ແຂວງດົ່ງທາບຈັດຕັ້ງຫ້ອງຮຽນສອນໃຫ້ລູກຫຼານຊາວຫວຽດນາມອາໄສຢູ່ກຳປູເຈຍ ຍສໝ - ຕາມແຜນການແລ້ວ, ໂຮງຮຽນໄດ້ດຳເນີນໃນຮອບເວລາ 17 ອາທິດດ້ວຍ 2 ວິຊາແມ່ນພາສາຫວຽດ ແລະ ຄະນິດສາດ ໂດຍຄູອາຈານ ຄົນໜຶ່ງຮັບຜິດຊອບ. ສະມາຄົມສົ່ງເສີມການຮຽນເມືອງ ບິ່ງຟູ໊ ແລະ ບັນດາຜູ້ອຸປະຖຳ ມອບປຶ້ມ, ໜັງສື, ອຸປະກອນການຮຽນ ແລະ ຊຸດຮຽນ. ປັດຈຸບັນ, ທ້ອງຖິ່ນຍັງສືບຕໍ່ຂົນຂວາຍອຸປະກອນວັດຖຸຕ່າງໆໃຫ້ແກ່ພວກນ້ອງກັບມາໂຮງຮຽນ. |
 | ກຽນຢາງພັດທະນາ ແລະ ເຊື່ອມຕໍ່ພື້ນຖານໂຄງລ່າງທາງການຄ້າ ເຂດຊາຍແດນກັບກຳປູເຈຍ ຍສໝ - ທ່ານ ຫງວຽນດຶກຈິງ ຮອງປະທານຄະນະກຳມະການແຂວງກຽນຢາງໃຫ້ຮູ້ວ່າ ແຂວງໄດ້ສ້າງເງື່ອນໄຂສະດວກໃນວິວັດການປະຕິບັດໜ້າທີ່ລະຫວ່າງບັນດາອົງການ, ໜ່ວຍງານທີ່ຕິດພັນກັບການໂຄສະນາ, ເຜີຍແຜ່ບັນດາເນື້ອໃນຂອງບົດບັດທຶກຊ່ວຍຈຳ. |
ບຸນຄົງ
