 |
| ທ່ານນາຍົກລັດຖະມົນຕີ ໃຫ້ການຕ້ອນຮັບບັນດາເອກອັກຄະລັດຖະທູດ, ຫົວໜ້າຕາງໜ້າບັນດາອົງການຈັດຕັ້ງຂອງ ສປຊ ປະຈຳຫວຽດນາມ (ພາບ: TTXVN) |
ຕອນບ່າຍວັນທີ 8 ກຸມພາ, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ໃຫ້ການຕ້ອນຮັບບັນດາເອກອັກຄະລັດຖະທູດ, ຜູ້ຕາງໜ້າບັນດາອົງການຈັດຕັ້ງຂອງ ສປຊ ປະຈຳ ຫວຽດນາມ ໂດຍທ່ານ Kamal Malhotra ນັກປະສານງານ ສປຊ ປະຈຳຫວຽດນາມນຳໜ້າ.
ທີ່ການຕ້ອນຮັບທ່ານ ນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ຊີ້ແຈ້ງວ່າ: ປະຊາຊົນຫວຽດນາມຫາກໍ່ຜ່ານຜ່າປີ 2020 ທີ່ເຕັມໄປດ້ວຍຄວາມຫຍຸ້ງຍາກ ແຕ່ຍັງຄົງບັນລຸໄດ້ຜົນງານຫຼາຍຢ່າງທີ່ເປັນໜ້າເອກອ້າງທະນົງໃຈ ແລະ ປັດຈຸບັນພວມຮູ້ສຶກ ປະເອີບໃຈຕໍ່ການຕ້ອນຮັບບຸນເຕັດປະຈຳຊາດສະຫຼຸໃນສະພາບການສືບຕໍ່ມານະພະຍາຍາມຕ້ອນໂລກລະບາດໂຄວິດ - 19.
ທ່ານນາຍົກລັດຖະມົນຕີ ຊີ້ແຈ້ງວ່າ, ກອງປະຊຸມໃຫຍ່ຄັ້ງທີ 13 ຂອງພັກກອມມູນິດຫວຽດນາມຫາກໍ່ສິ້ນສຸດຢ່າງຈົບງາມ, ກຳນົດຍຸດທະສາດ ແລະ ຄາດຫວັງການພັດທະນາປະເທດຊາດຮອດປີ 2025, ວາງແຜນກຳນົດວິໄສທັດຮອດປີ 2030 ແລະ ປີ 2045. ນີ້ແມ່ນເປົ້າໝາຍໃຫຍ່, ມີສິ່ງທ້າທາຍຫຼາຍຢ່າງ, ຮຽກຮ້ອງຕ້ອງການຄວາມມານະພະຍາຍາມທີ່ຍິ່ງໃຫຍ່ຂອງທົ່ວປວງຊົນທັງຊາດ ກໍ່ຄືການສະໜັບສະໜູນ ແລະ ໜູນຊ່ວຍອັນລ້ຳຄ່າຂອງປະຊາຄົມສາກົນ. ປັດຈຸບັນ, ຫວຽດນາມ ພວມມານະພະຍາຍາມຄວບຄຸມໂລກລະບາດໂຄວິດ - 19 ຮອບໃໝ່ທີ່ແຜ່ລາມອອກສູ່ປະຊາຄົມນັບແຕ່ທ້າຍເດືອນມັງກອນ, ມາຮອດປັດຈຸບັນ ຫວຽດນາມໄດ້ຄວບຄຸມບັນດາຈຸດໃຈກາງເກີດໂລກລະບາດໂຄວິດ - 19 ໂດຍພື້ນຖານ, ສູ້ຊົນຄວບຄຸມສະພາບການເພື່ອໃຫ້ປະຊາຊົນຕ້ອນຮັບບຸນເຕັດສະຫຼຸດຢ່າງສະຫງົບສຸກ. ໃນໄລຍະປະສົບກັບຄວາມຫຍຸ້ງຍາກ, ຫວຽດນາມຮູ້ສຶກເປັນກຽດຕໍ່ການອຸມຊູຊ່ວຍເຫຼືອອັນລ້ຳຄ່າຂອງເພື່ອນມິດສາກົນ ແລະ ຫວັງວ່າຈະສືບຕໍ່ໄດ້ຮັບນ້ຳໃຈ, ການສະໜັບສະໜູນອັນລ້ຳຄ່າດັ່ງກ່າວ.
ສ່ວນທ່ານ Kamal Malhotra ໄດ້ຕາງໜ້າບັນດາອົງການສປຊ ປະຈຳຫວຽດນາມໄດ້ສະແດງຄວາມຍິນດີຕໍ່ຫວຽດນາມ ເມື່ອໄດ້ຈັດຕັ້ງສຳເລັດກອງປະຊຸມໃຫຍ່ຂອງພັກກອມມູນິດຄັ້ງທີ 13 ແລະ ເລື່ອງຫວຽດນາມຄວບຄຸມໄດ້ໂລກລະບາດໂຄວິດ - 19 ໂດຍພື້ນຖານ ຮັບປະກັນສຸຂະພາບຂອງປະຊາຊົນ.
ສ່ວນທ່ານ Kidong Park ຜູ້ຕາງໜ້າ WHO ປະຈຳຫວຽດນາມ ໄດ້ສະແດງຄວາມຕັດສິນໃຈຈະຮ່ວມເດີນທາງກັບຫວຽດນາມເພື່ອມຸ່ງໄປເຖິງອະນາຄົດທີ່ສົດໃສແລະມີການພັດທະນາຢ່າງແຮງ. ທ່ານກໍ່ຮູ້ດີໃຈກ່ຽວກັບໝາກຜົນຂອງກອງປະຊຸມໃຫຍ່ຂອງພັກກອມມູນິດ ຫວຽດນາມຄັ້ງທີ 13 ແລະ ມີການເຊື່ອມຕໍ່ການນຳລຸ້ນຕ່າງໆ. ທ່ານເຊື້ອໝັ້ນວ່າ ຫວຽດນາມຈະສືບຕໍ່ບັນດານະໂຍບາຍຮ່ວມມືກັບບັນດາຄູ່ຮ່ວມມືສາກົນ ແລະ WHO ໃຫ້ຄຳໝັ້ນສັນຍາຈະສືບຕໍ່ຮ່ວມມືກັບຫວຽດນາມ ໃນບັນດາກົນໄກ 2 ຝ່າຍ ແລະ ຫຼາຍຝ່າຍ.
 | ຮອງນາຍົກລັດຖະມົນຕີ ຟ້າມບິ່ງມິງ ເຂົ້າຮ່ວມກອງປະຊຸມວົງແຄບລັດຖະມົນຕີກະຊວງການຕ່າງປະເທດ ອາຊຽນ ຍສໝ - ກອງປະຊຸມວົງແຄບລັດຖະມົນຕີກະຊວງການຕ່າງປະເທດ ອາຊຽນທາງອອນລາຍໄດ້ປຶກສາຫາລືກຳນົດທິດ, ບຸລິມະສິດທົ່ວປີຂອງອາຊຽນ ແລະ ແລກປ່ຽນກ່ຽວກັບບັນດາບັນຫາສາກົນ ແລະ ພາກພື້ນທີ່ມີຄວາມສົນໃຈ. |
 | ທ່ານນາຍົກລັດຖະມົນຕີ ຫງວຽນຊວັນຟຸກ ໂອ້ລົມທາງໂທລະສັບກັບທ່ານນາຍົກລັດຖະມົນຕີ ອົດສະຕາລີ ຍສໝ - ທ່ານນາຍົກລັດຖະມົນຕີ ອົດສະຕາລີ Scott Morrison ໄດ້ສະແດງຄວາມຍິນດີຕໍ່ບັນດາຜົນງານທີ່ບຸກທະລຸຂອງ ຫວຽດນາມ ໃນປີ 2021, ກາຍເປັນແບບຢ່າງປະສົບຜົນສຳເລັດທີ່ຫາຍາກໃນໂລກ ກ່ຽວກັບການຄວບຄຸມໂລກລະບາດໂຄວິດ - 19 ຢ່າງມີປະສິດທິຜົນ, ພ້ອມທັງຍັງຮັກສາໄດ້ການພັດທະນາເສດຖະກິດ - ສັງຄົມໃນສະພາບການເສດຖະກິດໂລກຖືກຊຸດໂຊມຢ່າງຮ້າຍແຮງທີ່ສຸດໃນທົດສະວັດ. |
 | ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ: ມານະຍາພະຍາມຈົນສຸດຄວາມສາມາດຂອງຕົນເພື່ອ ຫວຽດນາມທີ່ມີຄວາມປອດໄພຕໍ່ໂລກລະບາດໂຄວິດ ຍສໝ - ທີ່ກອງປະຊຸມ, ທ່ານນາຍົກລັດຖະມົນຕີໄດ້ເນັ້ນໜັກວ່າ ປີ 2020 ແມ່ນປີ ທີ່ຖັນແຖວພະນັກງານຂະແໜງສາທາລະນະສຸກ ໄດ້ມານະພະຍາຍາມສູ້ຊົນ, ໂດຍສະເພາະແມ່ນຜູ້ທີ່ເຂົ້າຮ່ວມວຽກງານປ້ອງກັນ, ສະກັດກັ້ນໂລກລະບາດໂຄວິດ - 19, ດ້ວຍຈິດໃຈບໍ່ຫວາດຫວັ່ນຕໍ່ຄວາມຫຍຸ້ງຍາກລຳບາກ, ພ້ອມແລ້ວທີ່ຈະເສຍສະຫຼະ, ອຸທິດສ່ວນ… ປະກອບສ່ວນສຳຄັນເຂົ້າໃນໜ້າທີ່ຮັກສາສຸຂະພາບ, ປົກປ້ອງຊີວິດປະຊາຊົນເວົ້າສະເພາະ ແລະ ພັດທະນາເສດຖະກິດ - ສັງຄົມ ຂອງປະເທດຊາດ ເວົ້າລວມ. |
ບຸນຄົງ
