 |
| ທ່ານ ຟ້າມບິ່ງມິງ ຮອງນາຍົກລັດຖະມົນຕີ,ລັດຖະມົນຕີກະຊວງການຕ່າງປະເທດ ຫວຽດນາມເຂົ້າຮ່ວມກອງປະຊຸມ (ພາບ: VOV) |
ກະຊວງການຕ່າງປະເທດໃຫ້ຮູ້ວ່າ, ໂດຍໄດ້ຮັບຄຳເຊື້ອເຊີນຂອງທ່ານລັດຖະມົນຕີກະຊວງການຕ່າງປະເທດ ບຣຸໄນ Dato Erywan Pehin Yusof, ວັນທີ 21 ມັງກອນ, ທ່ານຟ້າມບິ່ງມິງ ລັດຖະມົນຕີກະຊວງການຕ່າງປະເທດ ຫວຽດນາມ ໄດ້ນຳໜ້າຄະນະຜູ້ແທນຫວຽດນາມເຂົ້າຮ່ວມກອງປະຊຸມວົງແຄບລັດຖະມົນຕີກະຊວງການຕ່າງປະເທດ ອາຊຽນ ທາງອອນລາຍ. ໂດຍເຂົ້າຮ່ວມກອງປະຊຸມລັດຖະມົນຕີກະຊວງການຕ່າງປະເທດ ບັນດາປະເທດອາຊຽນ ແລະ ເລຂາທິການໃຫຍ່ອາຊຽນ ແລະ ໄດ້ແລກປ່ຽນກ່ຽວກັບບັນຫາສາກົນ ແລະ ພາກພື້ນ ທີ່ຕ່າງຝ່າຍຕ່າງມີຄວາມສົນໃຈ.
ທີ່ກອງປະຊຸມ,ບັນດາປະເທດໄດ້ຕີລາຄາສູງ ແລະ ອວຍພອນຫວຽດນາມ ທີ່ໄດ້ສຳເລັດອາຍຸການປະທານອາຊຽນ 2020 ໄດ້ເປັນຢ່າງດີ, ນຳອາຊຽນຮັກສາການໂອ້ລົມສົນທະນາ, ຮ່ວມມື ແລະ ຮັບມືກັບບັນດາສິ່ງທ້າທາຍ, ຄວາມຫຍຸ້ງຍາກທີ່ຍັງບໍ່ເຄີຍມີມາກ່ອນ. ກອງປະຊຸມໄດ້ເຫັນດີ ອາຊຽນຕ້ອງມານະພະຍາຍາມຜັນຂະຫຍາຍບັນດາບຸລິມະສິດ, ຂໍ້ລິເລີ່ມ ແລະ ໂຄງການຮ່ວມມືທີ່ໄດ້ຕົກລົງກັນຢ່າງມີປະສິດທິຜົນ, ໃນນັ້ນໄດ້ສືບຕໍ່ຊຸກຍູ້ການສ້າງປະຊາຄົມ, ຮັບມືກັບໂລກລະບາດໂຄວິດ - 19 ຢ່າງແຮງ.
ບັນດາປະເທດຢັ້ງຢືນສະໜັບສະໜູນຫົວຂໍ້ “ຮ່ວມສົນໃຈ, ຮ່ວມກະກຽມ, ຮ່ວມວັດທະນາຖາວອນ” ເນື່ອງໃນໂອກາດນີ້, ທ່ານປະທານ ບຣູໄນໄດ້ສະເໜີບັນດາບຸລິມະສິດ, ຂໍ້ລິເລີ່ມ ໃຫ້ການຮ່ວມມືອາຊຽນ ປີ 2021, ໃນນັ້ນມີການສ້າງສຳຜັດສັງລວມຂອງອາຊຽນ ຊຸກຍູ້ການຮ່ວມມືເປັນຫຼາຍຮູບແບບ, ສ້າງໂຄງປະກອບ ພາກພື້ນໂດຍອີງໃສ່ກົດໝາຍ, ຮັບມືກັບບັນດາກໍລະນີສຸກເສີນ ແລະ ໄພພິບັດ, ດູແລສຸຂະພາບເນື້ອໃນຈິດໃຈຂອງປະຊາຊົນ, ສົ່ງເສີມບົດບາ ແລະ ເຂົ້າຮ່ວມ, ປະກອບສ່ວນຂອງຊາວໜຸ່ມໃຫ້ແກ່ວັດທະນາຖາວັນ ແລະ ສັນຕິພາບລວມ.
ກ່າວຄຳເຫັນທີ່ກອງປະຊຸມ, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຟ້າມບິ່ງມິງ ໄດ້ສະແດງຄວາມຂອບອົກຂອບໃຈຕໍ່ການຮ່ວມມື ແລະ ໜູນຊ່ວຍຂອງບັນດາປະເທດທີ່ສະຫງວຽນໃຫ້ຫວຽດນາມ, ເພື່ອສຳເລັດໜ້າທີ່ປະທານອາຊຽນ 2020, ທ່ານກໍ່ຢັ້ງຢືນຈະສະໜັບສະໜູນ ແລະ ຮ່ວມມືຢ່າງແໜ້ນແຟ້ນກັບ ບຣູໄນ ແລະ ບັນດາປະເທດອາຊຽນເພື່ອແນໃສ່ປະຕິບັດບັນດາເປົ້າໝາຍ ບຸລິມະສິດທີ່ໄດ້ວາງອອກໃນປີ ອາຊຽນ 2021.
ໃນສະພາບການໂລກ ແລະ ພາກພື້ນສືບຕໍ່ປະເສີນໜ້າກັບສິ່ງທ້າທາຍຫຼາຍຢ່າງ, ທ່ານຮອງນາຍົກລັດຖະມົນຕີ ຟ້າມບິ່ງມິງ ເນັ້ນໜັກວ່າ ອາຊຽນຕ້ອງມານະພະຍາຍາມຜັນຂະຫຍາຍບັນດາຜົງານ, ຂໍ້ລິເລີ່ມ, ຂໍ້ຕົກລົງໃນປີ 2020 ຢ່າງມີປະສິດທິຜົນ.
ສິ້ນສຸດກອງປະຊຸມ, ບຣູໄນປະທານອາຊຽນ 2021 ໄດ້ຕາງໜ້າອາຊຽນອອກຖະແຫຼງການສື່ມວນຊົນ ຫວນຄືນຈຸດຫຼັກແຫຼ່ງທີ່ໄດ້ແລກປ່ຽນທີ່ກອງປະຊຸມ.
 | ຫວຽດນາມ ແລະ ບຣູໄນ ເຫັນດີເປັນເອກະພາບເພີ່ມທະວີການສົມທົບກັນ, ຄວາມສະໜິດຕິດພັນພາຍໃນກຸ່ມອາຊຽນ ຍສໝ - ທີ່ການໂອ້ລົມທາງໂທລະສັບ, ທ່ານລັດຖະມົນຕີ Dato Erywan Pehin Yusof ໄດ້ສະແດງຄວາມອວຍພອນຫວຽດນາມທີ່ໄດ້ປະຕິບັດອາຍຸການດຳລົງຕຳແໜ່ງເປັນປະທານອາຊຽນປີ 2020 ຢ່າງສຳເລັດ, ພິເສດແມ່ນໄດ້ນຳພາອາຊຽນຜ່ານຜ່າສິ່ງທ້າທາຍຄວາມຫຍຸ້ງຍາກ ທີ່ຍັງບໍ່ເຄີຍມີມາກ່ອນ. |
 | ກອງປະຊຸມເຈົ້າໜ້າທີ່ອາວຸໂສ ອາຊຽນ ກະກຽມໃຫ້ກອງປະຊຸມວົງແຄບລັດຖະມົນຕີກະຊວງການຕ່າງປະເທດອາຊຽນ ຍສໝ - ກ່າວຄຳເຫັນທີ່ກອງປະຊຸມ, ທ່ານຮອງລັດຖະມົນຕີກະຊວງການຕ່າງປະເທດ ຫງວຽນກ໊ວກຢຸງ ໄດ້ສະແດງຄວາມຂອບອົກຂອບໃຈຕໍ່ການສະໜັບສະໜູນຂອງບັນດາປະເທດອາຊຽນຕໍ່ຫວຽດນາມ ໃນປີ 2020 |
 | ອາຊຽນນຳມາເຊິ່ງບົດຮຽນປະສົບການອັນລ້ຳຄ່າໃນວິວັດການຊຸກຍູ້ຄວາມສະໜິດຕິດພັນຢູ່ອາຊີໃຕ້ ຍສໝ - ທ່ານ ຮ່ວາງວັນເລິຍ ເອກອັກຄະລັດຖະທູດ ຫວຽດນາມຖືວ່າ ອາຊຽນໃນຖານະແມ່ນອົງການຈັດຕັ້ງພາກພື້ນ ໄດ້ມີການປະກອບສ່ວນໃນການນຳພາອາຊີຕາເວັນອອກສ່ຽງໃຕ້ ມຸ່ງໄປສູ່ຄວາມກ້າວໜ້າ ແລະ ວັດທະນາຖາວອນ, ພ້ອມທັງປະກອບສ່ວນເຂົ້າການສ້າງການພົວພັນເພື່ອສັນຕະພາບ ແລະ ການຮ່ວມມືກັບບັນດາຄູ່ຮ່ວມມືໃນພາກພື້ນ ແລະ ໃນໂລກ. |
ບຸນຄົງ
