 |
| ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກກ່າວຄຳເຫັນທີ່ກອງປະຊຸມ (ພາບ: nhandan.com.vn) |
ວັນທີ 6 ມັງກອນ, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ເຂົ້າຮ່ວມ ແລະ ກ່າວຄຳເຫັນທີ່ກອງປະຊຸມສາທາລະນະສຸກທົ່ວປະເທດ ແລະ ຕີລາຄາໝາກຜົນໃນປີຜ່ານມາ ແລະ ຜັນຂະຫຍາຍໜ້າທີ່ໃນປີ 2021.
ທີ່ກອງປະຊຸມ, ທ່ານນາຍົກລັດຖະມົນຕີໄດ້ເນັ້ນໜັກວ່າ ປີ 2020 ແມ່ນປີ ທີ່ຖັນແຖວພະນັກງານຂະແໜງສາທາລະນະສຸກ ໄດ້ມານະພະຍາຍາມສູ້ຊົນ, ໂດຍສະເພາະແມ່ນຜູ້ທີ່ເຂົ້າຮ່ວມວຽກງານປ້ອງກັນ, ສະກັດກັ້ນໂລກລະບາດໂຄວິດ - 19, ດ້ວຍຈິດໃຈບໍ່ຫວາດຫວັ່ນຕໍ່ຄວາມຫຍຸ້ງຍາກລຳບາກ, ພ້ອມແລ້ວທີ່ຈະເສຍສະຫຼະ, ອຸທິດສ່ວນ… ປະກອບສ່ວນສຳຄັນເຂົ້າໃນໜ້າທີ່ຮັກສາສຸຂະພາບ, ປົກປ້ອງຊີວິດປະຊາຊົນເວົ້າສະເພາະ ແລະ ພັດທະນາເສດຖະກິດ - ສັງຄົມ ຂອງປະເທດຊາດ ເວົ້າລວມ.
ທ່ານນາຍົກລັດຖະມົນຕີໄດ້ສະແດງຄວາມຂອບໃຈຕໍ່ຖັນແຖວສາດສະດາຈານ, ທ່ານໝໍ, ພະຍາບານ, ລັດຖະກອນ, ຜູ້ອອກແຮງງານ ຢູ່ບັນດາຮາກຖານແຍກຕົວ, ບັນດາພື້ນຖານສາທາລະນະສຸກ ສຳຮອງ, ບັນດາຮາກຖານກວດປິ່ນປົວພະຍາດ, ໃນຕະຫຼອດໄລຍະທີ່ຜ່ານມາ, ໄດ້ມານະຍາພະຍາມຈົນສຸດຄວາມສາມາດຂອງຕົນເພື່ອ ຫວຽດນາມທີ່ມີຄວາມປອດໄພຕໍ່ໂລກລະບາດໂຄວິດ - 19. ຜ່ານນັ້ນ, ນ້ຳໃຈມະນຸດສະທຳຂອງຫວຽດນາມ ໄດ້ສະແດງອອກຢ່າງຈະແຈ້ງ ຜ່ານວຽກງານປ້ອງກັນ, ສະກັດກັ້ນໂລກລະບາດໂຄວິດ - 19.
ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ຊີ້ແຈ້ງວ່າ ກິດຈະການພັດທະນາເສດຖະກິດ - ສັງຄົມຂອງປະເທດຊາດ ສືບຕໍ່ວາງອອກຄວາມຮຽກຮ້ອງຕ້ອງການ, ໜ້າທີ່ ແລະ ສິ່ງທ້າທາຍໃໝ່ ຢ່າງໜັກໜ່ວງທີ່ສຸດ ໃຫ້ຂະແໜງສາທາລະນະສຸກ, ກະຊວງສາທາລະນະສຸກ ຄວນສ້າງແຜນການກະທຳຢ່າງລະອຽດໃນໄລຍະຈະມາເຖິງ.
ເມື່ອຫວນຄືນບັນດາໝາກຜົນທີ່ພົ້ນເດັ່ນຂອງຂະແໜງສາທາລະນະສຸກ ໃນໄລຍະທີ່ຜ່ານມາ, ທ່ານນາຍົກລັດຖະມົນຕີ ໃຫ້ຮູ້ວ່າ ວຽກງານກໍ່ສ້າງ, ບຸລະນະບັນດາແຜນນະໂຍບາຍ, ແນວທາງຂອງພັກ, ນະໂນບາຍກົດໝາຍຂອງລັດ ກ່ຽວກັບການປ້ອງກັນ, ດູແລ ແລະ ຍົກສູງສຸຂະພາບຂອງປະຊາຊົນໃນໄລຍະທີ່ຜ່ານມາສ້າງໄດ້ພື້ນຖານສຳຄັນທີ່ສຸດ.
ຂະແໜງສາທາລະນະສຸກ, ກຳລັງກອງທັບ, ຕຳຫຼວດ ແລະ ທ້ອງຖິ່ນຕ່າງໆ ຕ້ອງຍົກສູງຈິດໃຈລະວັງຕົວ, ເດັດຂາດບໍ່ໃຫ້ລະເຫຼິງ, ບໍ່ປະໃຫ້ໂລກລະບາດແຜ່ລະບາດ; ສືບຕໍ່ຍູ້ແຮງການຜັນຂະຫຍາຍການກວດ ແລະ ປິ່ນປົວພະຍາດຈາກທາງໄກ; ປະຕິບັດການເຊື່ອມຕໍ່, ຢັ້ງຢືນຜົນການວິໄຈ, ເຊື່ອມຕໍ່ຜົນການບົ່ງມະຕິພະຍາດລະຫວ່າງໂຮງໝໍແຫ່ງຕ່າງໆ…
 | ສະໜາມບິນເຕິນເຊີນເຍິດນະຄອນໂຮ່ຈີມິນ ໄດ້ຮັບໃບຢັ້ງຢືນສາກົນກ່ຽວກັບການປ້ອງກັນ, ສະກັດກັ້ນໂລກລະບາດໂຄວິດ - 19 ລະດັບສາກົນ ໃບຢັ້ງຢືນ Airport Health Accreditation (AHA) ໄດ້ຢັ້ງຢືນກ່ຽວກັບການຮັບປະກັນຄວາມປອດໄພສຸຂະອະນາໄມກັນເຊື້ອພະຍາດຢູ່ ທ່າອາກາດສະຍານສາກົນ ເຕິນເຊີນເຍິດ. |
 | ຫວຽດນາມສະແດງຄວາມວິຕົກກັງວົນກ່ຽວກັບສະພາບການໃຊູ້ຄວາມຮຸນແຮງຢູ່ ສາທາລະນະລັດ ປະຊາທິປະໄຕ ກົງໂກ ຍສໝ - ທີ່ກອງປະຊຸມ, ຫວຽດນາມໄດ້ສະແດງຄວາມວິຕົກກັງວົນ ກ່ຽວກັບການໃຊ້ຄວາມຮຸນແຮງໃສ່ສາມັນຊົນ ເມືອ່ ປະຊາຊົນກ່ວາ 5,2 ລ້ານຄົນບໍ່ມີເຮືອນຢູ່, 21,8 ກ່ວາຄົນຕ້ອງປະເຊີນໜ້າກັບສະພາບການຂາດຄວາມໝັ້ນຄົງດ້ານສະບຽງອາຫານຢູ່ປະເທດນີ້. |
 | ນະຄອນໂຮ່ຈີມິນຍ້ອງຍໍສັນລະເສີນ ນັກສຶກສາລາວ - ກຳປູເຈຍ ດີເດັ່ນ122 ຄົນໃນປີ 2020 ຍສໝ - ນາມມະຍົດ “ນັກສຶກສາ ລາວ - ກຳປູເຈຍທີ່ດີເດັ່ນ” ເພື່ອແນໃສ່ເຊີດຊູ, ຍ້ອງຍໍໃຫ້ແກ່ບັນດາຜູ້ທີ່ເປັນແບບຢ່າງຂອງນັກສຶກສາລາວ, ກຳປູເຈຍໃນການຮ່ຳຮຽນ, ຕັ້ງໜ້າເຂົ້າຮ່ວມ ບັນດາການເຄື່ອນໄຫວຂອງຂະບວນການ. ຜ່ານນັ້ນ, ປະກອບສ່ວນເຂົ້າການທະວີຄູນບັນດາແບບຢ່າງນັກສຶກສາລາວ, ກຳປູເຈຍເພື່ອແນໃສ່ສ້າງການແຜ່ຂະຫາຍອອກສູ່ນັກສຶກສາສອງປະເທດທີ່ພວມຮ່ຳຮຽນຢູ່ນະຄອນ ໂຮ່ຈີມິນ. |
ບຸນຄົງ
